KO Ɔ NUNDENƐ 2:2 - Yataa 'a Dɔbɛnɛ Nama

² A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.

KO Ɔ NUNDENƐ 2:2 Iomraidhean Croise

MATIU 7:23

Chɛɛ n sin, n mbe a fɔ‑a wan an ye, n dɔ, ‘Wo ka n fɛ. N ma wo sɔn tee, wo wan ko yama ma mɔɛ chɛ nu.’ ”

CHƆN 6:6

A na‑a chɛ fɔ, min mbe a ma dechee, a ni Fiipi yiima sɔn. Tea ni min na, a wan Chisɔsi na‑a a ɔ sɔn fan, ɛ koe min ma tena, a e na to tisa chɛ chɛ‑a.

Gboo Kadesia Ko A 1:7

N mbe ee a gbu fɔ tena, mbɛ sakana bai chɛndɛ dɔ mende an mbe to nɔ. Chɛɛ mɔɛ dɔ n fan mbe nɔ, miin mbe wo tɔɔ tena. An toen mu, an ni sakana bai chɛndɛ chɛ, a si Chisɔsi ma, a ka a chia ma.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 5:21

Chɛɛ wo an gbɛɛ ma fɛn bɛ, min nyin, mbɛ wo‑a wo boo a chii a ma.

2 TIMOTI 2:19

Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

1 CHƆN 4:1

N dia nyɔɛ nu, wo ma dan mɔɛ n gbɛɛ a, miin mbe a fɔ‑a, mbɛ Yataa Nyina ɛ wan an fɛ. Wo an mɔɛ chɛ n fɔ bai ma mɛn pɛn, min mbe a ma, wo ni a ɔ sɔn, ni Yataa Nyina an mbe an fɛ tea ko a. Wo chɛ ma, koe min na mu, fania fɔ mɔɛ n sɛsɛ fasanden mu a ɔ, an mbe an fandi ya‑a Yataa 'a gbonka chɛ mɔɛ n na.

KO Ɔ NUNDENƐ 2:5

Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.

KO Ɔ NUNDENƐ 2:6

Chɛɛ n mbe wo tando tena ko dɔndɔ an ko a. N ma to ni mɔɛ miin na, Nikodasi fɛ mɔɛ chɛ nu, wo wɛɛ ma to ni an chɛ chɛ wai n na.”

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.

KO Ɔ NUNDENƐ 3:1

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.

KO Ɔ NUNDENƐ 3:15

A ɔ, “N‑na a ɔ sɔn fan, wo e tachɛ tena buɛ min dɔ. Wo e wan dechee yɔ yii, min ma gbandi, a sin ma chima ni to. A ni nyan fan, wo ni ma chia dɔndɔ a, an ni a ma‑a wo ma gbɔsɔɛ ni ma n ma.

KO Ɔ NUNDENƐ 3:8

A ɔ, “N‑na a ɔ sɔn fan, wo e tachɛ tena buɛ min dɔ. N‑na a ɔ sɔn fan, mbɛ wo 'a gbasaya dɔɔ wɛɛ boo ɔ boo, chɛɛ wo bea‑a wan n da a kuiɛ fɛ, wo ma ka ni n fɛ. A yen ko, chenɛ da a kaenɛ mu gbɛ wo ya ɔ, mɔ ɔ mɔ sin mbe ee nɔ, min mbe a a tɔn.