KO Ɔ NUNDENƐ 5:9 - Yataa 'a Dɔbɛnɛ Nama

⁹ Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.

KO Ɔ NUNDENƐ 5:9 Iomraidhean Croise

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 26:28

A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

GBOO SAA KƆYINDI KO A 6:20

Yataa‑a wo sɔnkɔɛ bɔ wan. Chɛ ko a, wo wo gboo bia chia an na, min mbe na tando a a tena.

GBOO SAA KƆYINDI KO A 7:23

Yataa‑a wo sɔnkɔɛ an bɔ. Wo ma Yataa to, wo ni don mɔɛ n kɔɔ.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 5:19

Wo ni koe ma ka wo nyɔn tɛ ɔ. Wo si kan kɔ kan sa Yataa ye, a ɛ tando min dɔ. Wo si a diama n na bɔ Yataa tena, wo faa gbɛɛ a.

Gboo Kɔdɔsai Ko A 1:14

Mmɔ‑a kunka ma sɔn, mmɔ bɔ‑a mmɔ 'a ko yama n dɔ, koe min na mu, a 'a den chɛ, mɔ dɔndɔɛ mu gbɛ mmɔ a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 11:14

Mɔɛ miin sin mbe bai bonda chɛ n fɔ, an mbe ma ka a fɔ an na gboden, mbɛ an mbe an ya a kan tena an ta chɛnyɛ an na.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

1 CHƆN 2:2

Chisɔsi chɛ an ma‑a yasi a mmɔ 'a ko yama n ko a. A sin, mmɔ 'a ko yama n dechee ko a ma, chɛɛ dunya gbɛɛ 'a ko yama n ko a.

KO Ɔ NUNDENƐ 10:11

Mbɛ n‑na kuiɛ dɔ n na min, an dɔ, “Chɛnyɛ kun kan kɔ kan, chɛnyɛ koɛ kan kɔ kan, mɔ gbu kan kɔ kan, a basan an 'na mansa wa n gbɛɛ a dunya ɔ, Yataa 'a sakana bai ɔ yian, a si an gbɛɛ ma.”

KO Ɔ NUNDENƐ 11:9

Mɔɛ n mbe na‑a wan, a bɔ chɛnyɛ kun kan kɔ kan dɔ, chɛnyɛ koɛ kan kɔ kan, dambi kan kɔ kan, ni mɔ gbu kan kɔ kan. An mbe na‑a wan, an ni an su chɛ n yen. A sin, an mbe ee dɔn‑da mɔ ɔ mɔ ni an su chɛ n ya, a ni an tɔn. An mbe chɛ ma‑a wan, tee sawa ni a tɔɛ ko a.

KO Ɔ NUNDENƐ 13:7

Yataa‑a a to wan nɔ, a‑a chɛɛ bun Yataa 'a mɔɛ n ma, a sin kun‑da wan an ma. A yɛ to, gbasaya be‑a wan a ma mɔɛ gbɛɛ kun ma dunya ɔ. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 14:6

Mbɛ n‑na maeka dɔ mende yen, ɛ ben‑da banda a yɔ konde. Sakana bai chɛndɛ ɛ a boo ɔ, sakana min mbe ee tui kuɔ fɔ. Ɛ a boo ɔ, mɔɛ n gbɛɛ ko a dunya ma. Chɛ n ko a chɛnyɛ kunɛ kan kɔ kan dɔ, chɛnyɛ koɛ n dɔ, dambi n dɔ, ni mɔ gbu kan kɔ kan ko a.

KO Ɔ NUNDENƐ 15:3

Mɔɛ chɛ nu, an na‑a si dɔndɔ a bɔ wan, a si Yataa‑a gbasaya ɔ yian buɛ min dɔ a 'a yɔnɛ Mosisi 'a tima a. A yɛ to, a‑a a ɔ yian buɛ min dɔ sa tɔngbɔɛ chɛ a tima wɛɛ a. An dɔ, “Yataa Mansa Wa, i wɛn gbasa fen fen ma, i chɛ chɛ wai n koo, da ɔ gbaa koe nu mu. Dunya gbɛɛ ɛ i 'a mansaya an kɔɔ. I 'a ko ɔ ko a kanden mu, a sin kafa ee a ɔ.

KO Ɔ NUNDENƐ 17:15

Mbɛ maeka chɛ a ɔ te n ma, a ɔ, “I na‑a yii miin sin yen ka, duu dia chɛ ni ka si ɔ miin kaa a, an mu mɔ gbu n fan na, mɔ fanka nu, chɛnyɛ kunɛ nu, a basan chɛnyɛ koɛ n na.

KO Ɔ NUNDENƐ 4:11

“Nn 'na mansa, nn 'na Yataa, tando bɛnden mu i wan ma, basɔmaya bɛnden mu i ma, a basan gbasaya a. I wan‑na fen fen nyan, i 'a yiinachii, an‑na a ma, an gbɛɛ nyan‑da.”

KO Ɔ NUNDENƐ 5:12

An mbe dau‑a si a, an dɔ, “Basɔmaya bɛnden mu i wan ma, sa tɔngbɔɛ chɛ, an‑na min fa. Tando bɛnden mu i ma, gbasaya bɛnden mu i ma, a basan nyanɛ a, yiimatɛ wɛɛ to, a basan dɔgbɛaya a. Chɛ bɛnden mu dechee i wan ma.”

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.