KO Ɔ NUNDENƐ 10:3 - Yataa 'a Dɔbɛnɛ Nama

³ Mbɛ a‑a yee wa tɛ, yɔ yaa ɛ ma dau‑a. Mbɛ a‑a yee chɛ tɛ kɛn, banda koɔ‑a gba wɔnfea.

KO Ɔ NUNDENƐ 10:3 Iomraidhean Croise

KO Ɔ NUNDENƐ 14:2

Mbɛ n‑na mɔɛ kuiɛ a min, a ka banda bu ɔ, kuiɛ gbankon ba yɔ yii tu kuiɛ, ni chɛ ma, banda tu kuiɛ. Kuiɛ chɛ bɔ‑a wan, yɔ kɔninka gbasi mɔɛ ɛ ma a boo a tɔmbɔ‑a a yuu a.

KO Ɔ NUNDENƐ 15:1

Mbɛ n‑na kamaya koe dɔ mende ɔ yen to ma‑a banda bu ɔ. Koe chenama wa ni, min mbe mɔ da ɔ gbaa. Maeka wɔnfea, an ni wan nɔ, kasaa si tena wɔnfea ni miin boo ɔ. Chɛ n mu kasaa dankama n fan na, koe min na mu, Yataa 'a faatɛ ɛ danka‑a an fan ma.

KO Ɔ NUNDENƐ 15:7

Mbɛ fɔɛ fen naanin chɛ n dɔndɔ, a‑a sanu pani wɔnfea an be maeka wɔnfea chɛ n ma. Pani chɛ n na faen ni Yataa 'a faatɛ an na, a wɛn mbe ee fa kuɔ fɔ ni kuɔ fɔ ko a.

KO Ɔ NUNDENƐ 4:5

Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.

KO Ɔ NUNDENƐ 8:5

Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.