KO Ɔ NUNDENƐ 4:8 - Yataa 'a Dɔbɛnɛ Nama

⁸ Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

KO Ɔ NUNDENƐ 4:8 Iomraidhean Croise

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

GBOO FEAN BƆƐ KƆYINDI KO A 6:18

Yataa Mansa Wa‑a a fɔ wan to, a ɔ, “N mbe ma‑a wan wo fa a, mbɛ wo wɛɛ ma‑a n 'na denɛ kaima n na, a basan n 'na denɛ musuma an na.”

Gboo Saa Tɛsadonika Ko A 2:9

Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

1 TIMOTI 4:16

Tima ya i ben buɛ a fɔɛ ɔ, a basan i‑a kan chɛ buɛ a. A ma yɔ n‑na a fɔ buɛ min dɔ i ye, min mbe a ma, i ni bauncha ma sɔn, wo bɛ i kuiɛ a min mɔɛ n na.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

GBOO IBU MƆƐ N KO A 13:8

Chisɔsi Chasi ma mun ni a kɔma a, a ee mun bi tee chɛ kɔ, a sin mbe ee mun‑da kuɔ fɔ ko a.

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.

KO Ɔ NUNDENƐ 11:17

An dɔ, “Yataa mansa, i wɛn gbasa, i wɛn ni nɔ suun, e tun nɔ sanche. Nn mbe i wai bɔ tena, i 'a gbasaya wa, i‑a a ya, i bun‑da i 'a mansaya a tachɛ‑a.

KO Ɔ NUNDENƐ 14:11

A ɔ, “A sin, ni ta‑a a kuu sɔ an tɔɔya‑a, a sisi ɛ sɔ‑a wan banda ma, kuɔ fɔ ni kuɔ fɔ ko a.” A ɔ, “An sin, suin kan kɔ kan mbe ee ma‑a an ko a.” A ɔ, “An fɛn mbe soe yama chɛ fai ka, ni fen chɛ, min bɔenɛ a a, an mbe tɔɔya‑a wan.” A ɔ, “Ni mɔ ɔ mɔ nyɛnɛ saen mu min ma, soe yama chɛ 'a nyɛnɛ, an mbe tɔɔya‑a wan su ɔ tee a.”

KO Ɔ NUNDENƐ 14:3

An gbɛɛ, an ni si nama an sa tena. An mbe sɔ ɔ mansa sea chɛ ya kɔɔ, fɔɛ fen naanin chɛ n ya kɔɔ, ni gbakoo chɛ n ya kɔɔɛ. Mɔ ɔ mɔ nii ma an si chɛ sɔn, mɔɔ dechee an fan, Yataa na‑a an fɛn kun ka. An mɔ wu chɛmɛ dɔndɔ, wu bi naanin kun ma naanin (144,000) chɛ.

KO Ɔ NUNDENƐ 15:3

Mɔɛ chɛ nu, an na‑a si dɔndɔ a bɔ wan, a si Yataa‑a gbasaya ɔ yian buɛ min dɔ a 'a yɔnɛ Mosisi 'a tima a. A yɛ to, a‑a a ɔ yian buɛ min dɔ sa tɔngbɔɛ chɛ a tima wɛɛ a. An dɔ, “Yataa Mansa Wa, i wɛn gbasa fen fen ma, i chɛ chɛ wai n koo, da ɔ gbaa koe nu mu. Dunya gbɛɛ ɛ i 'a mansaya an kɔɔ. I 'a ko ɔ ko a kanden mu, a sin kafa ee a ɔ.

KO Ɔ NUNDENƐ 15:7

Mbɛ fɔɛ fen naanin chɛ n dɔndɔ, a‑a sanu pani wɔnfea an be maeka wɔnfea chɛ n ma. Pani chɛ n na faen ni Yataa 'a faatɛ an na, a wɛn mbe ee fa kuɔ fɔ ni kuɔ fɔ ko a.

KO Ɔ NUNDENƐ 16:14

Nyina yama ni an na, miin mbe a ma, kamaya koe n mbe ma. An mbe ta wan mansa kan kɔ kan tena dunya ma, an na kan koe a kaina dɔndɔɛ. An ni chɛ ma tena, chɛɛ chɛ koe an na tee wa chɛ ma, Yataa Mansa Wa 'a tee chɛ.

