KO Ɔ NUNDENƐ 6:2 - Yataa 'a Dɔbɛnɛ Nama

² Mbɛ n‑na n ya a sɛ, mbɛ n‑na soo gbɛ yen. Mɔɛ min ni si ɔ a kun ma, tamba a dɛ fenɛ an ni a boo a, mbɛ mansa banfua be‑a a ma. A ni ta tena a 'a soo chɛ a, a ni chɛɛ sɛsɛ kun bia, a ni kun a chɛɛ ma nyɔɛ n ma.

KO Ɔ NUNDENƐ 6:2 Iomraidhean Croise

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

GBOO SAA KƆYINDI KO A 15:25

Koe min na mu, ɛ ma‑a wan mansaya ɔ, aan Yataa ni kun chɛɛ ma nyɔɛ chɛ n gbɛɛ ma, mbɛ a‑a an si Chasi chen kɔɔ.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 11:18

Mɔɛ miin ma i sɔn, an faa tɛen fan ni yama yama, chɛɛ i ta faatɛ che‑a gbɛ a ma, kaa a tɛ tima che‑a gbɛ fuɛ n ma. I 'a wai chɛ mɔɛ nu, gbonka chɛ mɔɛ nu i ko a, an 'na tɔnɔnɛ tima che‑a gbɛ. I 'a mɔɛ nu, an bɛ mɔɛ n na, miin mbe chian i tɔɛ ma, yɔn tɔɛ n bɛ nyan tɔɛ n na, an 'na tima che‑a. Miin mbe kasaa‑a dunya ɔ, an kasaa tima che‑a.”

KO Ɔ NUNDENƐ 14:14

Chɛ gbɛɛ gbakɔ, mbɛ n‑na n ya a si to, mbɛ a yen ko, n‑na mɔɛ yen si ɔ dugbu ɔ, dugbu gbɛenɛ fion. An mɔɛ chɛ ni Mɔ Gbu 'a Denɛ an na, mansa banfua ɛ si ɔ a kun na, min nyanden ni sanu a, ni mɛ wa ɛ a boo a, chin fen tɛ koe a.

KO Ɔ NUNDENƐ 15:2

A yɛ to, mbɛ n‑na yii wa yen, a maenɛ ɛ yɔ mɛmɛ, a basan ta manɛ a. N‑na mɔɛ chɛ n bɛɛ yen fan, soe yama wa chɛ nii ma kun ni miin ma. Mɔɛ chɛ nu, fenɛ min bɔen ni an soe chɛ a, a ma kun ni mɔɛ miin ma, an sin nii ma nɔmba ya ni an soe chɛ tɔɛ ɔ. An mɔɛ chɛ n ni sɔ ɔ yii mia mia chɛ an kaa a, kɔninka min Yataa‑a a be an ma, ɛ an boo a.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 19:14

Soya mɔɛ miin sin ni banda bu ɔ, an‑na an gbee gbasi wan a gbaa chia a, an mbe si ɔ soo gbɛ an kun ma. An ma bɛndenɛ ɛ koa nyima ɔ, a gbɛenɛ ɛ fo fo.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”

KO Ɔ NUNDENƐ 9:7

Ni mɔ na‑a kondon chɛ n yen, an ni wan yɔ ni soo n sɔ‑a an gbee ma, an ma bɛndenɛ ɛ ta koe a chɛɛ ɔ. A maen fan ni yɔ sanu mansa banfua an ni si ɔ an kunɛ n na, an ya kɔɔɛ nan sin ni wan yɔ mɔ gbu ta.