KO Ɔ NUNDENƐ 11:8 - Yataa 'a Dɔbɛnɛ Nama

⁸ A sin, an su n mbe ma‑a wan sa ɔ, dani wa dɔndɔ ma, duu wa chɛ ɔ. Duu wa chɛ, an 'na mansa, mɔɛ n na‑a a gbangban kaina min kɔn gbengbandenɛ ma. Mɔɛ n mbe duu wa chɛ chee‑a wan, yiima dɔ mende ɔ, an dɔ, Sɔdɔn, an ni a chee, an dɔ, Ichipi.

KO Ɔ NUNDENƐ 11:8 Iomraidhean Croise

MATIU 10:15

N ni a ma din wo tena, mɔ yama chɛ nu suun Sɔdɔn duu ɔ, an fea Komoa a, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

CHISƆSI 'A SƆ MƆƐ NU 9:4

A bea‑a wan duu ma, mbɛ a‑a mɔɛ kuiɛ a min, a ɔ, “Sɔɔ, Sɔɔ, fen mu e ko ma gbaaenɛ sa tena ka n ma?”

GBOO IBU MƆƐ N KO A 13:12

Chɛ an fɛ mu, Chisɔsi wɛɛ nii ma fa ni duu wa chɛ bu ɔ wan. An bɔ‑a wan a a, mbɛ an‑na a fa. Chɛ ma‑a, a 'a mɔɛ n ni ma tenchen Yataa ko a, a wii chɛ 'a gbasaya ɔ.

2 PITA 2:6

Yataa na‑a kaa a tɛ wan mɔɛ chɛ n ba koe ma, a‑a an tɔɔya, mɔɛ miin ni Sɔdɔn an fea Komoa duu wa chɛ n dɔ. A na‑a an kasaa wan ta a. A na‑a an ma wan tɔmɔsi a, a si koe min mbe na‑a ma‑a mɔɛ chɛ n na, Yataa sɔn bai chɛ nu.

CHUDA 1:7

Sɔdɔn fea Komoa an bɛɛ mu to dɔndɔ an na. Duu wa fea chɛ nu, a basan konko mɛsɛ n na an 'na tindanɛ, an‑na ko yama sɛsɛ tɛ wan, an‑na Yataa 'a sawa sɛsɛ ka a chia ma. An 'na tɔɔya tana, a mu tɔmɔsi an na mɔɛ chɛ n tena, miin mbe na‑a ma‑a ta ɔ, kuɔ fɔ ko a.

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 11:9

Mɔɛ n mbe na‑a wan, a bɔ chɛnyɛ kun kan kɔ kan dɔ, chɛnyɛ koɛ kan kɔ kan, dambi kan kɔ kan, ni mɔ gbu kan kɔ kan. An mbe na‑a wan, an ni an su chɛ n yen. A sin, an mbe ee dɔn‑da mɔ ɔ mɔ ni an su chɛ n ya, a ni an tɔn. An mbe chɛ ma‑a wan, tee sawa ni a tɔɛ ko a.

KO Ɔ NUNDENƐ 14:20

An‑na a ma tɛn tɛn fan bondonɛ chɛ ɔ, duu wa chɛ tanda ɔ. A sin, wii wasa sa‑a wan, a bɔ bondon chɛ ɔ. Wii chɛ ta‑a wan aan mai chɛmɛ fea (200) nyɔn dɔ, a sin dɔ yiien ni. Soo gbugbu ni tunɛ wan a ɔ.

KO Ɔ NUNDENƐ 14:8

Maeka dɔ mende, a fean bɔɛ gbɛ, a na‑a a saa chɛ gbaa chia a. Mbɛ a ɔ, “A teen fan mu, Babidon duu wa chɛ teen fan mu. Duu chɛ, min‑na a ma mɔɛ gbɛɛ dunya ɔ, an‑na a 'a gbɛ yama chɛ min, min mbe yiinachii yama ma munda, a bɛbɛɛ ko tɛ.”

KO Ɔ NUNDENƐ 16:19

Mbɛ Babidon duu wa chɛ, a tɛka‑a sawa a, duu gboo chɛ sambaenɛ gbakɔ. Duu wa tɔɛ chɛ n gbɛɛ dunya ma, an bɛɛ yɔn‑da wan. Yataa nii ma nyina ni Babidon duu yama wa chɛ ma. Chɛ an fɛ mu, a‑a a gbɛ tɔmbua chɛ din nɔ mɔɛ n ma, gbɛ min‑na a 'a faatɛ dankama yian.

KO Ɔ NUNDENƐ 17:1

Mbɛ maeka wɔnfea chɛ n dɔndɔ, miin‑na pani chɛ n dɔ wuyan ka, a na‑a n tena, a ɔ, “Na wɛ, n ni a ɔ yian i a, duu dia wa chɛ, Yataa ɛ kaa a tɛ‑a buɛ min dɔ a wakoe ma.” A ɔ, “Duu dia chɛ mu duu wa chɛ an na, min sɔen mu ka yii sɛsɛ n kaa a.”

KO Ɔ NUNDENƐ 17:18

“Musu chɛ sin, duu dia chɛ, i na‑a min yen, a mu duu wa chɛ an na, duu gbasayaen ba chɛ, dunya mansa n gbɛɛ, an mbe min kɔɔ.”

KO Ɔ NUNDENƐ 17:5

Musu chɛ ya kɔɔɛ ma, tɔɛ nyɛnden fan ni nɔ, min fasai nunden ni. Chɛ an nyɛnden ni a ma, a ɔ, “Babidon duu wa chɛ, an mu duu dia n gbɛɛ de a, mɔɛ chɛ n gbɛɛ, miin mbe ko yama kan kɔ kan ma.”

KO Ɔ NUNDENƐ 18:10

An mbe sɔ‑a wan pɔɔ, an mbe chian‑da, an ma na tɔɔya chɛ ɔ bia, ɛ min dɔ. An mbe a fɔ‑a wan, an dɔ, “Kasaa ma chianden mu gba, kasaa ma chianden mu gba, i duu wa gbasayaen ba chɛ ko a. I wan Babidon duu chɛ, awa dɔndɔ gbe kɔɔ ka, i tɔɔ‑a ka.”

KO Ɔ NUNDENƐ 18:18

An‑na sisi yen kɛn bɔ‑a, an‑na yee tɛ wan gbankon, an dɔ, “Duu wa ma ben nin bɛ duu chɛ ma.”

KO Ɔ NUNDENƐ 18:2

Mbɛ maeka chɛ‑a chee chɛ gbankon, a ɔ, “A teen fan mu, Babidon duu wa chɛ teen fan mu. A ma‑a gbɛ nyina yama n baa a, nyina yama kan kɔ kan bɛn tena, konde yama n gbɛɛ waa a.

KO Ɔ NUNDENƐ 18:21

Chɛ gbakɔ, maeka dɔndɔ min ni gbasa, a‑a sen gbugbu wa ya, mbɛ a‑a a a dɛ kɔ yii ɔ, a ɔ, “Babidon duu wa chɛ, ɛ kasaa‑a ka wan gbasaya ɔ. Ɛ ma‑a duu wa tombo an na kuɔ fɔ.

KO Ɔ NUNDENƐ 18:24

Yataa 'a mɔɛ n wii, a 'a gbonka chɛ mɔɛ n wii, a bɔn‑da nɔ, a sin‑na duu chɛ kasaa. An‑na mɔɛ miin gbɛɛ fa dunya ma, a boo ni wan an dɔ.