KO Ɔ NUNDENƐ 4:1 - Yataa 'a Dɔbɛnɛ Nama

¹ Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”

KO Ɔ NUNDENƐ 4:1 Iomraidhean Croise

MATIU 3:16

A‑a yii chɛ kɛn dechee Chisɔsi kunɛ ɔ, Yataa chia a, Chisɔsi bɔ‑a wan yii ɔ. Mbɛ a yen ko, banda da a ka‑a a ya a a, mbɛ a‑a Yataa Nyina yen, ɛ yii‑a yɔ bugbɔɛ, mbɛ a si‑a a ma.

MAKI 1:10

Mbɛ Chisɔsi bun‑da bɔ‑a yii chɛ ɔ, a sɛ tindi ma. Chɛ ɛ ma‑a dechee, mbɛ a‑a banda yen, a da a ka‑a dɔndɔ a. Ɛ ta ta‑a Yataa Nyina yen‑da yii‑a a kun ma, yɔ bugbɔɛ, mbɛ a si‑a a kun ma.

DUKU 3:21

Chɔn ni tima min na yii chɛ‑a mɔɛ n kunɛ ɔ, Yataa chia a, a‑a a chɛ wan Chisɔsi wɛɛ kunɛ ɔ. Chisɔsi bun‑da samunɛ chɛ‑a, mbɛ a ya kɔɔɛ a, banda da a ka‑a.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 10:11

A‑a banda bu ɔ yen fan a a ka‑a, mbɛ a‑a fenɛ yen yii‑a dunya ɔ, yɔ koa wa, a biaenɛ ɛ a tɔnkɔn naaninɛ ma.

CHISƆSI 'A SƆ MƆƐ NU 7:56

Mbɛ a‑a a fɔ, a ɔ, “A yen ko, n‑na banda bu ɔ yen, a da a kaenɛ ɛ. A sin, an ni min chee, an dɔ, Mɔ Gbu 'a Denɛ, ɛ sɔ ɔ Yataa boo nyima ɔ.”

KO Ɔ NUNDENƐ 1:10

Patimɔsi chɛ ni, Tɛnɛ kan kɔ dɔɛ ma, Yataa Nyina bea‑a n fɛ gban. A tima kɔɔ, n‑na mɔɛ kuiɛ a min fan, n gbaa chia a. Kuiɛ chɛ maen fan ni gbankon, yɔ buu fɛ kuiɛ.

KO Ɔ NUNDENƐ 1:12

Mbɛ n‑na n ya a mun, n ni a ɔ yen, mɔɛ min ni koɔ tena n tena. Mbɛ n‑na dambo si fenɛ yen wɔnfea, an nyandenɛ ɛ sanu a.

KO Ɔ NUNDENƐ 1:19

E koe miin dɔ yen tena sanche, an nyɛn, a basan chɛ n bɛɛ a, miin mbe na tena ma‑a.

KO Ɔ NUNDENƐ 11:12

Mbɛ mɔ fea chɛ n‑na kuiɛ wa a min, a ka banda bu ɔ, a ɔ, “Wo sɛ nɛ.” An chɛɛ ma nyɔɛ chɛ n ya to‑a ka wan an na, mbɛ an ya‑a, an sɛ‑a banda bu ɔ, dugbu wa ɔ.

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 16:17

Mbɛ maeka wɔnfean bɔɛ sin, a‑a a ta pani a fasi wan, mbɛ fia ta‑a a a. Mbɛ kuiɛ wa a min‑da gbankon, a ka Yataa 'a chenɛ a banda bu ɔ, mansa sea chɛ tena, a ɔ, “Ko ɔ ko ban‑da.”

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.

KO Ɔ NUNDENƐ 22:6

Mbɛ maeka chɛ‑a a fɔ n ye, a ɔ, “Bai chɛ n mu tea bai n fan na, a nyin mɔ ɔ mɔ ni dan miin na. Yataa Mansa an mbe a Nyina be a 'a gbonka chɛ mɔɛ n ma, min mbe a ma, an mbe a 'a sakana bai sa. A sin‑na a 'a maeka a na, a ni a ɔ yian mɔɛ n gbɛɛ a, miin mbe a ko a, koe miin mbe na tena ma‑a sanche.”