KO Ɔ NUNDENƐ 4:6 - Yataa 'a Dɔbɛnɛ Nama

⁶ A yɛ to, mansa sea chɛ ya kɔɔ to, yii wa wɛɛ ɔ fuinden fan ni, a maenɛ ɛ yɔ mɛmɛ. Mansa sea chɛ a tindanɛ, a tɔnfɛ gbɛɛ, fɔɛ fen naaninɛ n ni wan nɔ. Fɔɛ fen chɛ n ya n ni wan bɔn dɔ an ya ɔ chia a, an mbe bɔn dɔ an gbaa chia a.

KO Ɔ NUNDENƐ 4:6 Iomraidhean Croise

KO Ɔ NUNDENƐ 14:3

An gbɛɛ, an ni si nama an sa tena. An mbe sɔ ɔ mansa sea chɛ ya kɔɔ, fɔɛ fen naanin chɛ n ya kɔɔ, ni gbakoo chɛ n ya kɔɔɛ. Mɔ ɔ mɔ nii ma an si chɛ sɔn, mɔɔ dechee an fan, Yataa na‑a an fɛn kun ka. An mɔ wu chɛmɛ dɔndɔ, wu bi naanin kun ma naanin (144,000) chɛ.

KO Ɔ NUNDENƐ 15:2

A yɛ to, mbɛ n‑na yii wa yen, a maenɛ ɛ yɔ mɛmɛ, a basan ta manɛ a. N‑na mɔɛ chɛ n bɛɛ yen fan, soe yama wa chɛ nii ma kun ni miin ma. Mɔɛ chɛ nu, fenɛ min bɔen ni an soe chɛ a, a ma kun ni mɔɛ miin ma, an sin nii ma nɔmba ya ni an soe chɛ tɔɛ ɔ. An mɔɛ chɛ n ni sɔ ɔ yii mia mia chɛ an kaa a, kɔninka min Yataa‑a a be an ma, ɛ an boo a.

KO Ɔ NUNDENƐ 15:7

Mbɛ fɔɛ fen naanin chɛ n dɔndɔ, a‑a sanu pani wɔnfea an be maeka wɔnfea chɛ n ma. Pani chɛ n na faen ni Yataa 'a faatɛ an na, a wɛn mbe ee fa kuɔ fɔ ni kuɔ fɔ ko a.

KO Ɔ NUNDENƐ 19:4

Mbɛ gbakoo bi fea kun ma naanin chɛ nu, an bɛ fɔɛ fen naanin chɛ n na, an‑na an kumbai gbangban, an‑na Yataa tando, min mbe si ɔ a 'a mansaya sea a. An dɔ, “A ni ma ka. Tando ni be Yataa ma.”

KO Ɔ NUNDENƐ 21:11

An duu chɛ ni man tena wan, Yataa 'a manɛ a. A ni man tena taun, yɔ dɛmunɛ. Ɛ ma‑a mia mia yɔ mɛmɛ.

KO Ɔ NUNDENƐ 21:18

An fɛnsi chɛ, a sɔen ni dɛmun senɛ n fan na. Fen kɔ fen min sin ni an duu wa chɛ ɔ, an nyanden ni sanu an na, an mbe man mia mia yɔ mɛmɛ.

KO Ɔ NUNDENƐ 21:21

An fɛnsi chɛ da tan kun ma fea n gbɛɛ, an nyandenɛ ni sen baa gbandenɛ nyima nyima, kani dɔndɔ an na. A da dɔndɔ kan kɔ kan, a nyandenɛ ni an senɛ chɛ dɔndɔ an na. Chia miin sin gbɛɛ ni an duu wa chɛ ɔ, an nyanden ni sanu chɛndɛ chɛndɛ an na, an maenɛ ɛ mia mia yɔ mɛmɛ.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.

KO Ɔ NUNDENƐ 5:11

Mbɛ n‑na n ya a ta to, mbɛ n‑na maeka n kuiɛ a min, an wu sɛsɛ, dan mbe ee an ma. An ni sɔ ɔ mansa sea chɛ 'a tindanɛ wan, fɔɛ fen chɛ n na tindanɛ, a basan gbakoo chɛ n na.

KO Ɔ NUNDENƐ 5:14

Mbɛ fɔɛ fen naanin chɛ n dɔ, “A ni ma ka.” Mbɛ gbakoo chɛ n gbɛɛ‑a an kumbai gbangban, an‑na Yataa fai, an fea sa tɔngbɔɛ chɛ a.

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.

KO Ɔ NUNDENƐ 5:8

Sa tɔngbɔɛ chɛ‑a a bia kɛn, mbɛ fɔɛ fen naanin chɛ nu, an bɛ gbakoo bi fea kun ma naanin chɛ n na, an‑na an kumbai gbangban a chen kɔɔ. Kɔninka an ni gbakoo chɛ n gbɛɛ boo a, ni sanu pani nu. Fen kunyɛ a diama an ni pani chɛ n gbɛɛ ɔ. Fen kunyɛ a diama chɛ n sin ni samunɛ an na, Yataa 'a mɔɛ n ni miin chɛ.

KO Ɔ NUNDENƐ 6:1

N ya to‑a ka wan sa tɔngbɔɛ chɛ a, mbɛ a‑a yuu saa tɛ gboo chɛ ma. Mbɛ fɔɛ fen naanin chɛ n dɔndɔ, n‑na a kuiɛ a min, min ni yɔ banda koɔ kuiɛ. A ɔ, “Na wɛ, i ni ta.”

KO Ɔ NUNDENƐ 6:6

Mbɛ n‑na fenɛ kuiɛ a min, yɔ mɔ gbu kuiɛ. An kuiɛ chɛ bɔ‑a fɔɛ fen naanin chɛ n fan tɛ ɔ. A ɔ, “Tee dɔndɔ pawa, ɛ biidi dɔndɔ gbe an san‑da. Chɛɛ i ma tu ban, a basan gbɛ a.”

KO Ɔ NUNDENƐ 7:11

Maeka n gbɛɛ ni wan sɔ ɔ mansa sea chɛ 'a tindanɛ, gbakoo chɛ n 'na tindanɛ, an bɛ fɔɛ fen naanin chɛ n na. Mbɛ an‑na an fandi ɔ fuin duu ma susu gbuu, mansa sea chɛ chen kɔɔ, an‑na Yataa fai.

KO Ɔ NUNDENƐ 7:17

Koe min na mu, sa tɔngbɔɛ chɛ sɔ ɔ mansa sea chɛ baima, ɛ ma‑a wan an kun ma fɛn mɔɛ a. A sin mbe chia yian‑da wan an na, an ni yii ma sɔn, min mbe fɔɛ be. A sin to, Yataa ɛ di ka‑a wan an ya a.”