KO Ɔ NUNDENƐ 4:9 - Yataa 'a Dɔbɛnɛ Nama

⁹ Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.

KO Ɔ NUNDENƐ 4:9 Iomraidhean Croise

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

GBOO IBU MƆƐ N KO A 7:8

Chu mɔɛ n tɛ mɔɛ nu Yataa a, ni an ta ɔ mu, boo fenɛ si tena dɔndɔɛ chɛ ɛ be an fan mɔ gbu n fan ma, miin mbe fa. Chɛɛ Mɛchisɛdɛki chɛ benden mu an ma. Koe min na mu, a fɔen fan mu mmɔ ye, mbɛ ɛ ma‑a wan fɔɛ ɔ.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 10:6

Mbɛ a‑a a fɔ, a ɔ, “Tima ban‑da, makɔn chɛ tima Yataa boo ɔ.” A ɔ, a ɛ ka tea an fɔ tena, a ɔ, Yataa tɔɛ ɔ. Yataa min mu, a ee fa kuɔ fɔ ko a, min‑na banda bu ɔ a dan, a basan fen fen na, miin mbe nɔ. A yɛ to, a‑a dunya a dan, a basan fen fen na dunya ɔ, a‑a kɔ yii wɛɛ a dan, ni fenɛ miin gbɛɛ ɛ a ɔ.

KO Ɔ NUNDENƐ 15:7

Mbɛ fɔɛ fen naanin chɛ n dɔndɔ, a‑a sanu pani wɔnfea an be maeka wɔnfea chɛ n ma. Pani chɛ n na faen ni Yataa 'a faatɛ an na, a wɛn mbe ee fa kuɔ fɔ ni kuɔ fɔ ko a.

KO Ɔ NUNDENƐ 21:5

Yataa wɛn sin ni si ɔ a 'a mansa sea a, a ɔ, “A yen ko, n‑na fen fen ma a nama a gbɛ.” Mbɛ a ɔ te to n bɛɛ ma, a ɔ, “Chɛ nyɛn bɛ, koe min na mu, bai chɛ n mu tea bai n fan na, a nyin mɔ ɔ mɔ ni dan miin na.”

KO Ɔ NUNDENƐ 4:2

Mbɛ a ya kɔɔɛ a, a yen ko, Yataa Nyina bea‑a n fɛ gban. N‑na a yen, mbɛ nɔ banda bu ɔ, mansaya sea ɛ wan nɔ si ɔ, mɔɛ ɛ si ɔ a a.

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

KO Ɔ NUNDENƐ 5:1

Min ma‑a gbɛ, mbɛ a wɛn mbe ka si ɔ mansa sea chɛ a, n‑na fenɛ yen a boo nyima a. An fen chɛ ni gboo yamba an na, fenɛ nyɛndenɛ ɛ a ya fea gbɛɛ ma. A a mendemende n fan ni, a a chiienɛ ɛ gba wɔnfea.

KO Ɔ NUNDENƐ 6:16

An mbe ta‑a kɔnkɔɛ n chee‑a, a basan sen gbu wa an na, an dɔ, “Wo na, wo ni bun nn kun ma, wo ni nn nun. Wo nn nun mɔɛ chɛ ma, min mbe si ɔ mansa sea, a ma na nn yen. Wo nn nun, sa tɔngbɔɛ ma na faa tɛ‑a bɔ nn ma.

KO Ɔ NUNDENƐ 7:15

Chɛ an fɛ mu, an mbe sɔ ɔ Yataa Mansa chen kɔɔ. Su ɔ tee a, an mbe a 'a chenɛ a, an mbe a fai‑a. A wɛn sin mbe si ɔ a 'a mansa sea, ɛ an konde gbain‑da wan nɔ.