KO Ɔ NUNDENƐ 4:5 - Yataa 'a Dɔbɛnɛ Nama

⁵ Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.

KO Ɔ NUNDENƐ 4:5 Iomraidhean Croise

MATIU 25:1

Chisɔsi ɔ, “Yataa 'a mansaya ɔ yian tima, ɛ ma‑a ka wan, yɔ koe min ma‑a sunkun tɔngbɔ tanɛ n na. Yɛɛ dɔndɔ ma, an‑na dambo ya wan, ta koe a mɔ kaima chɛ tan‑da, min ni na tena musu si tena.

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

CHISƆSI 'A SƆ MƆƐ NU 2:3

Mbɛ an‑na fenɛ n yen yɔ ta man mɛsɛ nu, an fasandenɛ ɛ a ɔ. Mbɛ an fɛn gbɛɛ ni ka nɔ, an fen chɛ n tu‑a wan an na dɔndɔ dɔndɔɛ a.

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 10:3

Mbɛ a‑a yee wa tɛ, yɔ yaa ɛ ma dau‑a. Mbɛ a‑a yee chɛ tɛ kɛn, banda koɔ‑a gba wɔnfea.

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 3:1

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.

KO Ɔ NUNDENƐ 8:5

Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.