KO Ɔ NUNDENƐ 5:6 - Yataa 'a Dɔbɛnɛ Nama

⁶ Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.

KO Ɔ NUNDENƐ 5:6 Iomraidhean Croise

DUKU 1:69

Gbasaya tɔ wa, Yataa‑a a a na, mmɔ baun koe a. Mɔɛ chɛ kaen mu, a 'a yɔnɛ Defidi 'a dambi an dɔ,

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

CHƆN 1:36

A‑a Chisɔsi yen kɛn ben‑da an baima, a ɔ, “Yataa 'a sa tɔngbɔɛ yen ko ben‑da.”

CHISƆSI 'A SƆ MƆƐ NU 8:32

A ni ka kaina min kan‑da Yataa 'a gboo chɛ ɔ, an nii nɛ: “An ta‑a wan a a, a fa koe a yɔ sa, A yɛ to, bai ɔ bai ma bɔ ni a da a. yɔ sa tɔngbɔɛ ma maun buɛ, ni an ma‑a a ti tɛ‑a a a.

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 14:1

Mbɛ n‑na n ya a ta to, mbɛ a yen ko, kɔnkɔɛ chɛ, an mbe min chee, an dɔ, Sayɔn kɔnkɔɛ, n‑na sa tɔngbɔɛ chɛ yen a kun tɛ. A ni sɔ ɔ, an bɛ mɔ wu chɛmɛ dɔndɔ, mɔ wu bi naanin kun ma naaninɛ (144,000) n fan na. A tɔɛ an nyɛnden ni mɔɛ chɛ n ya kɔɔɛ, a basan a Fa Yataa tɔɛ a.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 21:22

A sin, n ma Yataa 'a chenɛ kan kɔ kan yen ni an duu wa chɛ ɔ, samun chɛ koe a. Koe min na mu, Yataa Mansa wandi, an fea sa tɔngbɔɛ a, an fan mu gbɛ an chen chɛ a, an duu chɛ ɔ.

KO Ɔ NUNDENƐ 21:23

A sin, tee ma gbɔsɔ nii an duu chɛ ma, kau ma gbɔsɔɛ wɛɛ nii a ma. Koe min na mu, Yataa 'a manɛ ɛ wan a ɔ, a yɛ to, sa tɔngbɔɛ wɛɛ ɛ manɛ be wan a ma, yɔ dambo ɛ manɛ be buɛ min dɔ.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:3

Fen kɔ fen Yataa‑a min danka, a ee yen‑da an duu chɛ ɔ. Yataa an fea sa tɔngbɔɛ a, an mbe ma‑a wan nɔ si ɔ mansa sea a. A sin, Yataa 'a mɔɛ nu, an mbe a fai‑a wan.

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

KO Ɔ NUNDENƐ 5:11

Mbɛ n‑na n ya a ta to, mbɛ n‑na maeka n kuiɛ a min, an wu sɛsɛ, dan mbe ee an ma. An ni sɔ ɔ mansa sea chɛ 'a tindanɛ wan, fɔɛ fen chɛ n na tindanɛ, a basan gbakoo chɛ n na.

KO Ɔ NUNDENƐ 5:12

An mbe dau‑a si a, an dɔ, “Basɔmaya bɛnden mu i wan ma, sa tɔngbɔɛ chɛ, an‑na min fa. Tando bɛnden mu i ma, gbasaya bɛnden mu i ma, a basan nyanɛ a, yiimatɛ wɛɛ to, a basan dɔgbɛaya a. Chɛ bɛnden mu dechee i wan ma.”

KO Ɔ NUNDENƐ 5:13

Mbɛ n‑na fɔɛ fen kan kɔ kan kuiɛ a min. Fɔɛ fenɛ miin ni banda bu ɔ, chɛ nu dunya ma, faa nɛnɛ n bɛɛ, ni fɔɛ fen chɛ n gbɛɛ yii ɔ. An mbe a fɔ‑a, an dɔ, “Mɔɛ chɛ min mbe si ɔ mansa sea a, an fea sa tɔngbɔɛ chɛ a, an fan ta mu tando a, a basan basɔmaya a, dɔgbɛaya, a basan manɛ a, kuɔ fɔ ni kuɔ fɔ ko a.”

KO Ɔ NUNDENƐ 5:14

Mbɛ fɔɛ fen naanin chɛ n dɔ, “A ni ma ka.” Mbɛ gbakoo chɛ n gbɛɛ‑a an kumbai gbangban, an‑na Yataa fai, an fea sa tɔngbɔɛ chɛ a.

KO Ɔ NUNDENƐ 6:16

An mbe ta‑a kɔnkɔɛ n chee‑a, a basan sen gbu wa an na, an dɔ, “Wo na, wo ni bun nn kun ma, wo ni nn nun. Wo nn nun mɔɛ chɛ ma, min mbe si ɔ mansa sea, a ma na nn yen. Wo nn nun, sa tɔngbɔɛ ma na faa tɛ‑a bɔ nn ma.