KO Ɔ NUNDENƐ 15:1 - Yataa 'a Dɔbɛnɛ Nama

¹ Mbɛ n‑na kamaya koe dɔ mende ɔ yen to ma‑a banda bu ɔ. Koe chenama wa ni, min mbe mɔ da ɔ gbaa. Maeka wɔnfea, an ni wan nɔ, kasaa si tena wɔnfea ni miin boo ɔ. Chɛ n mu kasaa dankama n fan na, koe min na mu, Yataa 'a faatɛ ɛ danka‑a an fan ma.

KO Ɔ NUNDENƐ 15:1 Iomraidhean Croise

KO Ɔ NUNDENƐ 10:3

Mbɛ a‑a yee wa tɛ, yɔ yaa ɛ ma dau‑a. Mbɛ a‑a yee chɛ tɛ kɛn, banda koɔ‑a gba wɔnfea.

KO Ɔ NUNDENƐ 11:14

Kasaa fean bɔɛ chɛ ben‑da wan, chɛɛ a yen ko, kasaa sawan bɔɛ ɛ gbaa.

KO Ɔ NUNDENƐ 14:10

A ɔ, “Yataa wɛɛ, ɛ a 'a faagbandia gbɛ be‑a wan an mɔɛ chɛ n gbɛɛ ma.” A ɔ, “An mbe a 'a faatɛ tɔmbua a faenɛ ɛ gban, an mbe a min‑da wan.” A ɔ, “An mɔɛ chɛ n mbe tɔɔya‑a wan, ta a, a basan sen gbandi ma yawaenɛ a yɔ ta.” A ɔ, “Chɛ ɛ ma‑a wan an na, sa tɔngbɔɛ ya kɔɔ, a basan a 'a maeka n gbɛɛ a.”

KO Ɔ NUNDENƐ 14:19

Mbɛ maeka chɛ, a‑a mɛ chɛ a ben dunya kun ma, mbɛ keepi chɛ gbɛɛ kai‑a, a ka a nɔmɔɛ n gbɛɛ ma. Mbɛ a gbɛɛ a sɔn‑da bondonɛ da a, a ma ɛ tɛn‑da kaina min, a yii ni bɔ. Chɛ an mbe Yataa 'a faatɛ ɔ yian‑da.

KO Ɔ NUNDENƐ 16:1

Mbɛ kuiɛ gbankon ba, n‑na a a min, a ka Yataa 'a chen chɛ a, a ɔ, maeka wɔnfea chɛ n ma, a ɔ, “Pani wɔnfea chɛ nu wo boo n na, miin na faenɛ ɛ ka Yataa 'a faatɛ gbɛ chɛ a, wo ta, wo ni an dɔ wuyan dunya kun ma.”

KO Ɔ NUNDENƐ 17:1

Mbɛ maeka wɔnfea chɛ n dɔndɔ, miin‑na pani chɛ n dɔ wuyan ka, a na‑a n tena, a ɔ, “Na wɛ, n ni a ɔ yian i a, duu dia wa chɛ, Yataa ɛ kaa a tɛ‑a buɛ min dɔ a wakoe ma.” A ɔ, “Duu dia chɛ mu duu wa chɛ an na, min sɔen mu ka yii sɛsɛ n kaa a.”

KO Ɔ NUNDENƐ 19:15

Yataa Da 'a Bai chɛ da ɔ, chɛɛ chɛ mɛ a saenɛ chɛndɛ chɛ, a bɔ‑a wan a ɔ. Ɛ an mɛ chɛ an ya tena, a ni kun dunya gbɛɛ ma chɛɛ ɔ. Ɛ ma‑a wan dunya kun ma mansa a, a sin mbe ee a 'a mansaya a tachɛ‑a chinchincha ɔ. A yɛ to, ɛ tɛn tɛn‑da wan fen chɛ ma bondonɛ ɔ, fen chɛ min tɔ mu keepi, a yii bɔ koe a a ɔ. Ɛ ma‑a ka Yataa 'a faatɛ wa an dɔ yian‑da.

KO Ɔ NUNDENƐ 21:9

Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”

KO Ɔ NUNDENƐ 8:13

Mbɛ n‑na n ya a ta, n‑na kochɛ yen ben‑da banda a. Mbɛ a koɔ‑a gbankon, a ɔ, “Kasaa na‑a, kasaa na‑a, kasaa na‑a dunya ma mɔɛ n ko a. Kasaa chɛ ma ɛ chian‑da wan, buu tɔɛ chɛ nu, maeka sawa chɛ n boo a, an fɛenɛ ma.”

KO Ɔ NUNDENƐ 8:2

Mbɛ n‑na maeka wɔnfea n yen, miin mbe ma Yataa baima, wai chɛ koe a. An‑na buu wɔnfea an be wan an ma.

KO Ɔ NUNDENƐ 8:6

Mbɛ maeka wɔnfea chɛ nu, buu wɔnfea chɛ ɛ miin boo ɔ, an‑na an ma bɛn an fɛ koe a.

KO Ɔ NUNDENƐ 9:20

Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.