KO Ɔ NUNDENƐ 12:4 - Yataa 'a Dɔbɛnɛ Nama

⁴ Tɔmbuaka chɛ nu, miin ni banda a, ni an du‑a sawa a, a fɛ‑a si tena dɔndɔɛ fian fan, a‑a an bondan duu gboo ma. Fɔɛ fen ma chianden chɛ sɔ‑a wan musu chɛ ya kɔɔ, a ma bɛndenɛ ɛ a 'a den chɛ kanun koe a, ni a‑a a suun dechee.

KO Ɔ NUNDENƐ 12:4 Iomraidhean Croise

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

KO Ɔ NUNDENƐ 12:7

Mbɛ chɛɛ bea‑a gbɛ banda bu ɔ. Maeka chɛ n 'na mansa dɔndɔ, min tɔ ni Maikɛɛ, an bɛ a bɔɛ n na, miin ni a kɔɔ, an‑na chɛɛ bun fɔɛ fen ba chɛ ma. Fɔɛ fen chɛ wɛɛ, an bɛ a 'a maeka n na, an‑na an kun si an na.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:2

N na‑a soe min yen ka, a bɔen ni kui an na. Chɛɛ a chenɛ ni wan yɔ nyima soe dɔ mende, a nyɛnsenɛ n bɔenɛ a sa n dɔ, a da sin yɔ yaa da. Mbɛ fɔɛ fenɛ ma chianden ba saa chɛ, a‑a a 'a sɔ tena dɔ be soe yama nama chɛ ma, a basan a 'a mansaya gbasaya wa dɔ a dunya ma.

KO Ɔ NUNDENƐ 13:4

Mbɛ an‑na fɔɛ fen yama chɛ fai yɔ Yataa, min‑na a 'a gbasaya dɔ be ka a bɔɛ chɛ ma. Gbasaya chɛ be‑a ka soe yama min bɛɛ ma, an‑na a wɛɛ fai wan, an dɔ, “Mɔ ɔ mɔ ma gbasa, a ni che i ɔ. Mɔ ɔ mɔ ee che kun‑da i ma butuinɛ ɔ.”

KO Ɔ NUNDENƐ 16:13

Mbɛ n‑na a ɔ yen, nyina yama sawa, miin ni yɔ tui gbɔfɔɛ nu, an bɔ‑a. Dɔndɔ bɔ‑a fɔɛ fen ma chiandenɛ chɛ an da ɔ. Mbɛ dɔndɔɛ bɔ‑a soe yama wa chɛ da ɔ. A sawan bɔɛ chɛ sin bɔ‑a fania fɔ mɔɛ chɛ an da ɔ, min ni a wandi ya Yataa 'a gbonka chɛ mɔɛ a.

KO Ɔ NUNDENƐ 17:18

“Musu chɛ sin, duu dia chɛ, i na‑a min yen, a mu duu wa chɛ an na, duu gbasayaen ba chɛ, dunya mansa n gbɛɛ, an mbe min kɔɔ.”

KO Ɔ NUNDENƐ 20:2

Mbɛ a‑a fɔɛ fen chɛ bia gban, fɔɛ fen ma chianden ba chɛ. An fɔɛ fen chɛ mu ka kɔkɔ wa chɛ an na, nyina yama n 'na mansa chɛ, min tɔ mu Sitana. Mbɛ maeka chɛ‑a a chii fɔin kundu yɔɔɛ chɛ a, san wu dɔndɔ (1,000) ko a.

KO Ɔ NUNDENƐ 8:10

Maeka sawan bɔɛ‑a a ta buu fɛ. Mbɛ tɔmbuaka wa bea‑a a ka banda a, ɛ man‑da yɔ sanku. Mbɛ a bea‑a yii si tena dɔndɔ ɔ, ni a du‑a si tena sawa a.

KO Ɔ NUNDENƐ 8:11

Tɔmbuaka chɛ tɔ mu koee. A sin, min yii si tena dɔndɔɛ, ni a du‑a sawa a, a kona‑a wan. Mɔ sɛsɛ n fa‑a wan yii chɛ boo ɔ, koe min na mu, a ni kona a min koe a.

KO Ɔ NUNDENƐ 8:12

Mbɛ maeka naanin bɔɛ‑a a ta buu fɛ. Tee ni ma, kau, a basan tɔmbuaka n na, an gbɛɛ ma‑a dama. Chɛ‑a a ma wan, an ma manɛ be ni tima ɛnden ko a. Ni tee du‑a si tena sawa a, tee nii ma bɔ ni si tena dɔndɔ ko a. Ni pimbi wɛɛ du‑a si tena sawa a, kau basan tɔmbuaka n na, an ma manɛ be ni si tena dɔndɔ ko a.

KO Ɔ NUNDENƐ 8:7

Maeka saa‑a a ta buu fɛ kɛn, mbɛ ko sɛsɛ ma‑a. Sankɔɛ bɔn‑da wan, ni ta basan wii a dunya chɛ ma. Ni dunya chɛ du‑a si tena sawa a, a si tena dɔndɔɛ minda‑a wan. Kɔnɛ n bɛɛ si tena dɔndɔ minda‑a wan, a basan chin fen kan kɔ kan na.

KO Ɔ NUNDENƐ 8:8

Mbɛ maeka fean bɔɛ wɛɛ, a‑a a ta buu fɛ. Mbɛ fenɛ, yɔ kɔnkɔ wa dɛgbɛ, ta sonko sɔenɛ ɛ a ma, a a dɛ‑a kɔ yii ɔ. Kɔ yii chɛ, ni a du‑a si tena sawa a, a si tena dɔndɔɛ wɛɛ fan‑da wan wii a.

KO Ɔ NUNDENƐ 8:9

A yɛ to, fɔɛ fenɛ n gbɛɛ kɔ yii chɛ ɔ, ni an du‑a si tena sawa a, an si tena dɔndɔ fa‑a wan. Dɛndɛ wa n bɛɛ, ni an du‑a si tena sawa a, an si tena dɔndɔ yɔn‑da wan.

KO Ɔ NUNDENƐ 9:10

An fɛ bɔen fan ni yɔ chinchima nu, an sin ni bonɛ chɛ wan. An fɛ bonda chɛ sin fan‑na gbasaya be an ma, mɔɛ n tɔɔya koe a kau duu ko a.

KO Ɔ NUNDENƐ 9:19

Soo chɛ nu, an ni mɔɛ fa gbasaya min na, a nii an da dechee ɔ, a ni wan an fɛ wɛɛ ɔ. An fɛ da ni wan a sunɛ a, yɔ ka, an sin ni mɔɛ n nimisa an na.