KO Ɔ NUNDENƐ 3:1 - Yataa 'a Dɔbɛnɛ Nama

¹ Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.

KO Ɔ NUNDENƐ 3:1 Iomraidhean Croise

DUKU 15:24

Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 20:22

Mbɛ a‑a a fia fu an ma fuu, mbɛ a‑a a fɔ an ye, a ɔ, “Yataa Nyina ni ma wo fɛ.

CHƆN 3:34

Mɔɛ chɛ, Yataa‑a min na na, an mbe a 'a bai sa. Koe min na mu, Yataa‑a a Nyina min na yii, a ni ma a fɛ, a da faen gban.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

Gboo Ɛfisɔsi Ko A 2:1

A saa a, wo faenɛ ni, Yataa Nyina ta fɛ chia a. Koe min na mu, wo ni koe n ma wan, miin mbe ee a chia ma, ko yama nu.

Gboo Kɔdɔsai Ko A 2:13

Tima ni wan nɔ, wo faenɛ ni wo 'a ko yama n boo ɔ, Yataa tena. A sin, wo kunɛ nii ma bɔ ni wo 'a ko yama n dɔ, miin nii ma nyin mɔgbuya ɔ. Chɛɛ Yataa‑a wo a yɛ to fɔɛ ɔ, wo bɛ Chasi a. Mmɔ gbɛɛ, Yataa‑a a boo bɔ mmɔ 'a ko yama n dɔ.

1 TIMOTI 5:6

Chɛɛ fuinya musu min kunɛ a fuinden mu buɔdia bɔ koe a, a nɛnɛ ban‑da, a fɔɛ ɛ wɛɛ boo ɔ boo a sun da a.

CHIMISI 2:26

Mɔɛ min faen mu, a nyina ee ma to a fɛ. Ɛ ka wan dechee yɔ ni mɔɛ kai faenɛ ma‑a dechee Chisɔsi a, chɛɛ a ee ko chɛndɛ ma.

1 PITA 1:11

Chasi Nyina min ni an fɛ, a ni wan chia yian‑da an na a tima chɛ a. An sin na‑a an sɔɛ don fan, a ɔ gbɛ koe a, Chasi ɛ na‑a tima min kɔɔ, a basan a na buɛ gbu a. An na‑a a kɔɔ fɔ wan to, a ni tɔɔya min nyɔn dɔ bia‑a. An‑na a fɔ wan to, mbɛ basɔmaya wa an mbe an tɔɔya chɛ gbaa.

CHUDA 1:12

Mɔ bonda chɛ nu, mɔ yama mu an na, miin mbe an bɔɛ n ka chia chɛndɛ ma. Ni wo ma‑a daun chɛ wɛɛ a, wo bɛ an na, kuiɛ dɔndɔya ɔ, an mbe an yii na chii dechee an fandi an na. An 'na yiima yaua daun chɛ, ɛ kuiɛ dɔndɔya chɛ a ɔ yɔn fan. Mɔ gbu a tenden ma an na. An mbe wan yɔ sona min mbe gbii teema ɔ, chɛɛ a ee na. An mbe wan to yɔ kɔnɛ, min yamba bandenɛ a a, a sin, a ee gbɔ be, kɔn fu tima wɛɛ a. Kɔn bonda chɛ kuu ɛ bɔ wan, a a ni dɛ, mbɛ a fa‑a gba fea.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:16

A‑a tɔmbuaka wɔnfea bia, a boo nyima a boo a. Mbɛ chɛɛ chɛ mɛ bɔ‑a a da ɔ, min da ɛ a bu ɔ, ɛ to a kɔɛ, an na saen ba ɛ. A ya kɔɔɛ sin ni man tena wan, yɔ ni tee che‑a a kun tɛ.

KO Ɔ NUNDENƐ 1:20

Ka wɛ n mbe a ɔ yian i a, tɔmbuaka wɔnfea chɛ nu n boo nyima a, an sɔen mu fenɛ miin ko a. Mbɛ n‑na a ɔ yian to i a, dambo si fen wɔnfea chɛ nu, an bɛɛ sɔen mu fenɛ miin ko a. Tɔmbuaka wɔnfea chɛ n mu maeka wɔnfea an fan na, chɔchi wɔnfea an ko a. Dambo si fen wɔnfea chɛ n sin, an mu chɔchi wɔnfea an fan na.”

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.

KO Ɔ NUNDENƐ 2:19

A ɔ, “N‑na ko ɔ ko kan kɔ kan dɔ sɔn fan a si wo ma. N‑na wo 'a koadia ɔ sɔn fan, wo kai faen mu buɛ min dɔ Yataa a, wo 'a wai chɛndɛ, a basan wo 'a faabia a. A sin to, wo e wai min sin chɛ tena sanche, a benden mu a saa ma, tima min na wo ma‑a n fɛ mɔɛ n na.

KO Ɔ NUNDENƐ 2:2

A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.

KO Ɔ NUNDENƐ 3:15

A ɔ, “N‑na a ɔ sɔn fan, wo e tachɛ tena buɛ min dɔ. Wo e wan dechee yɔ yii, min ma gbandi, a sin ma chima ni to. A ni nyan fan, wo ni ma chia dɔndɔ a, an ni a ma‑a wo ma gbɔsɔɛ ni ma n ma.

KO Ɔ NUNDENƐ 3:2

Koe min na mu, n‑na a ɔ yen, mbɛ wo tachɛ buɛ ma Yataa faa chima nin bɛ. Chɛ an‑na a fɔ, wo wo kunɛ kɔɔ sɔ wo 'a danaya ɔ Yataa a, wo ɔ ni gbɛa, a bɔ gboo ɔ fa chɛ ɔ wo 'a Chisiancha ɔ. Gboo ɔ fa chɛ ma a ma wo ni sɛmbɛ dan koe a n na.

KO Ɔ NUNDENƐ 3:8

A ɔ, “N‑na a ɔ sɔn fan, wo e tachɛ tena buɛ min dɔ. N‑na a ɔ sɔn fan, mbɛ wo 'a gbasaya dɔɔ wɛɛ boo ɔ boo, chɛɛ wo bea‑a wan n da a kuiɛ fɛ, wo ma ka ni n fɛ. A yen ko, chenɛ da a kaenɛ mu gbɛ wo ya ɔ, mɔ ɔ mɔ sin mbe ee nɔ, min mbe a a tɔn.

KO Ɔ NUNDENƐ 4:5

Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.