KO Ɔ NUNDENƐ 12:3 - Yataa 'a Dɔbɛnɛ Nama

³ Mbɛ n‑na kamaya koe wa dɔ mende ɔ yen to ma‑a banda bu ɔ. A yen ko, n‑na fɔɛ fen ba dɛgbɛ wa yen, yii ɔ fenɛ, min gboo bɔen mu fai gboo a. A yawaenɛ ni, a kunɛ ɛ wɔnfea, a bena n sin mbe tan. A kun wɔnfea chɛ n na, mansa banfua ma bɛndenɛ an ni si ɔ an gbɛɛ a.

KO Ɔ NUNDENƐ 12:3 Iomraidhean Croise

KO Ɔ NUNDENƐ 12:1

Mbɛ n‑na kamaya koe wa ɔ yen, ɛ ma‑a banda bu ɔ. N‑na musu yen, tee chɛndɛ chɛndɛ ni min ma koa a, a sin, a ni a chenɛ ɔ suin tena kau an ma. Mansa banfua ni wan a kun na, tɔmbuaka tan kun ma fean ni min ma.

KO Ɔ NUNDENƐ 12:13

Fɔɛ fen ma chianden ba chɛ, a‑a a ɔ yen kɛn mbɛ an‑na a a bea dunya ɔ, a faa gbandia‑a. Mbɛ a‑a a ma bɛn, a bun‑da a sɔ‑a musu chɛ fɛ, musu min na‑a den kaien chɛ suun ka.

KO Ɔ NUNDENƐ 12:17

Chɛ‑a a ma wan, fɔɛ fen ma chianden chɛ faa gbandia‑a kaka, musu chɛ boo ɔ. Mbɛ a‑a a kun sɔ gbɛ musu chɛ cheeya n na, a‑a chɛɛ bun an ma. Cheeya chɛ nu, an mu mɔɛ chɛ n fan na, miin mbe Yataa da a kuiɛ ma, an sin, an kai faen fan mu tea chɛ a, min ka‑a Chisɔsi tena.

KO Ɔ NUNDENƐ 12:4

Tɔmbuaka chɛ nu, miin ni banda a, ni an du‑a sawa a, a fɛ‑a si tena dɔndɔɛ fian fan, a‑a an bondan duu gboo ma. Fɔɛ fen ma chianden chɛ sɔ‑a wan musu chɛ ya kɔɔ, a ma bɛndenɛ ɛ a 'a den chɛ kanun koe a, ni a‑a a suun dechee.

KO Ɔ NUNDENƐ 12:7

Mbɛ chɛɛ bea‑a gbɛ banda bu ɔ. Maeka chɛ n 'na mansa dɔndɔ, min tɔ ni Maikɛɛ, an bɛ a bɔɛ n na, miin ni a kɔɔ, an‑na chɛɛ bun fɔɛ fen ba chɛ ma. Fɔɛ fen chɛ wɛɛ, an bɛ a 'a maeka n na, an‑na an kun si an na.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:1

Mbɛ n‑na n ya a ta, n‑na soe wa yen, soe ma chianden ba, ɛ bɔ‑a yii ɔ. Chɛ nɛnɛ bena ni tan, a kunɛ ɛ wɔnfea. Mansa banfua an ni si ɔ a bena tan chɛ n kan kɔ kan na. A kun chɛ n sin gbɛɛ, tɔɛ nyɛnden fan ni an ma, tɔɛ miin ni mainɛ a Yataa tena.

KO Ɔ NUNDENƐ 13:2

N na‑a soe min yen ka, a bɔen ni kui an na. Chɛɛ a chenɛ ni wan yɔ nyima soe dɔ mende, a nyɛnsenɛ n bɔenɛ a sa n dɔ, a da sin yɔ yaa da. Mbɛ fɔɛ fenɛ ma chianden ba saa chɛ, a‑a a 'a sɔ tena dɔ be soe yama nama chɛ ma, a basan a 'a mansaya gbasaya wa dɔ a dunya ma.

