KO Ɔ NUNDENƐ 2:16 - Yataa 'a Dɔbɛnɛ Nama

¹⁶ Chɛ an‑na a fɔ, wo wo kan kɔ sɔ wo 'a ko yama chɛ n na. Ni chɛ ma, a ɔ ee yansan tena, n na‑a wo tena, mbɛ n‑na butuinɛ chɛ an mɔɛ chɛ n na, chɛɛ chɛ mɛ chɛ a, min mbe n da ɔ.”

KO Ɔ NUNDENƐ 2:16 Iomraidhean Croise

Gboo Ɛfisɔsi Ko A 6:17

Wo dan chɛ a chɛndɛ chɛ, mbɛ Yataa‑a wo baun. A ni ma yɔ chɛɛ chɛ banfua, wo kunɛ a. Mbɛ Yataa 'a bai sin, a ma‑a wo boo a chɛɛ chɛ mɛ a, Yataa Nyina 'a gbasaya ɔ.

GBOO FEAN BƆƐ TƐSADONIKA KO A 2:8

A tima chɛ a mu, mɔɛ min mbe ee sawa kɔɔ, ɛ yen‑da wan. Chɛɛ ni Mansa Chisɔsi na‑a to, fia min mbe bɔ‑a dechee a da ɔ, an mbe an mɔɛ chɛ fa‑a. Chisɔsi ɛ ma‑a man ba min dɔ, an mbe an mɔɛ chɛ kasaa‑a.

KO Ɔ NUNDENƐ 1:16

A‑a tɔmbuaka wɔnfea bia, a boo nyima a boo a. Mbɛ chɛɛ chɛ mɛ bɔ‑a a da ɔ, min da ɛ a bu ɔ, ɛ to a kɔɛ, an na saen ba ɛ. A ya kɔɔɛ sin ni man tena wan, yɔ ni tee che‑a a kun tɛ.

KO Ɔ NUNDENƐ 16:9

Tee chɛ win ba chɛ‑a mɔɛ n ma fufu wan. Chɛɛ an ma an kan kɔ sɔ ni an 'na ko yama n na, an ma Yataa bai ni, a 'a gbasaya ko a. An‑na min ma, an‑na a main fan, gbasaya ɛ ka a wɛn boo ɔ kasaa koe chɛ n kun ma.

KO Ɔ NUNDENƐ 19:15

Yataa Da 'a Bai chɛ da ɔ, chɛɛ chɛ mɛ a saenɛ chɛndɛ chɛ, a bɔ‑a wan a ɔ. Ɛ an mɛ chɛ an ya tena, a ni kun dunya gbɛɛ ma chɛɛ ɔ. Ɛ ma‑a wan dunya kun ma mansa a, a sin mbe ee a 'a mansaya a tachɛ‑a chinchincha ɔ. A yɛ to, ɛ tɛn tɛn‑da wan fen chɛ ma bondonɛ ɔ, fen chɛ min tɔ mu keepi, a yii bɔ koe a a ɔ. Ɛ ma‑a ka Yataa 'a faatɛ wa an dɔ yian‑da.

KO Ɔ NUNDENƐ 19:21

An 'na soya mɔɛ n tana, chɛɛ chɛ mɛ a saen chɛ, min bɔ‑a mɔɛ chɛ da ɔ soo gbɛ chɛ kun ma, a‑a an gbɛɛ fa wan. Konde n gbɛɛ, an bu ni te tena wan an su daunɛ a.

KO Ɔ NUNDENƐ 2:12

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Pakamɔn duu ɔ. A ɔ, “N fan, mɔɛ chɛ, n fɛn 'na chɛɛ chɛ mɛ da ɛ a bu ɔ, ɛ a kɔɛ, a a saenɛ ɛ chɛndɛ chɛ,” a ɔ, “n 'na sakana an nɛ.”

KO Ɔ NUNDENƐ 2:5

Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.

KO Ɔ NUNDENƐ 22:20

Mɔɛ chɛ, min mbe koe chɛ n gbɛɛ fɔ‑a, a ɔ, “Tea ko a, n na tima ɔ ma yansan to.” A ni ma ka. Mansa Chisɔsi, na fo.

KO Ɔ NUNDENƐ 22:7

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”

KO Ɔ NUNDENƐ 3:19

Mɔɛ chɛ nu, n toen mu miin na, n mbe an fan ma nyin, mbɛ n‑na a ma, an tɔɔ‑a. Chɛ an fɛ mu, wo wo ma bɛn, mbɛ wo‑a wo kan kɔ sɔ wo 'a ko yama n na.