KO Ɔ NUNDENƐ 6:1 - Yataa 'a Dɔbɛnɛ Nama

¹ N ya to‑a ka wan sa tɔngbɔɛ chɛ a, mbɛ a‑a yuu saa tɛ gboo chɛ ma. Mbɛ fɔɛ fen naanin chɛ n dɔndɔ, n‑na a kuiɛ a min, min ni yɔ banda koɔ kuiɛ. A ɔ, “Na wɛ, i ni ta.”

KO Ɔ NUNDENƐ 6:1 Iomraidhean Croise

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

CHISƆSI 'A SƆ MƆƐ NU 4:20

Koe min na mu, nn mbe ee che nn da a tɔn‑da koe n ma, nn fandi‑a koe miin dɔ yen, a yɛ to, nn too‑a miin na min.”

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 14:2

Mbɛ n‑na mɔɛ kuiɛ a min, a ka banda bu ɔ, kuiɛ gbankon ba yɔ yii tu kuiɛ, ni chɛ ma, banda tu kuiɛ. Kuiɛ chɛ bɔ‑a wan, yɔ kɔninka gbasi mɔɛ ɛ ma a boo a tɔmbɔ‑a a yuu a.

KO Ɔ NUNDENƐ 19:6

Mbɛ a ma‑a, yɔ n‑na mɔ fanka kuiɛ a min. An kuiɛ chɛ maen fan ni gbankon, yɔ yii tu kuiɛ waa a, chɛ ma, banda tu kuiɛ gbau gbau. An dɔ, “Mmɔ Yataa tando, mmɔ 'a mansa, gbasaya mansa wa mu an na.

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

KO Ɔ NUNDENƐ 5:1

Min ma‑a gbɛ, mbɛ a wɛn mbe ka si ɔ mansa sea chɛ a, n‑na fenɛ yen a boo nyima a. An fen chɛ ni gboo yamba an na, fenɛ nyɛndenɛ ɛ a ya fea gbɛɛ ma. A a mendemende n fan ni, a a chiienɛ ɛ gba wɔnfea.

KO Ɔ NUNDENƐ 5:12

An mbe dau‑a si a, an dɔ, “Basɔmaya bɛnden mu i wan ma, sa tɔngbɔɛ chɛ, an‑na min fa. Tando bɛnden mu i ma, gbasaya bɛnden mu i ma, a basan nyanɛ a, yiimatɛ wɛɛ to, a basan dɔgbɛaya a. Chɛ bɛnden mu dechee i wan ma.”

KO Ɔ NUNDENƐ 5:8

Sa tɔngbɔɛ chɛ‑a a bia kɛn, mbɛ fɔɛ fen naanin chɛ nu, an bɛ gbakoo bi fea kun ma naanin chɛ n na, an‑na an kumbai gbangban a chen kɔɔ. Kɔninka an ni gbakoo chɛ n gbɛɛ boo a, ni sanu pani nu. Fen kunyɛ a diama an ni pani chɛ n gbɛɛ ɔ. Fen kunyɛ a diama chɛ n sin ni samunɛ an na, Yataa 'a mɔɛ n ni miin chɛ.

KO Ɔ NUNDENƐ 6:3

Sa tɔngbɔɛ chɛ‑a yuu fean bɔɛ tɛ kɛn, mbɛ n‑na fɔɛ fenɛ fean bɔɛ wɛɛ kuiɛ a min, a ɔ, “Na wɛ, i ni ta.”

KO Ɔ NUNDENƐ 6:5

Sa tɔngbɔɛ chɛ‑a yuu sawan bɔɛ tɛ kɛn, n‑na fɔɛ fenɛ sawan bɔɛ kuiɛ a min fan, a ɔ, “Na wɛ, i ni ta.” N‑na soo finɛ yen, min sɔen mu tima ko a, daun fen koe gbɛ kaka tima min na. Mɔɛ min ni si ɔ a kun ma, sechee dɔndɔ an ni dɛn dɔ a boo a, daun fenɛ siman koe a.

KO Ɔ NUNDENƐ 6:7

Sa tɔngbɔɛ chɛ‑a yuu naanin bɔɛ tɛ kɛn, mbɛ n‑na fɔɛ fenɛ naanin bɔɛ kuiɛ a min, a ɔ, “Na wɛ, i ni ta.”

KO Ɔ NUNDENƐ 8:1

Mbɛ sa tɔngbɔɛ chɛ‑a yuu wɔnfean bɔɛ tɛ kɛn, kaina ɔ maun‑da wan don banda bu ɔ, miniti bi sawa ko a.