KO Ɔ NUNDENƐ 17:2 - Yataa 'a Dɔbɛnɛ Nama

² A ɔ, “Mansa wa chɛ nu dunya chɛ ɔ, an‑na waa ma basan fan an duu dia chɛ a.” A ɔ, “Mɔɛ miin sin gbɛɛ an mbe dunya ɔ, an‑na a 'a gbɛ yama chɛ min fan, min mbe yiinachii yama ma munda, a bɛbɛɛ ko tɛ. An gbɛ chɛ sin‑na an bia wan.”

KO Ɔ NUNDENƐ 17:2 Iomraidhean Croise

CHƆN 2:10

Mbɛ a ɔ, “Ni i bɔ n‑na mɔɛ n chee bɛn bonda chɛ ɔ, an mbe gbɛ chɛndɛ pɛn be mɔɛ n ma. Ni an‑na a ɔ yen, mbɛ gbɛ kun‑da an gboo ɔ, mbɛ an‑na a kuu sɔ gbɛ tafu tafu be‑a. Chɛɛ i tana, i‑a gbɛ chɛndɛ si tena ɔ bɛn fan aan, mbɛ i danka‑a a a bɔ‑a sanche.”

KO Ɔ NUNDENƐ 14:8

Maeka dɔ mende, a fean bɔɛ gbɛ, a na‑a a saa chɛ gbaa chia a. Mbɛ a ɔ, “A teen fan mu, Babidon duu wa chɛ teen fan mu. Duu chɛ, min‑na a ma mɔɛ gbɛɛ dunya ɔ, an‑na a 'a gbɛ yama chɛ min, min mbe yiinachii yama ma munda, a bɛbɛɛ ko tɛ.”

KO Ɔ NUNDENƐ 17:13

An mansa tan chɛ n gbɛɛ yiima ni dɔndɔ gbe, an sin gbɛɛ kuiɛ bɛn‑da wan kaina dɔndɔɛ, mbɛ an 'na mansaya gbasaya gbɛɛ, an‑na a be soe yama chɛ ma.

KO Ɔ NUNDENƐ 17:17

Koe min na mu, Yataa an‑na a chɛ an faa ɔ, an yiima bɛn‑da kaina dɔndɔ, kuiɛ dɔndɔɛ ɔ, an ni an 'na mansaya be soe yama chɛ ma. Yataa faa ma koe ni a a, an ni ma soe yama chɛ kɔɔ, aan Yataa 'a dɔbɛnɛ gbɛɛ kunɛ a ni bia chɛndɛ chɛ.

KO Ɔ NUNDENƐ 17:5

Musu chɛ ya kɔɔɛ ma, tɔɛ nyɛnden fan ni nɔ, min fasai nunden ni. Chɛ an nyɛnden ni a ma, a ɔ, “Babidon duu wa chɛ, an mu duu dia n gbɛɛ de a, mɔɛ chɛ n gbɛɛ, miin mbe ko yama kan kɔ kan ma.”

KO Ɔ NUNDENƐ 17:8

I na‑a soe yama min yen ka sunɛ, a ni wan fɔɛ ɔ, chɛɛ a fa‑a gbɛ. A ɛ na tena wan bɔ‑a to, a ka son dɔ yiien ba chɛ ɔ, min danka ee ka. A sin, ɛ ta‑a wan kaina chɛ, Yataa ɛ a kasaa kaina min. Dunya chɛ ma mɔɛ nu, Yataa nii ma miin tɔɛ nyɛn ni a 'a gboo ɔ, an gbɛɛ, an da ɔ gbaa‑a wan, an mbe ma‑a soe yama chɛ ma fɛn‑da. A 'a gboo chɛ, mɔɛ miin mbe kuɔ fɔ fɔɛ ma sɔn‑da, a na‑a an tɔɛ nyɛn min dɔ, a e na dunya a dan. Soe chɛ ni wan tee fɔɛ ɔ, a ee sanche fɔɛ ɔ, chɛɛ ɛ yɛ‑a wan to fɔɛ ɔ.”

KO Ɔ NUNDENƐ 18:23

Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”

KO Ɔ NUNDENƐ 18:3

Dunya gbɛɛ‑a Babidon 'na gbɛ yama chɛ min, a 'a gbɛ yama min mbe yiima yama ma munda ka, a bɛbɛɛ ko tɛ. Dunya ma mansa gbɛɛ, an‑na waa ma basan a a, yua mɔɛ n nyan‑da a ɔ, a kunɛ a fuindenɛ ɛ duu diaya a.”

KO Ɔ NUNDENƐ 18:9

Mbɛ dunya ma mansa chɛ nu, miin‑na waa ma basan a a, a 'a duu diaya chɛ ɔ, an mbe di chɛ‑a wan, an 'na duu wa chɛ ko a. Ni an‑na a sisi yen bɔ‑a, an mbe di chɛ‑a wan, aan an ya ni yawa.

KO Ɔ NUNDENƐ 2:22

A yen ko, n mbe a sa tena gbɛ gbandi waa an ma. Mɔɛ chɛ n sin, miin‑na koe tɛ a a, n mbe tɔɔya wa an sa tena an bɛɛ ma. Ni an‑na an kan kɔ sɔ ko yama chɛ a, ɛ min ma tena, n mbe ee an tɔɔya‑a.

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.

KO Ɔ NUNDENƐ 9:21

Mɔɛ fa koe wɛɛ, an ni miin ma, an ma an kan kɔ sɔ ni a a. An ma an kan kɔ sɔ ni an 'na suaya wa a, a basan an 'na ko tɛ a, ni an 'na kanka chɛ. An ma an kan kɔ sɔ ni chɛ dɔndɔ wɛɛ a.