KO Ɔ NUNDENƐ 16:7

Mbɛ n‑na mɔɛ kuiɛ a min, a ka gbengbe chɛ tena, a ɔ, “Yataa Mansa Wa, tea ko a, i danayaen mu, i 'a kaa a tɛ ɔ.”

KO Ɔ NUNDENƐ 19:15

Yataa Da 'a Bai chɛ da ɔ, chɛɛ chɛ mɛ a saenɛ chɛndɛ chɛ, a bɔ‑a wan a ɔ. Ɛ an mɛ chɛ an ya tena, a ni kun dunya gbɛɛ ma chɛɛ ɔ. Ɛ ma‑a wan dunya kun ma mansa a, a sin mbe ee a 'a mansaya a tachɛ‑a chinchincha ɔ. A yɛ to, ɛ tɛn tɛn‑da wan fen chɛ ma bondonɛ ɔ, fen chɛ min tɔ mu keepi, a yii bɔ koe a a ɔ. Ɛ ma‑a ka Yataa 'a faatɛ wa an dɔ yian‑da.

KO Ɔ NUNDENƐ 19:4

Mbɛ gbakoo bi fea kun ma naanin chɛ nu, an bɛ fɔɛ fen naanin chɛ n na, an‑na an kumbai gbangban, an‑na Yataa tando, min mbe si ɔ a 'a mansaya sea a. An dɔ, “A ni ma ka. Tando ni be Yataa ma.”

KO Ɔ NUNDENƐ 21:22

A sin, n ma Yataa 'a chenɛ kan kɔ kan yen ni an duu wa chɛ ɔ, samun chɛ koe a. Koe min na mu, Yataa Mansa wandi, an fea sa tɔngbɔɛ a, an fan mu gbɛ an chen chɛ a, an duu chɛ ɔ.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.

KO Ɔ NUNDENƐ 4:6

A yɛ to, mansa sea chɛ ya kɔɔ to, yii wa wɛɛ ɔ fuinden fan ni, a maenɛ ɛ yɔ mɛmɛ. Mansa sea chɛ a tindanɛ, a tɔnfɛ gbɛɛ, fɔɛ fen naaninɛ n ni wan nɔ. Fɔɛ fen chɛ n ya n ni wan bɔn dɔ an ya ɔ chia a, an mbe bɔn dɔ an gbaa chia a.

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.

KO Ɔ NUNDENƐ 6:1

N ya to‑a ka wan sa tɔngbɔɛ chɛ a, mbɛ a‑a yuu saa tɛ gboo chɛ ma. Mbɛ fɔɛ fen naanin chɛ n dɔndɔ, n‑na a kuiɛ a min, min ni yɔ banda koɔ kuiɛ. A ɔ, “Na wɛ, i ni ta.”

KO Ɔ NUNDENƐ 6:6

Mbɛ n‑na fenɛ kuiɛ a min, yɔ mɔ gbu kuiɛ. An kuiɛ chɛ bɔ‑a fɔɛ fen naanin chɛ n fan tɛ ɔ. A ɔ, “Tee dɔndɔ pawa, ɛ biidi dɔndɔ gbe an san‑da. Chɛɛ i ma tu ban, a basan gbɛ a.”

KO Ɔ NUNDENƐ 7:11

Maeka n gbɛɛ ni wan sɔ ɔ mansa sea chɛ 'a tindanɛ, gbakoo chɛ n 'na tindanɛ, an bɛ fɔɛ fen naanin chɛ n na. Mbɛ an‑na an fandi ɔ fuin duu ma susu gbuu, mansa sea chɛ chen kɔɔ, an‑na Yataa fai.

KO Ɔ NUNDENƐ 7:15

Chɛ an fɛ mu, an mbe sɔ ɔ Yataa Mansa chen kɔɔ. Su ɔ tee a, an mbe a 'a chenɛ a, an mbe a fai‑a. A wɛn sin mbe si ɔ a 'a mansa sea, ɛ an konde gbain‑da wan nɔ.