KO Ɔ NUNDENƐ 10:11 - Yataa 'a Dɔbɛnɛ Nama

¹¹ Mbɛ n‑na kuiɛ dɔ n na min, an dɔ, “Chɛnyɛ kun kan kɔ kan, chɛnyɛ koɛ kan kɔ kan, mɔ gbu kan kɔ kan, a basan an 'na mansa wa n gbɛɛ a dunya ɔ, Yataa 'a sakana bai ɔ yian, a si an gbɛɛ ma.”

KO Ɔ NUNDENƐ 10:11 Iomraidhean Croise

KO Ɔ NUNDENƐ 10:10

Mbɛ gboo nyɛnden chɛ, min nii ma koo, n‑na a bia a boo ɔ, mbɛ n‑na a daun. A ni chinchi n da ɔ yɔ kuminɛ, chɛɛ a kona‑a wan n bu ɔ.

KO Ɔ NUNDENƐ 11:1

Chɛ gbakɔ, mɔɛ‑a kɔn denɛ be wan n ma, a yansama yɔ fen siman fenɛ. Mbɛ Yataa‑a n sɔ, a ɔ, “Ta n 'na chenɛ a, i ni a siman, a basan a ɔ gbengbe a, mbɛ i yɛ‑a, i‑a mɔɛ chɛ n dan, miin mbe nɔ n fai‑a.”

KO Ɔ NUNDENƐ 11:9

Mɔɛ n mbe na‑a wan, a bɔ chɛnyɛ kun kan kɔ kan dɔ, chɛnyɛ koɛ kan kɔ kan, dambi kan kɔ kan, ni mɔ gbu kan kɔ kan. An mbe na‑a wan, an ni an su chɛ n yen. A sin, an mbe ee dɔn‑da mɔ ɔ mɔ ni an su chɛ n ya, a ni an tɔn. An mbe chɛ ma‑a wan, tee sawa ni a tɔɛ ko a.

KO Ɔ NUNDENƐ 14:6

Mbɛ n‑na maeka dɔ mende yen, ɛ ben‑da banda a yɔ konde. Sakana bai chɛndɛ ɛ a boo ɔ, sakana min mbe ee tui kuɔ fɔ. Ɛ a boo ɔ, mɔɛ n gbɛɛ ko a dunya ma. Chɛ n ko a chɛnyɛ kunɛ kan kɔ kan dɔ, chɛnyɛ koɛ n dɔ, dambi n dɔ, ni mɔ gbu kan kɔ kan ko a.

KO Ɔ NUNDENƐ 17:10

An mu to mansa wɔnfea an fan na. An mɔ duu nii to fɔɛ ɔ, dɔndɔɛ ɛ tun mansaya ɔ, a dankama sin ma na nin bɛ mansaya ɔ. A sin ni a na‑a, ɛ ma‑a mansaya ɔ tima kundu ɛnden fan ko a dechee.

KO Ɔ NUNDENƐ 17:12

A ɔ, “Bena tan chɛ n sin, i na‑a miin yen ka, mansa tanɛ n fan nɛ, miin ma si nin bɛ an 'na mansaya ɔ. Chɛɛ an mbe gbasaya ma sɔn‑da wan, mansaya wai chɛ koe a yɔ mansa nu, awa dɔndɔ gbe ko a, an bɛ soe yama chɛ a.

KO Ɔ NUNDENƐ 17:15

Mbɛ maeka chɛ a ɔ te n ma, a ɔ, “I na‑a yii miin sin yen ka, duu dia chɛ ni ka si ɔ miin kaa a, an mu mɔ gbu n fan na, mɔ fanka nu, chɛnyɛ kunɛ nu, a basan chɛnyɛ koɛ n na.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.