KO Ɔ NUNDENƐ 2:5 - Yataa 'a Dɔbɛnɛ Nama

⁵ Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.

KO Ɔ NUNDENƐ 2:5 Iomraidhean Croise

MATIU 5:14

“Wo maen fan mu yɔ sanku manɛ, mɔ gbu gbɛɛ ko a dunya chɛ ɔ. Duu wa min mbe sɔ ɔ kɔnkɔ a yansama kun tɛ, a ee che nun‑da.

MATIU 5:15

Mɔ ɔ mɔ ee dambo a man, mbɛ a‑a a don samba kɔɔ. Chɛɛ ɛ a si kaina wan, ɛ manɛ be kaina mɔ ɔ mɔ ma chenɛ bu ɔ.

MAKI 12:9

Mbɛ Chisɔsi ɔ, “Wo ta yiima ɔ, ni yadi ti chɛ na‑a tima min na, ɛ fɛn ma‑a yadi kun ma fɛn mɔɛ chɛ n na? Ɛ na‑a wan, a ni an yadi kun ma fɛn mɔɛ n kasaa, mbɛ a‑a a don a kun ma fɛn mɔɛ dɔ mende n boo ɔ.

DUKU 1:17

Yataa Nyina ɛ gbasaya be‑a wan a ma, yɔ a‑a a be buɛ min dɔ Idaicha ma, min ni a 'a gbonka chɛ mɔɛ a suun. Ɛ na‑a wan Mansa Yataa ya ɔ, mɔ sɛsɛ n sɔ koe a chia ma. Ɛ a ma‑a wan, denɛ n ni na kuiɛ a kanɛ ɔ, an bɛ an fa n na. Ɛ a ma‑a wan to, tooɔgbɛa tɔɛ n bɛɛ ni bea tea fɛ, yɔ mɔ tandenɛ nu.”

DUKU 20:16

Ɛ na‑a wan, mbɛ a‑a mɔɛ chɛ n fa, mbɛ a‑a yadi chɛ be a kun ma fɛn mɔ dɔ mende n ma.” Mɔɛ chɛ n‑na bai chɛ a min kɛn, an dɔ, “Gbuama sɛkɔ.”

Gboo Kadesia Ko A 5:4

Wo tɛ du‑a gbɛ, wo bɛ Chisɔsi Chasi a. Wo wan, ɛ wo wɛn yii ma, mbɛ ni wo‑a sawa chɛ gbɛɛ a tachɛ, Yataa ɛ wo ya wan mɔ tandenɛ n na, a tena. Wo nɛnɛ nu, wo fo‑a gbae, Yataa 'a koadia demanɛ a.

Gboo Fiipai Ko A 2:15

Chɛ ɛ a ma‑a wan, tɛɛsi ee ma‑a wo ma, wo wɛn mu ka Yataa 'a denɛ n na. Wo tachɛ buɛ mɔ yama wa chɛ n tɛ ɔ, a ni nyan, a ma bɔ an ta a ɛnden bɛɛ a. Mabɔ ee ma‑a wo ma, mɔɛ chɛ n tɛ ɔ, miin dɔ chɛ chɛen mu, ko yama ma mɔ wa chɛ nu. Wo e man‑da wan an tɛ ɔ, yɔ tɔmbuaka n mbe man buɛ min dɔ pimbi ɔ.

GBOO IBU MƆƐ N KO A 10:32

Chɛɛ wo wo yii na chii koe miin na‑a si wo a, a saa a, tima min na wo na‑a manɛ ma sɔn, a si Chisɔsi ma. A tima chɛ a, wo na‑a tɔɔya ɔ gbɛama ɔ bia wan.

2 PITA 3:17

Chɛɛ n dia nyɔɛ nu, wo tana, wo‑a chɛ ɔ sɔn fan gbɛ. Chɛ an fɛ mu, wo wo kun ma fɛn, sawa sɔn bai chɛ n ma na a ma, wo ni saman, mbɛ wo ka‑a chia ma. An ni a ma, wo ni bea, a bɔ wo sɔ tena chɛndɛ chɛ ɔ.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 1:20

Ka wɛ n mbe a ɔ yian i a, tɔmbuaka wɔnfea chɛ nu n boo nyima a, an sɔen mu fenɛ miin ko a. Mbɛ n‑na a ɔ yian to i a, dambo si fen wɔnfea chɛ nu, an bɛɛ sɔen mu fenɛ miin ko a. Tɔmbuaka wɔnfea chɛ n mu maeka wɔnfea an fan na, chɔchi wɔnfea an ko a. Dambo si fen wɔnfea chɛ n sin, an mu chɔchi wɔnfea an fan na.”

KO Ɔ NUNDENƐ 16:9

Tee chɛ win ba chɛ‑a mɔɛ n ma fufu wan. Chɛɛ an ma an kan kɔ sɔ ni an 'na ko yama n na, an ma Yataa bai ni, a 'a gbasaya ko a. An‑na min ma, an‑na a main fan, gbasaya ɛ ka a wɛn boo ɔ kasaa koe chɛ n kun ma.

KO Ɔ NUNDENƐ 2:16

Chɛ an‑na a fɔ, wo wo kan kɔ sɔ wo 'a ko yama chɛ n na. Ni chɛ ma, a ɔ ee yansan tena, n na‑a wo tena, mbɛ n‑na butuinɛ chɛ an mɔɛ chɛ n na, chɛɛ chɛ mɛ chɛ a, min mbe n da ɔ.”

KO Ɔ NUNDENƐ 2:19

A ɔ, “N‑na ko ɔ ko kan kɔ kan dɔ sɔn fan a si wo ma. N‑na wo 'a koadia ɔ sɔn fan, wo kai faen mu buɛ min dɔ Yataa a, wo 'a wai chɛndɛ, a basan wo 'a faabia a. A sin to, wo e wai min sin chɛ tena sanche, a benden mu a saa ma, tima min na wo ma‑a n fɛ mɔɛ n na.

KO Ɔ NUNDENƐ 2:2

A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.

KO Ɔ NUNDENƐ 3:19

Mɔɛ chɛ nu, n toen mu miin na, n mbe an fan ma nyin, mbɛ n‑na a ma, an tɔɔ‑a. Chɛ an fɛ mu, wo wo ma bɛn, mbɛ wo‑a wo kan kɔ sɔ wo 'a ko yama n na.