KO Ɔ NUNDENƐ 4:2 - Yataa 'a Dɔbɛnɛ Nama

² Mbɛ a ya kɔɔɛ a, a yen ko, Yataa Nyina bea‑a n fɛ gban. N‑na a yen, mbɛ nɔ banda bu ɔ, mansaya sea ɛ wan nɔ si ɔ, mɔɛ ɛ si ɔ a a.

KO Ɔ NUNDENƐ 4:2 Iomraidhean Croise

MATIU 22:43

Mbɛ Chisɔsi ɔ, “Fen mu gbɛ Yataa Nyina‑a a ma, Defidi‑a Chasi chɛ chee a 'a Mansa a? A mu min na, Defidi na‑a a fɔ wan, a ɔ,

GBOO IBU MƆƐ N KO A 8:1

Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.

KO Ɔ NUNDENƐ 1:10

Patimɔsi chɛ ni, Tɛnɛ kan kɔ dɔɛ ma, Yataa Nyina bea‑a n fɛ gban. A tima kɔɔ, n‑na mɔɛ kuiɛ a min fan, n gbaa chia a. Kuiɛ chɛ maen fan ni gbankon, yɔ buu fɛ kuiɛ.

KO Ɔ NUNDENƐ 12:5

Mbɛ a‑a den kaienɛ suun, min mbe na tena ma‑a mansa a, dunya gbɛɛ ko a, a sin mbe ee a 'a mansaya a tachɛ‑a chinchincha ɔ. Maeka‑a den chɛ ya wan, a ya kɔɔɛ a, a sɛ‑a Yataa tena, si ɔ a 'a mansaya sea a.

KO Ɔ NUNDENƐ 17:3

Mbɛ Yataa Nyina bea‑a n fɛ gban, mbɛ maeka chɛ ta‑a n na fuinɛ ma. Nɔ ni, mbɛ n‑na musu yen si ɔ soe yawa kun ma, soe yama wa. An soe chɛ gboo gbɛɛ ma, Yataa main bai n dechee an nyɛnden ni a ma. A kunɛ ni wɔnfea, a bena n sin ni tan.

KO Ɔ NUNDENƐ 19:4

Mbɛ gbakoo bi fea kun ma naanin chɛ nu, an bɛ fɔɛ fen naanin chɛ n na, an‑na an kumbai gbangban, an‑na Yataa tando, min mbe si ɔ a 'a mansaya sea a. An dɔ, “A ni ma ka. Tando ni be Yataa ma.”

KO Ɔ NUNDENƐ 20:11

Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.

KO Ɔ NUNDENƐ 21:10

Mbɛ Yataa Nyina bea‑a n fɛ gban, mbɛ maeka chɛ sɛ‑a n na kɔnkɔ a yansama wa ɔ. Mbɛ a‑a Yataa 'a duu wa yian n na, Chuusaɛn duu wa chɛ, ɛ yii‑a a ka banda bu ɔ Yataa tena.

KO Ɔ NUNDENƐ 21:5

Yataa wɛn sin ni si ɔ a 'a mansa sea a, a ɔ, “A yen ko, n‑na fen fen ma a nama a gbɛ.” Mbɛ a ɔ te to n bɛɛ ma, a ɔ, “Chɛ nyɛn bɛ, koe min na mu, bai chɛ n mu tea bai n fan na, a nyin mɔ ɔ mɔ ni dan miin na.”

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”

KO Ɔ NUNDENƐ 4:10

An mbe ma chɛ a, mbɛ gbakoo bi fea kun ma naanin chɛ nu, an‑na an kumbai gbangban a chen kɔɔ, a wɛn mbe si ɔ mansaya ɔ. Mbɛ an‑na a fai, a wɛn mbe ee fa kuɔ fɔ ko a. An 'na mansa banfua nu, an‑na an ya, mbɛ an‑na banfua chɛ n sa a chen kɔɔ, kooya ɔ. Mbɛ an dɔ,

KO Ɔ NUNDENƐ 4:5

Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.

KO Ɔ NUNDENƐ 5:1

Min ma‑a gbɛ, mbɛ a wɛn mbe ka si ɔ mansa sea chɛ a, n‑na fenɛ yen a boo nyima a. An fen chɛ ni gboo yamba an na, fenɛ nyɛndenɛ ɛ a ya fea gbɛɛ ma. A a mendemende n fan ni, a a chiienɛ ɛ gba wɔnfea.

KO Ɔ NUNDENƐ 5:13

Mbɛ n‑na fɔɛ fen kan kɔ kan kuiɛ a min. Fɔɛ fenɛ miin ni banda bu ɔ, chɛ nu dunya ma, faa nɛnɛ n bɛɛ, ni fɔɛ fen chɛ n gbɛɛ yii ɔ. An mbe a fɔ‑a, an dɔ, “Mɔɛ chɛ min mbe si ɔ mansa sea a, an fea sa tɔngbɔɛ chɛ a, an fan ta mu tando a, a basan basɔmaya a, dɔgbɛaya, a basan manɛ a, kuɔ fɔ ni kuɔ fɔ ko a.”

KO Ɔ NUNDENƐ 6:16

An mbe ta‑a kɔnkɔɛ n chee‑a, a basan sen gbu wa an na, an dɔ, “Wo na, wo ni bun nn kun ma, wo ni nn nun. Wo nn nun mɔɛ chɛ ma, min mbe si ɔ mansa sea, a ma na nn yen. Wo nn nun, sa tɔngbɔɛ ma na faa tɛ‑a bɔ nn ma.