KO Ɔ NUNDENƐ 2:3 - Yataa 'a Dɔbɛnɛ Nama

³ Wo‑a wo faa bia kaka tɔɔya a n ko a, a sin, wo gboo ɔ ma fa ni ma koe a n fɛ.

KO Ɔ NUNDENƐ 2:3 Iomraidhean Croise

MAKI 15:21

An to‑a ta an na Chisɔsi a, mbɛ an bɛn‑da kamin dɔndɔ a. A tɔ ni Saimɔn, a sin na‑a ka Sayini duu ɔ wan, ɛ na‑a Chuusaɛn duu ɔ. A 'a denɛ n fan nii nɛ Adɛsanda a, ni Dufɔsi. Soya chɛ n‑na a yen kɛn dechee, an‑na a din fan a ma, ta koe a kɔn gbengbanden chɛ a, Chisɔsi ko a.

DUKU 14:27

Ni mɔ ɔ mɔ ma nyina ni a faa ma koe ma, a ni a ma bɛn mɔnɛ ɔ bia koe a, a basan fa koe a n ko a, a ee che bea‑a n fɛ.

DUKU 18:1

Tee dɔndɔ a, Chisɔsi‑a tai tɛ wan a fɛ denɛ n tena. Tai chɛ‑a a ɔ yian fan an na, mbɛ a nyin fan an ni samunɛ ma ti bia tima ɔ tima ko a. A yɛ to, an gboo ɔ ma fa samun chɛ a.

DUKU 21:19

Ni wo sɔ‑a gban, wo e kun‑da wan wo ni kuɔ fɔ fɔɛ ma sɔn wo wandi ko a.”

DUKU 5:5

Chɛɛ Saimɔn dɔ, “Kan mɔ, nn chia nn ya a pii, nyɛ gbain chɛ an na, chɛɛ nn ma‑a nyɛ dɔndɔ wɛɛ bia ni. Chɛɛ ni i‑a a fɔ, i ɔ, nn ni nn 'na yaa n na dɛ to yii ɔ, nn mbe a ma‑a wan.”

DUKU 8:15

Mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. Ni an‑na sakana bai chɛndɛ chɛ a min, an mbe a sa wan an yii ma chɛndɛ chɛ, mbɛ an‑na a ma, yɔ sakana bai chɛ‑a min fɔ an ye a ma koe a. A sin to, yakɔɔtawa kan kɔ kan ni an tan bɛɛ, an mbe ee sɛmbɛ dan koe a Yataa a.”

CHƆN 15:21

Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

GBOO DOMI KO A 16:12

N mbe Tifaina ni Tifosa n kɔndɔn tena. An mbe wai chɛ tena an sɔɛ a Mansa Chisɔsi an ye. N ni n dia nyɔɛ chɛ wɛɛ kɔndɔn min mu Pasisi a. A wɛɛ‑a wai chɛ wan a sɔɛ a Mansa Chisɔsi ye.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 8:25

Chɛɛ ni mmɔ yii ma‑a fenɛ kɔ, mmɔ ma min yen nin bɛ, mmɔ ɛ mmɔ faa bia wan a ma kɔnɛ a.

GBOO SAA KƆYINDI KO A 13:7

Koadia ɔ, mɔ sɔɛ ee bɔ, i bɔɛ ko a. A sin, danaya, yiinatɛ, ni faabia, mɔ gboo ɔ ee fa an na.

GBOO SAA KƆYINDI KO A 16:16

wo ni don ya ɔ sɔɛ sima chɛ n kɔɔ. Wo gbu ni don mɔ ɔ mɔ kan kɔ kan kɔɔ, miin mbe wai chɛ chɛ tena.

GBOO FEAN BƆƐ KƆYINDI KO A 10:15

Chɛ an fɛ mu, nn mbe ee yonka tɛ, mɔ dɔ mende n‑na wai chɛ gba ma, min mbe ee tinɛ chɛ ɔ, Yataa‑a min yian nn na. Chɛɛ nn yii na tɛen mu, mbɛ wo 'a danaya ma ɛ munda‑a buɛ min dɔ, nn bɛɛ, nn mbe wai chenama chɛ‑a ka wan wo tɛ ɔ. A sin, tima ɔ tima ko a, nn mbe ma‑a a tinɛ chɛ an dɔ, Yataa‑a min yian nn na.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 4:16

Chɛ an fɛ mu, nn faa ee yɔn. Nn gboo chɛ, mɔgbuya ɔ, ɛ na tena wɛɛ ka boo ɔ boo tui‑a, chɛ gbɛɛ ɔ, Yataa Nyina min mbe nn fɛ, a ɔ gbɛama mu tee ɔ tee a.

GBOO FEAN BƆƐ KƆYINDI KO A 5:9

Chɛɛ chɛ gbɛɛ ɔ, mmɔ ni ma nɛ wan, mmɔ ni ma pan fan, mmɔ toen mu, mmɔ ni a faa chima koe n ma. An mu mmɔ faa ma koe chenama a, a ben ko ɔ ko ma.

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Kadesia Ko A 6:2

Wo wo boo si wo nyɔn na ya kɔɔ tawa kɔɔ, min mbe a ma, wo ni Chasi 'a sawa bia a chia ma.

