KO Ɔ NUNDENƐ 10:5 - Yataa 'a Dɔbɛnɛ Nama

⁵ Mbɛ n‑na maeka wa chɛ min yen ka sɔ ɔ kɔ yii ɔ, ni duu gboo ma, a‑a a boo nyima a si banda a.

KO Ɔ NUNDENƐ 10:5 Iomraidhean Croise

CHISƆSI 'A SƆ MƆƐ NU 14:15

“N bɔ nu, wo toen mu wo ni ko bonda chɛ ma, fen ko a? Nn bɛɛ, mɔ gbu mu nn na, yɔ wo e ka buɛ min dɔ. Nn mbe nɛ, sakana bai chɛndɛ chɛ ɔ yian koe a wo a, wo ni wo boo bɔ tataya ko bonda chɛ n dɔ. Wo ni wo ya a mun Yataa ma, min mbe ee fa kuɔ fɔ ko a. A wan‑na banda a dan, an fea duu gboo a, kɔ yii wɛɛ, a basan fen kɔ fen na, miin be an dɔ.

CHISƆSI 'A SƆ MƆƐ NU 17:23

Koe min na mu, n mbe ma ben ben‑da wo 'a duu chɛ ɔ, n mbe fenɛ n yen fan, wo e miin fai. A yɛ to, n‑na gbengbe yen fan, yasi bɔ koe a, a nyɛndenɛ ɛ min ma, a ɔ, ‘Yataa tena, nn ma min sɔn.’ An Yataa chɛ, wo e min fai ka, chɛɛ wo sin ma a sɔn, n mbe ka gbɛ an bakoe ɔ yian tena wo a.

GBOO DOMI KO A 1:20

A ka dunya a dan tima ma, mmɔ ee Yataa yen tena, chɛɛ mmɔ ɛ a 'a gbasaya a tinsɔn tena wan. A 'a gbasaya chɛ kuɔ fɔ ko a, a basan a 'a gbasaya a, fenɛ n gbɛɛ a dan koe a dunya ma. Chɛ an fɛ mu, bai ee ma‑a an da a, koe min‑na a ma, an ma Yataa sɔn ni.

GBOO IBU MƆƐ N KO A 6:13

Chɛ wɛɛ yen ko. Tima min na Yataa na‑a tooɔdia chɛ Ebeami a, a nii ma a kai ni fen dɔ mende ɔ, fɔ a wandi. Koe min na mu, fen dɔ mende kan kɔ kan mbe ee nɔ, a ben a wandi ma.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 10:2

Gboo nyɛndenɛ ni wan a boo a, min nii ma koo, a ɔ fuindenɛ ɛ. Mbɛ a‑a a boo nyima ɔ chenɛ sɔ kɔ yii ɔ, a man dɔ chenɛ sin to‑a sɔ ɔ duu gboo ma.

KO Ɔ NUNDENƐ 14:7

A sin‑na a fɔ wan gbankon, a ɔ, “Wo chian Yataa ma, wo ni basɔmaya be a ma. Koe min na mu, tima che‑a, ɛ kaa a tɛ‑a mɔ ɔ mɔ wakoe ma tima min na dunya ɔ. Wo a fai, min‑na banda bu ɔ a dan, a basan dunya gbɛɛ a, kɔ yii gbɛɛ, a basan yii mɛsɛ mɛsɛ n gbɛɛ a.”

KO Ɔ NUNDENƐ 16:17

Mbɛ maeka wɔnfean bɔɛ sin, a‑a a ta pani a fasi wan, mbɛ fia ta‑a a a. Mbɛ kuiɛ wa a min‑da gbankon, a ka Yataa 'a chenɛ a banda bu ɔ, mansa sea chɛ tena, a ɔ, “Ko ɔ ko ban‑da.”

KO Ɔ NUNDENƐ 4:11

“Nn 'na mansa, nn 'na Yataa, tando bɛnden mu i wan ma, basɔmaya bɛnden mu i ma, a basan gbasaya a. I wan‑na fen fen nyan, i 'a yiinachii, an‑na a ma, an gbɛɛ nyan‑da.”

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.