KO Ɔ NUNDENƐ 3:5 - Yataa 'a Dɔbɛnɛ Nama

⁵ Mɔɛ chɛ n gbɛɛ, miin mbe sɔ‑a gban Yataa ko a, an ma bɛndenɛ ɛ ma‑a ka wan koa gbɛ a. A sin, n mbe ee an tɔɛ bɔ‑a gboo chɛ ɔ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ma‑a gboo min dɔ. N mbe a fɔ‑a wan den, Fa Yataa ya kɔɔ, an bɛ a 'a maeka n na, mbɛ n 'na mɔɛ n fan nɛ.”

KO Ɔ NUNDENƐ 3:5 Iomraidhean Croise

MATIU 10:32

Chisɔsi ɔ te to an nu ma, a ɔ, “Mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ n mbe dɔn‑da wan an mɔɛ chɛ wakoe ma Fa ya kɔɔ banda bu ɔ, gbɛmbo tee ma.

DUKU 10:20

Chɛɛ wo bu ɔ ma dia, koe min na mu, nyina yama n mbe wo da a kuiɛ n na min. Chɛɛ wo bu ɔ ni dia, a mu min na, wo tɔɛ n nyɛn‑da banda bu ɔ.”

DUKU 12:8

“N ni a ma din wo tena, mbɛ ni mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ, n fan Mɔ Gbu 'a Denɛ, n mbe dɔn‑da wan an mɔɛ chɛ wakoe ma maeka n ya kɔɔ.

Gboo Fiipai Ko A 4:3

A sin, n mbe i wɛɛ ɔ tisa tena, i wɛn mbe wai chɛ tena danaya ɔ, n toen mu i ni musu fea chɛ n deman. Koe min na mu, an‑na toa si wan n kɔɔ, n 'na wai ɔ, sakana bai chɛ a ta koe a ya ɔ ma. An bɛ ni Kemendi a, a basan n bɔ wai chɛ mɔɛ tɔɛ n na. A sin, an tɔɛ ɛ wan gboo chɛ ɔ, mɔɛ n tɔɛ ɛ min dɔ, miin mbe kuɔ fɔ fɔɛ ma sɔn‑da.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 17:8

I na‑a soe yama min yen ka sunɛ, a ni wan fɔɛ ɔ, chɛɛ a fa‑a gbɛ. A ɛ na tena wan bɔ‑a to, a ka son dɔ yiien ba chɛ ɔ, min danka ee ka. A sin, ɛ ta‑a wan kaina chɛ, Yataa ɛ a kasaa kaina min. Dunya chɛ ma mɔɛ nu, Yataa nii ma miin tɔɛ nyɛn ni a 'a gboo ɔ, an gbɛɛ, an da ɔ gbaa‑a wan, an mbe ma‑a soe yama chɛ ma fɛn‑da. A 'a gboo chɛ, mɔɛ miin mbe kuɔ fɔ fɔɛ ma sɔn‑da, a na‑a an tɔɛ nyɛn min dɔ, a e na dunya a dan. Soe chɛ ni wan tee fɔɛ ɔ, a ee sanche fɔɛ ɔ, chɛɛ ɛ yɛ‑a wan to fɔɛ ɔ.”

KO Ɔ NUNDENƐ 19:8

Sɛnama koa min be‑a a ma, a ni nyin, ɛ man‑da.” Koe min na mu, koa gbɛ chɛ‑a a ɔ yian fan, mbɛ Yataa 'a mɔɛ n chɛ chɛ wai an fan nɛ.

KO Ɔ NUNDENƐ 2:11

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ ee saya fean bɔɛ chɛ‑a.”

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 20:12

Mbɛ mansa sea chɛ ya kɔɔ to, n‑na mɔɛ n yen fan sɔ ɔ, yɔn tɔɛ n bɛ nyan tɔɛ n na, miin na‑a fa tee. Gboo n bɛɛ da a kaen fan ni, mɔ gbu gbɛɛ dunya ma, an chɛ chɛ wai nu, an nyɛn‑da gboo miin dɔ. Mbɛ gboo dɔ mende wɛɛ da a kaen fan ni, mɔɛ n tɔɛ ni gboo min dɔ, mɔɛ nu, miin mbe ma‑a fɔɛ ɔ kuɔ fɔ ko a Yataa chen kɔɔ. Mɔɛ chɛ n gbɛɛ, miin na‑a fa, kaa a tɛ‑a wan an bakoe ma. Dɔndɔ dɔndɔɛ a, mɔ ɔ mɔ na‑a min ma dunya chɛ ɔ, a nyɛndenɛ ɛ gboo chɛ ɔ, kaa a tɛ‑a an ma.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 21:27

Chɛɛ ko yama kan kɔ kan mbe ee don‑da an duu chɛ ɔ, n mbe ee baa mɔɛ ma, min mbe mauma koe n ma, chɛ ma, fania fɔ mɔɛ nu. Chɛɛ mɔɛ miin mbe don‑da dechee, an nɛ yɔ mɔɛ chɛ nu, miin tɔɛ nyɛnden mu sa tɔngbɔɛ chɛ 'a gboo ɔ. Gboo chɛ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ka min dɔ.

KO Ɔ NUNDENƐ 22:19

A sin to, ni mɔ ɔ mɔ‑a fen kɔ fen ka an bai chɛ n na, miin ka‑a Yataa tena, Yataa ɛ a ta kɔ fenɛ kun ma ka‑a wan. A ta kɔ fen chɛ, min mbe ka kɔn chɛ ɔ, fɔɛ be kɔn chɛ, a basan duu wa chɛ ɔ a. An kɔ fen chɛ n gbɛɛ, miin bakoe ɔ yiandenɛ ɛ gboo chɛ ɔ.

KO Ɔ NUNDENƐ 3:12

Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”

KO Ɔ NUNDENƐ 3:4

Chɛɛ chɛ gbɛɛ ɔ, wo dɔ n mbe wan nɔ Sadisi duu chɛ ɔ, wo wɛn tachɛ buɛ nyin Yataa tena. Wo mɔɛ chɛ nu, mmɔ bɛ, mmɔ ɛ doma gbɛ don‑da wan, mmɔ ni tachɛ chɛ. Chɛ ɛ ma‑a wan, koe min na mu, chɛ bɛnden fan mu an ma.

KO Ɔ NUNDENƐ 6:11

Mbɛ mɔɛ chɛ nu, an‑na miin fa ka, doma wa dɔndɔ dɔndɔ be‑a an ma, doma gbɛ fo. Mbɛ a fɔ‑a an ye, mbɛ an ni a ma kɔn, aan an bɔɛ wai chɛ mɔɛ n da ni fa, an suun ma nyɔɛ nu Chasi ɔ, miin mbe fa‑a yɔ an fan.