KO Ɔ NUNDENƐ 7:2 - Yataa 'a Dɔbɛnɛ Nama

² Mbɛ n‑na maeka dɔ gbɛɛ yen, ɛ ka‑a tee bɔ. Fenɛ ni wan a boo a, min mbe nyɛnɛ sa mɔɛ ma. Yataa, min mbe ee fa kuɔ fɔ ko a, an‑na fen chɛ be a ma. Mbɛ a‑a maeka naanin chɛ n chee gbankon, maeka chɛ nu, gbasaya beenɛ ɛ ka miin ma, ko yama ma koe a duu gboo ma, mbɛ an‑na a ma kɔ yii ɔ.

KO Ɔ NUNDENƐ 7:2 Iomraidhean Croise

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 26:63

Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

GBOO FEAN BƆƐ KƆYINDI KO A 1:22

A sin fan‑na a boo gba to nn ma, a ɔ yian koe a, mbɛ nn mbe a wan ko a. A Nyina wɛɛ, a‑a a be wan nn ma to ma koe a nn fɛ. A ni a ma, nn ni dan a a, koe miin gbɛɛ a a boo ɔ nn ko a.

Gboo Ɛfisɔsi Ko A 1:13

A sin, a ma‑a ka wan wo wɛɛ a. Wo wan, wo wɛn‑na sakana bai chɛ a min, tea mu min na, min mbe wo baun. Wo sin‑na wo kai fa wan Chisɔsi Chasi a, mbɛ a‑a Yataa Nyina a na, wo too ɔ dia‑a min na, wo kun ma fɛn koe a.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

Gboo Saa Tɛsadonika Ko A 1:9

Mɔɛ chɛ n gbɛɛ mbe wan bai sa‑a, a si nn bia buɛ ma, wo boo ɔ, nn na‑a wo kɔndɔn‑da tima min na. A yɛ to, a si wo‑a wo kan kɔ sɔ buɛ min dɔ fen chɛ n na, miin ma Yataa a. Wo‑a chɛ ma tea Yataa an fai koe a, min mbe ma‑a nɔ kuɔ fɔ ko a.

2 TIMOTI 2:19

Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”

GBOO IBU MƆƐ N KO A 12:22

Chɛɛ wo‑a min ma gbɛ, wo na‑a Sayɔn kɔnkɔɛ kɔɔ, wo na‑a duu wa chɛ ɔ Yataa tena, min mbe ee fa kuɔ fɔ ko a. Wo na‑a Chuusaɛn, min mbe banda bu ɔ, maeka wu sɛsɛ n mbe kaina min, buɔdia ɔ.

KO Ɔ NUNDENƐ 1:3

Mɔɛ miin mbe bai chɛ n kan‑da gboo chɛ ɔ, an duaen mu. Mɔɛ chɛ n bɛɛ, miin mbe bai chɛ a min‑da, min ka‑a Yataa tena, mbɛ an‑na an boo si a kɔɔ, an duaen mu. Koe min na mu, tima ɔ ma yansan to, mbɛ koe chɛ n gbɛɛ bɔ‑a a a.

KO Ɔ NUNDENƐ 10:1

Chɛ gbakɔ, mbɛ n‑na maeka dɔ mende yen yii‑a, a ka banda bu ɔ, min ni gbasa. A ma koa ni dugbu an na, ninkinankantuu tindandenɛ ɛ a kunɛ a. A ya kɔɔɛ ni man tena wan yɔ tee, a chenɛ n sin ni wan yɔ ta sanku manɛ.

KO Ɔ NUNDENƐ 10:4

Banda chɛ sɛmbɛ‑a kɛn koɔ koe a, a‑a min gbɛɛ fɔ, n toen ni n ni a nyɛn. Chɛɛ n‑na kuiɛ a min fan, a ka banda bu ɔ, a ɔ, “Koe chɛ n sa i yii ma. I ma an nyɛn gboo ma.”

KO Ɔ NUNDENƐ 16:12

Maeka wɔdɔn bɔɛ‑a a ta pani ɔ wuyan yii chɛ an dɔ, an mbe min chee, an dɔ, Yufatesi. An yii chɛ gbaa‑a wan tado, chia be koe a mansa chɛ n ma, miin mbe ka tee bɔ.

KO Ɔ NUNDENƐ 5:2

Mbɛ n‑na maeka gbasaen ba yen, ɛ tisa chɛ‑a, a kuiɛ ma sɛenɛ a, a ɔ, “Gbasaya bɛnden mu nyɔn ma, yuu tɛ koe a gboo chɛ ma, a ni a a fuin?”

KO Ɔ NUNDENƐ 8:3

Mbɛ maeka dɔndɔ na‑a, a sɔ‑a gbengbe chɛ baima. Pani min mbe a boo a, a nyanden mu sanu an dɔ. Fen kunyɛ a diama been fan ni a ma, Yataa 'a mɔɛ n 'na samunɛ ma munda koe a. A yɛ to, a minda koe a sanu gbengbe chɛ ma, mansa sea chɛ ya kɔɔɛ.

KO Ɔ NUNDENƐ 9:14

Maeka wɔdɔn bɔɛ chɛ, buu chɛ ɛ ka min boo a, kuiɛ chɛ ɔ te a ma, a ɔ, “Maeka naanin chɛ nu, Yataa‑a a ma miin chiienɛ ɛ Yufatesi yii wa da a, yuu tɛ an ma.”

KO Ɔ NUNDENƐ 9:4

A fɔen fan ni an ye, mbɛ an ma ko yama kan kɔ kan ma bin gbii a dunya chɛ ɔ. An ma a ma yamba kuunɛ n bɛɛ a, an ma a ma kɔnɛ n na. Chɛɛ an ni a ma mɔɛ chɛ n fan na dechee, Yataa 'a nyɛn chɛ ma sa ni miin ya kɔɔɛ.