KO Ɔ NUNDENƐ 13:3 - Yataa 'a Dɔbɛnɛ Nama

³ Mbɛ n‑na a yen, an soe yama chɛ kunɛ dɔndɔɛ, tɛɛ paa wa dɛgbɛ ɛ wan a ma, tɛɛ min, mɔ ɔ mɔ ee dan a a, mbɛ a ni baun fan. Dunya gbɛɛ da ɔ gbaa‑a wan chɛ a, mbɛ an bea‑a a fɛ.

KO Ɔ NUNDENƐ 13:3 Iomraidhean Croise

DUKU 2:1

A tima chɛ a, Domi kun ti wa ni wan nɔ, min tɔ ni Ɔkɔsɔsi. An ni mansa a Domi chɛnyɛ wa kun ma. A na‑a sawa a ben fan, mbɛ mɔɛ miin gbɛɛ mbe a 'a gbasaya kɔɔ, an ni an tɔɛ n be an dan koe a.

CHƆN 12:19

Mbɛ Fayisii chɛ nu, an bun‑da a fɔ‑a an nyɔn tɛ ɔ, an dɔ, “Wo‑a a yen, ko ɔ ko ee bɔ tena ɔ mmɔ boo ɔ. Wo ko bonda chɛ yen bɛ, dunya gbɛɛ ɛ a sɔ tena gbɛ a wan fɛ.”

CHISƆSI 'A SƆ MƆƐ NU 8:13

Saimɔn wandi gbu wɛɛ, a tima chɛ a, a‑a a kai fa wan Chisɔsi a. Yii chɛ‑a wan a kunɛ ɔ, Yataa chia a, a sin, a nii ma ka ni to Fiipi fɛ. A da ɔ na‑a gbaa wan, a na‑a kamaya ko wa sɛsɛ chɛ n dɔ yen kɛn, Fiipi ni miin ma tena. An koe chɛ n sin ni a ɔ yian tena wan, mbɛ a 'a sakana bai chɛ ka‑a Yataa an tena.

KO Ɔ NUNDENƐ 13:12

A‑a gbasaya gbɛɛ a tachɛ wan, min ni soe yama chɛ boo ɔ, paa wa chɛ ɛ ka min kunɛ ɔ. A ya kɔɔɛ ma, a‑a a 'a gbasaya din fan dunya ma, mɔɛ gbɛɛ ma miin mbe dunya ma, an ni soe yama saa chɛ fai.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 17:10

An mu to mansa wɔnfea an fan na. An mɔ duu nii to fɔɛ ɔ, dɔndɔɛ ɛ tun mansaya ɔ, a dankama sin ma na nin bɛ mansaya ɔ. A sin ni a na‑a, ɛ ma‑a mansaya ɔ tima kundu ɛnden fan ko a dechee.

KO Ɔ NUNDENƐ 17:11

Soe yama chɛ tana, min ni fɔɛ ɔ, chɛɛ a ee to fɔɛ ɔ, a sin fan mu to mansa sɛin bɔɛ a. A sin to, ɛ bɔ‑a mansa wɔnfea chɛ n fan tɛ ɔ, chɛɛ a wɛɛ ɛ kasaa‑a wan.”

KO Ɔ NUNDENƐ 17:13

An mansa tan chɛ n gbɛɛ yiima ni dɔndɔ gbe, an sin gbɛɛ kuiɛ bɛn‑da wan kaina dɔndɔɛ, mbɛ an 'na mansaya gbasaya gbɛɛ, an‑na a be soe yama chɛ ma.

KO Ɔ NUNDENƐ 17:17

Koe min na mu, Yataa an‑na a chɛ an faa ɔ, an yiima bɛn‑da kaina dɔndɔ, kuiɛ dɔndɔɛ ɔ, an ni an 'na mansaya be soe yama chɛ ma. Yataa faa ma koe ni a a, an ni ma soe yama chɛ kɔɔ, aan Yataa 'a dɔbɛnɛ gbɛɛ kunɛ a ni bia chɛndɛ chɛ.

KO Ɔ NUNDENƐ 17:6

Mbɛ n‑na a ɔ yen, mbɛ musu chɛ gbɛ tɔɛ ni, mɔɛ chɛ n wii a, Yataa 'a mɔɛ chɛ nu, an na‑a miin fa, bea koe a Chisɔsi fɛ. N‑na a yen kɛn, n da ɔ gbaa‑a wan.

KO Ɔ NUNDENƐ 17:8

I na‑a soe yama min yen ka sunɛ, a ni wan fɔɛ ɔ, chɛɛ a fa‑a gbɛ. A ɛ na tena wan bɔ‑a to, a ka son dɔ yiien ba chɛ ɔ, min danka ee ka. A sin, ɛ ta‑a wan kaina chɛ, Yataa ɛ a kasaa kaina min. Dunya chɛ ma mɔɛ nu, Yataa nii ma miin tɔɛ nyɛn ni a 'a gboo ɔ, an gbɛɛ, an da ɔ gbaa‑a wan, an mbe ma‑a soe yama chɛ ma fɛn‑da. A 'a gboo chɛ, mɔɛ miin mbe kuɔ fɔ fɔɛ ma sɔn‑da, a na‑a an tɔɛ nyɛn min dɔ, a e na dunya a dan. Soe chɛ ni wan tee fɔɛ ɔ, a ee sanche fɔɛ ɔ, chɛɛ ɛ yɛ‑a wan to fɔɛ ɔ.”