KO Ɔ NUNDENƐ 17:3 - Yataa 'a Dɔbɛnɛ Nama

³ Mbɛ Yataa Nyina bea‑a n fɛ gban, mbɛ maeka chɛ ta‑a n na fuinɛ ma. Nɔ ni, mbɛ n‑na musu yen si ɔ soe yawa kun ma, soe yama wa. An soe chɛ gboo gbɛɛ ma, Yataa main bai n dechee an nyɛnden ni a ma. A kunɛ ni wɔnfea, a bena n sin ni tan.

KO Ɔ NUNDENƐ 17:3 Iomraidhean Croise

MATIU 27:28

An na kan‑da kɛn a ma, an‑na a ta koa bɔ wan a ma, mbɛ an‑na an fandi ta doma kai yawaenɛ don a ma.

CHISƆSI 'A SƆ MƆƐ NU 8:39

An fea chɛ gbɛɛ bɔ‑a kɛn yii chɛ ɔ, mbɛ Yataa Nyina‑a Fiipi a tuin. Kai chɛ ma a yen ni to, mbɛ a wɛɛ‑a a 'a tachɛ a tun a ma. A bu ɔ diama wa ni gbɛ, ɛ ta‑a.

GBOO FEAN BƆƐ TƐSADONIKA KO A 2:4

Ɛ Yataa ma bɔ‑a wan, a ni fen fen ma bɔ, an mbe miin fai an 'na Yataa a. Ɛ na‑a a wandi a sɛ‑a wan peche peche, a maenɛ ɛ mbɛ a kan nyɔ ee. Chɛ ɛ a ma‑a wan, a ni don Yataa 'a chenɛ a, a ni si nɔ. A ni a wandi yian nɔ mɔ ɔ mɔ a, mbɛ a wan gbu mu Yataa a.

KO Ɔ NUNDENƐ 1:10

Patimɔsi chɛ ni, Tɛnɛ kan kɔ dɔɛ ma, Yataa Nyina bea‑a n fɛ gban. A tima kɔɔ, n‑na mɔɛ kuiɛ a min fan, n gbaa chia a. Kuiɛ chɛ maen fan ni gbankon, yɔ buu fɛ kuiɛ.

KO Ɔ NUNDENƐ 12:14

Chɛɛ musu chɛ‑a kamban fea ma sɔn fan, a kambanɛ bɔ‑a yɔ kochɛ. Mbɛ a tin‑da, a ta‑a pɔɔ fuinɛ ma, a ka‑a ka chɛ baima. A ta‑a an kaina chɛ, Yataa‑a kaina min dɔ bɛn a ko a, an mbe a kun ma fɛn‑da kaina min san sawa, ni a tɔɛ ko a.

KO Ɔ NUNDENƐ 12:3

Mbɛ n‑na kamaya koe wa dɔ mende ɔ yen to ma‑a banda bu ɔ. A yen ko, n‑na fɔɛ fen ba dɛgbɛ wa yen, yii ɔ fenɛ, min gboo bɔen mu fai gboo a. A yawaenɛ ni, a kunɛ ɛ wɔnfea, a bena n sin mbe tan. A kun wɔnfea chɛ n na, mansa banfua ma bɛndenɛ an ni si ɔ an gbɛɛ a.

KO Ɔ NUNDENƐ 12:6

Musu chɛ‑a bui sa wan a a, a ta‑a fuinɛ ma, Yataa na‑a kaina ɔ bɛn kaina a ko a. A ɛ ma‑a nɔ wan, a kun ma ni fɛn kau bi naanin kun ma fea (42) ko a.

KO Ɔ NUNDENƐ 17:18

“Musu chɛ sin, duu dia chɛ, i na‑a min yen, a mu duu wa chɛ an na, duu gbasayaen ba chɛ, dunya mansa n gbɛɛ, an mbe min kɔɔ.”

KO Ɔ NUNDENƐ 17:4

Musu chɛ ma bɛnden fan ni chɛndɛ chɛ, koa yawaenɛ ɔ, min ni man tena sanu a, ni sen baa gbanden ba nu, a basan fen baa gbanden dɔ mende n na a ma. Kɔpu ni wan a boo a, min nyanden ni sanu a, ko yama faenɛ a a gban, a basan a 'a duu dia wai yama a.

KO Ɔ NUNDENƐ 18:12

An 'na sanu chɛ nu, kain chɛ nu, yɔɔɛ nu an basan fen baa gbanden dɔ mende n na. A yɛ to, koa nyima kani kani kan kɔ kan, ni kɔn kunyɛ a diama kani kan kɔ kan, a basan fenɛ sɛsɛ a, miin nyanden ni kama nyinɛ ɔ. Fenɛ kani kani kan kɔ kan ni wan nɔ, a ka gbɛ kɔn baa gbandenɛ ma, a ta fen chɛ n tena miin nyanden mu kundu ɔ, miin bɛɛ nyanden mu sen baa gbandenɛ ɔ, a basan fen baa gbanden dɔ mende a.

KO Ɔ NUNDENƐ 18:16

Mbɛ an dɔ, “Kasaa ma chianden mu gba, kasaa ma chianden mu gba, duu wa gbasayaen ba chɛ ko a. Duu min ma bɛndenɛ ɛ koa kani kani n dɔ, an baa gbanden ba nu, a yawaenɛ nu. A ni man tena sanu an na, sen baa gbanden ba nu, a basan fen baa gbanden dɔ mende n na.

KO Ɔ NUNDENƐ 21:10

Mbɛ Yataa Nyina bea‑a n fɛ gban, mbɛ maeka chɛ sɛ‑a n na kɔnkɔ a yansama wa ɔ. Mbɛ a‑a Yataa 'a duu wa yian n na, Chuusaɛn duu wa chɛ, ɛ yii‑a a ka banda bu ɔ Yataa tena.

KO Ɔ NUNDENƐ 4:2

Mbɛ a ya kɔɔɛ a, a yen ko, Yataa Nyina bea‑a n fɛ gban. N‑na a yen, mbɛ nɔ banda bu ɔ, mansaya sea ɛ wan nɔ si ɔ, mɔɛ ɛ si ɔ a a.