KO Ɔ NUNDENƐ 13:1 - Yataa 'a Dɔbɛnɛ Nama

¹ Mbɛ n‑na n ya a ta, n‑na soe wa yen, soe ma chianden ba, ɛ bɔ‑a yii ɔ. Chɛ nɛnɛ bena ni tan, a kunɛ ɛ wɔnfea. Mansa banfua an ni si ɔ a bena tan chɛ n kan kɔ kan na. A kun chɛ n sin gbɛɛ, tɔɛ nyɛnden fan ni an ma, tɔɛ miin ni mainɛ a Yataa tena.

KO Ɔ NUNDENƐ 13:1 Iomraidhean Croise

KO Ɔ NUNDENƐ 11:7

An mbe ban‑da kɛn Yataa 'a sakana bai chɛ sa‑a, soe ma chianden ba, ɛ bɔ‑a wan son chɛ ɔ, min danka ee ka, mbɛ a‑a chɛɛ bun an ma. Ɛ kun‑da wan an ma, mbɛ a‑a an fa.

KO Ɔ NUNDENƐ 12:3

Mbɛ n‑na kamaya koe wa dɔ mende ɔ yen to ma‑a banda bu ɔ. A yen ko, n‑na fɔɛ fen ba dɛgbɛ wa yen, yii ɔ fenɛ, min gboo bɔen mu fai gboo a. A yawaenɛ ni, a kunɛ ɛ wɔnfea, a bena n sin mbe tan. A kun wɔnfea chɛ n na, mansa banfua ma bɛndenɛ an ni si ɔ an gbɛɛ a.

KO Ɔ NUNDENƐ 13:11

Mbɛ n‑na soe yama dɔ gbɛɛ yen to, min nɛnɛ bɔ‑a duu gboo ɔ. A tana, a bena ni fea yɔ sa tɔngbɔɛ, chɛɛ a kuiɛ maen fan ni yɔ fɔɛ fen ma chianden ba koɔ kuiɛ.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 13:15

Soe yama fean bɔɛ chɛ, gbasaya be‑a wan a ma, a ni fɔɛ be fen chɛ ma, soe yama saa chɛ, a bɔ nyɔɛ chɛ, mɔɛ chɛ n‑na min nyan ka. Chɛ‑a a ma wan, a ni koɛ chɛ, ɛ a ma wan, mɔ ɔ mɔ min nii soe yama chɛ fai, an ni a fa.

KO Ɔ NUNDENƐ 15:2

A yɛ to, mbɛ n‑na yii wa yen, a maenɛ ɛ yɔ mɛmɛ, a basan ta manɛ a. N‑na mɔɛ chɛ n bɛɛ yen fan, soe yama wa chɛ nii ma kun ni miin ma. Mɔɛ chɛ nu, fenɛ min bɔen ni an soe chɛ a, a ma kun ni mɔɛ miin ma, an sin nii ma nɔmba ya ni an soe chɛ tɔɛ ɔ. An mɔɛ chɛ n ni sɔ ɔ yii mia mia chɛ an kaa a, kɔninka min Yataa‑a a be an ma, ɛ an boo a.

KO Ɔ NUNDENƐ 16:13

Mbɛ n‑na a ɔ yen, nyina yama sawa, miin ni yɔ tui gbɔfɔɛ nu, an bɔ‑a. Dɔndɔ bɔ‑a fɔɛ fen ma chiandenɛ chɛ an da ɔ. Mbɛ dɔndɔɛ bɔ‑a soe yama wa chɛ da ɔ. A sawan bɔɛ chɛ sin bɔ‑a fania fɔ mɔɛ chɛ an da ɔ, min ni a wandi ya Yataa 'a gbonka chɛ mɔɛ a.

KO Ɔ NUNDENƐ 17:16

I na‑a bena tanɛ miin sin yen, an bɛ soe yama chɛ a, duu dia chɛ wakoe ɛ don‑da wan an ma. An mbe fen kɔ fen bɔ‑a wan a boo ɔ, an ni a ma senɛ to. An mbe a gboo daun‑da wan, mbɛ an‑na ta ya, mbɛ an‑na a minda.

KO Ɔ NUNDENƐ 17:3

Mbɛ Yataa Nyina bea‑a n fɛ gban, mbɛ maeka chɛ ta‑a n na fuinɛ ma. Nɔ ni, mbɛ n‑na musu yen si ɔ soe yawa kun ma, soe yama wa. An soe chɛ gboo gbɛɛ ma, Yataa main bai n dechee an nyɛnden ni a ma. A kunɛ ni wɔnfea, a bena n sin ni tan.

KO Ɔ NUNDENƐ 17:5

Musu chɛ ya kɔɔɛ ma, tɔɛ nyɛnden fan ni nɔ, min fasai nunden ni. Chɛ an nyɛnden ni a ma, a ɔ, “Babidon duu wa chɛ, an mu duu dia n gbɛɛ de a, mɔɛ chɛ n gbɛɛ, miin mbe ko yama kan kɔ kan ma.”

KO Ɔ NUNDENƐ 19:19

Mbɛ n‑na soe yama wa chɛ yen, an bɛ dunya ma mansa n na. An 'na soya mɔɛ n na sɔnden fan ni gbɛ, chɛɛ bun koe a mɔɛ chɛ ma, min ni si ɔ soo chɛ kun ma, an bɛ a ta soya n na.