KO Ɔ NUNDENƐ 21:3 - Yataa 'a Dɔbɛnɛ Nama

³ A sin, n‑na mɔɛ kuiɛ a min fan gbankon, a ka mansa sea chɛ tena, a ɔ, “A yen ko, Yataa waa ɛ ma tena gbɛ mɔ gbu n tɛ ɔ wan. An bɛ an mbe ma tena gbɛ an na, an sin mbe ma‑a a 'a mɔɛ n fan na. A wan Yataa wandi, ɛ ma‑a wan an tɛ ɔ, an mbe ma‑a an 'na Yataa a.

KO Ɔ NUNDENƐ 21:3 Iomraidhean Croise

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

GBOO FEAN BƆƐ KƆYINDI KO A 6:16

Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”

GBOO FEAN BƆƐ KƆYINDI KO A 6:18

Yataa Mansa Wa‑a a fɔ wan to, a ɔ, “N mbe ma‑a wan wo fa a, mbɛ wo wɛɛ ma‑a n 'na denɛ kaima n na, a basan n 'na denɛ musuma an na.”

Gboo Saa Tɛsadonika Ko A 3:11

Mmɔ Fa Yataa wandi, an fea mmɔ 'a mansa Chisɔsi a, an ni chia a ka nn ye, nn ni na wo tena.

GBOO IBU MƆƐ N KO A 11:16

Chɛɛ an ni min ma gbɛ, an ni an yii na chii gbɛ chɛnyɛ an na, min nyin a ben a ma, banda bu ɔ. Chɛ ko a, mauma ko nii ma Yataa tena, ni an‑na a chee an 'na Yataa a. Koe min na mu, a na‑a duu wa ɔ bɛn fan an ko a.

GBOO IBU MƆƐ N KO A 8:10

Mbɛ dɔbɛnɛ an nɛ, n mbe min chɛ‑a mɔɛ n na, miin ka‑a Isɔɛɛ chɛnyɛ ɔ. N fan Mansa Yataa, ni tee chɛ n ben‑da, n mbe n 'na sawa n sa‑a wan, an yii ma, n ni a sa an faa ɔ. A sin, n mbe ma‑a wan an 'na Yataa a, mbɛ an bɛɛ, an ma‑a n 'na mɔɛ n na.

GBOO IBU MƆƐ N KO A 8:2

A saa a, mɔɛ chɛ nu miin ni mɔɛ n tɛ Yataa a, an ni wai chɛ tɛndi an kɔɔ. A tɛndi chɛ sin, an ni yasi bɔ kaina min, mɔɛ n 'na ko yama n ko a, mɔ gbu an na‑a a sɔ. Chɛɛ Chisɔsi tana, ɛ wai chɛ Yataa 'a tɛndi an kɔɔ, banda bu ɔ, kaina min mbe tenchen Yataa ko a. An kaina chɛ sin, Mansa Yataa an‑na a sɔ, mɔ gbu ma.

KO Ɔ NUNDENƐ 10:4

Banda chɛ sɛmbɛ‑a kɛn koɔ koe a, a‑a min gbɛɛ fɔ, n toen ni n ni a nyɛn. Chɛɛ n‑na kuiɛ a min fan, a ka banda bu ɔ, a ɔ, “Koe chɛ n sa i yii ma. I ma an nyɛn gboo ma.”

KO Ɔ NUNDENƐ 10:8

Mbɛ kuiɛ chɛ, min ka‑a banda bu ɔ, a koɔ‑a to n tena, a ɔ, “Ta, i ni gboo nyɛnden chɛ bia. A bia maeka chɛ boo ɔ, min chenɛ dɔndɔɛ ɛ sɔ ɔ kɔ yii ɔ, dɔndɔɛ ɛ sɔ ɔ duu gboo ma, gboo chɛ da a kaenɛ ɛ a boo a.”

KO Ɔ NUNDENƐ 12:10

Mbɛ n‑na mɔɛ koɔ kuiɛ a min, a ka banda bu ɔ. A koɔ‑a gbankon, a ɔ, “Mmɔ 'a Yataa‑a chɛɛ fo gbɛ. Ɛ a 'a gbasaya a tachɛ wan gbɛ, a 'a mansaya dunya kun ma. Yataa 'a Chasi wɛɛ, mmɔ kun ka mansa, ɛ a 'a gbasaya yian‑da wan dunya ɔ. Nyina yama n 'na mansa chɛ ee to sɔ ɔ Yataa chen kɔɔ, a ee to nɔ, kun yama si koe a mmɔ bɔɛ n kun ma su ɔ tee. Nyina yama chɛ fesan‑da nɔ, a a dɛ‑a dunya ɔ.

KO Ɔ NUNDENƐ 21:7

Mɔ ɔ mɔ min mbe sɔ‑a gban n ko a, koe chɛ n gbɛɛ, n mbe an fan chɛ‑a a ko a. N mbe ma‑a wan a 'a Yataa a, a wɛɛ ɛ ma‑a wan n 'na denɛ a.

KO Ɔ NUNDENƐ 22:3

Fen kɔ fen Yataa‑a min danka, a ee yen‑da an duu chɛ ɔ. Yataa an fea sa tɔngbɔɛ a, an mbe ma‑a wan nɔ si ɔ mansa sea a. A sin, Yataa 'a mɔɛ nu, an mbe a fai‑a wan.

KO Ɔ NUNDENƐ 7:15

Chɛ an fɛ mu, an mbe sɔ ɔ Yataa Mansa chen kɔɔ. Su ɔ tee a, an mbe a 'a chenɛ a, an mbe a fai‑a. A wɛn sin mbe si ɔ a 'a mansa sea, ɛ an konde gbain‑da wan nɔ.