KO Ɔ NUNDENƐ 13:4

Mbɛ an‑na fɔɛ fen yama chɛ fai yɔ Yataa, min‑na a 'a gbasaya dɔ be ka a bɔɛ chɛ ma. Gbasaya chɛ be‑a ka soe yama min bɛɛ ma, an‑na a wɛɛ fai wan, an dɔ, “Mɔ ɔ mɔ ma gbasa, a ni che i ɔ. Mɔ ɔ mɔ ee che kun‑da i ma butuinɛ ɔ.”

KO Ɔ NUNDENƐ 15:1

Mbɛ n‑na kamaya koe dɔ mende ɔ yen to ma‑a banda bu ɔ. Koe chenama wa ni, min mbe mɔ da ɔ gbaa. Maeka wɔnfea, an ni wan nɔ, kasaa si tena wɔnfea ni miin boo ɔ. Chɛ n mu kasaa dankama n fan na, koe min na mu, Yataa 'a faatɛ ɛ danka‑a an fan ma.

KO Ɔ NUNDENƐ 16:13

Mbɛ n‑na a ɔ yen, nyina yama sawa, miin ni yɔ tui gbɔfɔɛ nu, an bɔ‑a. Dɔndɔ bɔ‑a fɔɛ fen ma chiandenɛ chɛ an da ɔ. Mbɛ dɔndɔɛ bɔ‑a soe yama wa chɛ da ɔ. A sawan bɔɛ chɛ sin bɔ‑a fania fɔ mɔɛ chɛ an da ɔ, min ni a wandi ya Yataa 'a gbonka chɛ mɔɛ a.

KO Ɔ NUNDENƐ 17:12

A ɔ, “Bena tan chɛ n sin, i na‑a miin yen ka, mansa tanɛ n fan nɛ, miin ma si nin bɛ an 'na mansaya ɔ. Chɛɛ an mbe gbasaya ma sɔn‑da wan, mansaya wai chɛ koe a yɔ mansa nu, awa dɔndɔ gbe ko a, an bɛ soe yama chɛ a.

KO Ɔ NUNDENƐ 17:16

I na‑a bena tanɛ miin sin yen, an bɛ soe yama chɛ a, duu dia chɛ wakoe ɛ don‑da wan an ma. An mbe fen kɔ fen bɔ‑a wan a boo ɔ, an ni a ma senɛ to. An mbe a gboo daun‑da wan, mbɛ an‑na ta ya, mbɛ an‑na a minda.

KO Ɔ NUNDENƐ 17:7

Chɛɛ maeka chɛ ɔ te n ma, a ɔ, “I da ɔ ma gbaa. N mbe koɔ nunden chɛ ɔ yian‑da wan i a, a si musu chɛ ma. N mbe a ɔ yian‑da wan i a, a si soe yama chɛ wɛɛ ma, ɛ ka si ɔ min kun ma, soe min kunɛ ɛ ka wɔnfea, a bena sin mbe tan.

KO Ɔ NUNDENƐ 19:12

A ya ni wan yɔ ta sanku manɛ, a kunɛ sin na, mansa banfua sɛsɛ an ni si ɔ a a. A gboo wɛɛ ma, tɔɛ nyɛnden fan ni a ma, mɔ ɔ mɔ ma min sɔn, fɔ a dɔndɔ gbe dechee.

KO Ɔ NUNDENƐ 20:2

Mbɛ a‑a fɔɛ fen chɛ bia gban, fɔɛ fen ma chianden ba chɛ. An fɔɛ fen chɛ mu ka kɔkɔ wa chɛ an na, nyina yama n 'na mansa chɛ, min tɔ mu Sitana. Mbɛ maeka chɛ‑a a chii fɔin kundu yɔɔɛ chɛ a, san wu dɔndɔ (1,000) ko a.