KO Ɔ NUNDENƐ 5:1 - Yataa 'a Dɔbɛnɛ Nama

¹ Min ma‑a gbɛ, mbɛ a wɛn mbe ka si ɔ mansa sea chɛ a, n‑na fenɛ yen a boo nyima a. An fen chɛ ni gboo yamba an na, fenɛ nyɛndenɛ ɛ a ya fea gbɛɛ ma. A a mendemende n fan ni, a a chiienɛ ɛ gba wɔnfea.

KO Ɔ NUNDENƐ 5:1 Iomraidhean Croise

KO Ɔ NUNDENƐ 10:2

Gboo nyɛndenɛ ni wan a boo a, min nii ma koo, a ɔ fuindenɛ ɛ. Mbɛ a‑a a boo nyima ɔ chenɛ sɔ kɔ yii ɔ, a man dɔ chenɛ sin to‑a sɔ ɔ duu gboo ma.

KO Ɔ NUNDENƐ 4:3

Mɔɛ chɛ sin, min ni nɔ si ɔ, a ni man tena wan taun, yɔ dɛmunɛ, ni sen baa gbɛama a dɔ mende, min tɔ ni kanidian. Ninkinankantuu min ni man tena yɔ senɛ chɛ, puu mɔɛ n mbe min chee, an dɔ, ɛmɛyadi, an tindanden ni an mansa sea chɛ a.

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.

KO Ɔ NUNDENƐ 5:13

Mbɛ n‑na fɔɛ fen kan kɔ kan kuiɛ a min. Fɔɛ fenɛ miin ni banda bu ɔ, chɛ nu dunya ma, faa nɛnɛ n bɛɛ, ni fɔɛ fen chɛ n gbɛɛ yii ɔ. An mbe a fɔ‑a, an dɔ, “Mɔɛ chɛ min mbe si ɔ mansa sea a, an fea sa tɔngbɔɛ chɛ a, an fan ta mu tando a, a basan basɔmaya a, dɔgbɛaya, a basan manɛ a, kuɔ fɔ ni kuɔ fɔ ko a.”

KO Ɔ NUNDENƐ 5:7

Mbɛ sa tɔngbɔɛ chɛ ta‑a gboo chɛ bia, a boo nyima chɛ a, a wɛn ni ka si ɔ mansa sea chɛ a.

KO Ɔ NUNDENƐ 6:1

N ya to‑a ka wan sa tɔngbɔɛ chɛ a, mbɛ a‑a yuu saa tɛ gboo chɛ ma. Mbɛ fɔɛ fen naanin chɛ n dɔndɔ, n‑na a kuiɛ a min, min ni yɔ banda koɔ kuiɛ. A ɔ, “Na wɛ, i ni ta.”

KO Ɔ NUNDENƐ 6:16

An mbe ta‑a kɔnkɔɛ n chee‑a, a basan sen gbu wa an na, an dɔ, “Wo na, wo ni bun nn kun ma, wo ni nn nun. Wo nn nun mɔɛ chɛ ma, min mbe si ɔ mansa sea, a ma na nn yen. Wo nn nun, sa tɔngbɔɛ ma na faa tɛ‑a bɔ nn ma.

KO Ɔ NUNDENƐ 8:1

Mbɛ sa tɔngbɔɛ chɛ‑a yuu wɔnfean bɔɛ tɛ kɛn, kaina ɔ maun‑da wan don banda bu ɔ, miniti bi sawa ko a.