KO Ɔ NUNDENƐ 18:3 - Yataa 'a Dɔbɛnɛ Nama

³ Dunya gbɛɛ‑a Babidon 'na gbɛ yama chɛ min, a 'a gbɛ yama min mbe yiima yama ma munda ka, a bɛbɛɛ ko tɛ. Dunya ma mansa gbɛɛ, an‑na waa ma basan a a, yua mɔɛ n nyan‑da a ɔ, a kunɛ a fuindenɛ ɛ duu diaya a.”

KO Ɔ NUNDENƐ 18:3 Iomraidhean Croise

DUKU 7:25

Wo na‑a ta nyɔn yen koe a? Wo nii ma ta ni mɔɛ an yen koe a, min ma chiien ni koa baa gbandenɛ ɔ. Tea ko a, mɔɛ miin mbe an ma chii ka, a sin, nyan fen kan kɔ kan mbe an boo ɔ, an mbe ma kata n fan dɔ.

1 TIMOTI 5:11

Chɛɛ fuinya musu miin ma che ni san bi wɔdɔɛ ɔ, i ma an tɔɛ chɛ a ɔ. A mu min na, ni kai sɔn sɔɛ‑a an bia, an mbe an kan kɔ sɔ‑a wan Chasi 'a wai a.

KO Ɔ NUNDENƐ 14:8

Maeka dɔ mende, a fean bɔɛ gbɛ, a na‑a a saa chɛ gbaa chia a. Mbɛ a ɔ, “A teen fan mu, Babidon duu wa chɛ teen fan mu. Duu chɛ, min‑na a ma mɔɛ gbɛɛ dunya ɔ, an‑na a 'a gbɛ yama chɛ min, min mbe yiinachii yama ma munda, a bɛbɛɛ ko tɛ.”

KO Ɔ NUNDENƐ 17:2

A ɔ, “Mansa wa chɛ nu dunya chɛ ɔ, an‑na waa ma basan fan an duu dia chɛ a.” A ɔ, “Mɔɛ miin sin gbɛɛ an mbe dunya ɔ, an‑na a 'a gbɛ yama chɛ min fan, min mbe yiinachii yama ma munda, a bɛbɛɛ ko tɛ. An gbɛ chɛ sin‑na an bia wan.”

KO Ɔ NUNDENƐ 18:19

Mbɛ an‑na sanka boo sin an ma, an kunɛ gbɛɛ a, an mbe ta‑a saya di chɛ‑a gbafi gbafi, an dɔ, “Kasaa ma chianden mu gba, kasaa ma chianden mu gba, duu wa gbasayaen ba chɛ ko a. Mɔɛ n gbɛɛ, dɛndɛ wa ni miin boo ɔ kɔ yii a, duu min 'na nyanɛ pɔpɔɛ‑a an nyan, awa dɔndɔ gbe kɔɔ, a kasaa‑a ka.”

KO Ɔ NUNDENƐ 18:23

Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”

KO Ɔ NUNDENƐ 18:7

Tɔɔya be a ma kaka, a basan faayɔnɛ a, a ni ka a 'a dɔpanda nyan tɔ fɔɛ min gbɛɛ ɔ, a nyɔn sima tɔɔya ni si a a. A ni a yonka wan tima ɔ tima, a ɔ, ‘N yen ko si ɔ n 'na mansaya wa ɔ, fuinya musu ma n na, n sin mbe ee fuinya musu di chɛ‑a fion.’

KO Ɔ NUNDENƐ 18:9

Mbɛ dunya ma mansa chɛ nu, miin‑na waa ma basan a a, a 'a duu diaya chɛ ɔ, an mbe di chɛ‑a wan, an 'na duu wa chɛ ko a. Ni an‑na a sisi yen bɔ‑a, an mbe di chɛ‑a wan, aan an ya ni yawa.