Gboo Kadesia Ko A 6:9

Chɛ an fɛ mu, mmɔ gboo ɔ ma fa ko chɛndɛ ma koe a. Koe min na mu, tima ɛ che‑a wan, ni mmɔ ma sɛmbɛ ni, mbɛ mmɔ‑a a tɔnɔnɛ ma sɔn.

Gboo Fiipai Ko A 2:16

Bai chɛ, min mbe fɔɛ be, wo a bia wo boo fea a. Chɛ an mbe a ma‑a Chasi na tee ma, n bu ɔ diama an mbe ma‑a, n kunɛ kɔɔ sɔenɛ ɛ, mbɛ n ma bui chɛ ni gbama a, n ma sɛchɛ chɛ ni gbama a, wo tɛ ɔ.

Gboo Fiipai Ko A 4:3

A sin, n mbe i wɛɛ ɔ tisa tena, i wɛn mbe wai chɛ tena danaya ɔ, n toen mu i ni musu fea chɛ n deman. Koe min na mu, an‑na toa si wan n kɔɔ, n 'na wai ɔ, sakana bai chɛ a ta koe a ya ɔ ma. An bɛ ni Kemendi a, a basan n bɔ wai chɛ mɔɛ tɔɛ n na. A sin, an tɔɛ ɛ wan gboo chɛ ɔ, mɔɛ n tɔɛ ɛ min dɔ, miin mbe kuɔ fɔ fɔɛ ma sɔn‑da.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 2:9

Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

Gboo Saa Tɛsadonika Ko A 5:12

Nn suun ma nyɔɛ nu Chasi ɔ, nn mbe wo disa tena, wo ni basɔmaya da faenɛ be wo ya ɔ sɔɛ n ma, wo bɛ ɛ miin na. An fan mbe wai chɛ tena wo ko a, an mbe koe n dɔ yian wo a, an mbe wo sɔ‑a chia ma, koe n dɔ, a si Mansa Chisɔsi ma.

GBOO FEAN BƆƐ TƐSADONIKA KO A 3:13

Chɛɛ wo wan, nn suun ma nyɔɛ nu Chasi ɔ, wo gboo ɔ ma fa ko chɛndɛ ma koe a.

GBOO FEAN BƆƐ TƐSADONIKA KO A 3:5

Nn mbe samunɛ chɛ tena Mansa Chisɔsi tena, wo ni a ɔ sɔn chɛndɛ chɛ, Yataa toen mu wo a buɛ min dɔ. Wo ni a ɔ sɔn to, Chisɔsi na‑a ko yawaenɛ min nyɔn dɔ bia, a sin mbe a ma tena wo wɛɛ, wo e a ɔ bia.

GBOO FEAN BƆƐ TƐSADONIKA KO A 3:8

Nn nii ma dɔn ni, nn ni fen kɔ fen bia mɔ ɔ mɔ boo ɔ, gbama gbama a. Nn na‑a wai chɛ wan nn sɔɛ gbɛɛ a, su ɔ tee a, min mbe a ma, nn ma koe ma na si wo dɔndɔ wɛɛ kun ma.

1 TIMOTI 4:10

Chɛ an fɛ mu, mmɔ ɛ tɔɔ, mmɔ ɛ sɛchɛ kaka. Koe min na mu, mmɔ yiima gbɛɛ a tɛen mu Yataa an ma. A ee chinɔ ɛnden bɛɛ a, ɛ mmɔ baun, a bɛbɛɛ mmɔ wɛn danden mu a a.

1 TIMOTI 5:17

Gbakoo chɛ nu, miin mbe chɔchi wai ma ti bia chɛndɛ chɛ, ɛ nyan fan an ni tɔnɔn fea ma sɔn, an 'na pawa basan basɔmaya a. A bɛbɛɛ chɛ nu, miin‑na an boo a chii kan chɛ ma, an sɔɛ dondenɛ ɛ Yataa 'a bai sa ma.

GBOO IBU MƆƐ N KO A 10:36

Mɔɛ ɛ i faa bia wan, min mbe a ma, i ni che Yataa faa ma koe ma‑a. An mbe a ma, i ni fen chɛ ma sɔn, a na‑a tooɔdia chɛ min be koe a.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

GBOO IBU MƆƐ N KO A 13:13

Chɛ an fɛ mu, mmɔ ta a tena kaina chɛ, min mbe chia kunɛ a. Mbɛ mmɔ‑a mmɔ kunɛ don mau ɔ, yɔ a na‑a miin dɔ bia.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

GBOO IBU MƆƐ N KO A 6:12

Chɛ ɛ a ma‑a wan, wo ee ma‑a gboo ɔ fa tɔɛ n na. Chɛɛ wo e bea wan mɔɛ chɛ n fɛ, miin‑na an kai fa Yataa a, an‑na an faa bia, mbɛ Yataa na‑a an too ɔ dia min gbɛɛ a, an‑na an ma sɔn.

GBOO IBU MƆƐ N KO A 6:15

Chɛ sin ko a, Ebeami na‑a a faa bia wan ko sɛsɛ a, mbɛ a too ɔ dia‑a min na, a‑a a ma sɔn.

2 PITA 1:6

A yɛ to, wo wo 'a Yataa yiima ma munda wo tachɛ buɛ n na fɔɛ ɔ. Mbɛ wo‑a faabia sa wo tachɛ buɛ kun ma fɔɛ ɔ. Mbɛ wo yɛ‑a to, wo ma‑a mɔɛ n na, Yataa wakoe ɛ miin faa ɔ kaka.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.