KO Ɔ NUNDENƐ 10:1 - Yataa 'a Dɔbɛnɛ Nama

¹ Chɛ gbakɔ, mbɛ n‑na maeka dɔ mende yen yii‑a, a ka banda bu ɔ, min ni gbasa. A ma koa ni dugbu an na, ninkinankantuu tindandenɛ ɛ a kunɛ a. A ya kɔɔɛ ni man tena wan yɔ tee, a chenɛ n sin ni wan yɔ ta sanku manɛ.

KO Ɔ NUNDENƐ 10:1 Iomraidhean Croise

MATIU 17:2

An ya to‑a wan Chisɔsi a, mbɛ a ya kɔɔɛ bun‑da man‑da yɔ tee, mbɛ a ma doma gbɛ‑a fo fo, ɛ ta‑a man‑da taun a ben doma kan kɔ kan ma. Chisɔsi ma fan‑da ka wan.

DUKU 21:27

Mbɛ an mbe n yen‑da wan, n fan, Mɔ Gbu 'a Denɛ, n mbe ma‑a na‑a gbasaya wa ɔ dugbu ɔ. A yɛ to, n mbe ma‑a wan man‑da Yataa 'a manɛ a.

CHISƆSI 'A SƆ MƆƐ NU 26:13

Mansa Akipa, n ni Damasikɔsi chia chɛ ma wan, tee dɔndɔ a, mbɛ tee che‑a kɛn kun tɛ, n‑na man ba yen, a‑a n na tindan, nn bɛ mɔɛ chɛ n na, nn ni ta tena tachɛ chɛ ɔ miin na. Man chɛ ka‑a banda a wan, min ni man tena taun, a ben tee ma.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.

KO Ɔ NUNDENƐ 18:1

An musu chɛ yendenɛ gbakɔ, mbɛ n‑na maeka dɔ mende yen to yii‑a, a ka banda bu ɔ. Gbasaya min ni a boo ɔ, a ni koo kaka. A sin, dunya gbɛɛ ɔ kaen fan ni wandaun, a 'a manɛ a.

KO Ɔ NUNDENƐ 18:21

Chɛ gbakɔ, maeka dɔndɔ min ni gbasa, a‑a sen gbugbu wa ya, mbɛ a‑a a a dɛ kɔ yii ɔ, a ɔ, “Babidon duu wa chɛ, ɛ kasaa‑a ka wan gbasaya ɔ. Ɛ ma‑a duu wa tombo an na kuɔ fɔ.

KO Ɔ NUNDENƐ 20:1

Chɛ gbɛɛ gbakɔ, mbɛ n‑na maeka dɔ mende yen yii‑a, a ka banda bu ɔ. Chi ɛ a boo a, son dɔ yansama wa chɛ, min danka ee ka, min mbe a da a ka. Kundu yɔɔɛ fankama wɛɛ, a ni wan a boo a.

KO Ɔ NUNDENƐ 4:3

Mɔɛ chɛ sin, min ni nɔ si ɔ, a ni man tena wan taun, yɔ dɛmunɛ, ni sen baa gbɛama a dɔ mende, min tɔ ni kanidian. Ninkinankantuu min ni man tena yɔ senɛ chɛ, puu mɔɛ n mbe min chee, an dɔ, ɛmɛyadi, an tindanden ni an mansa sea chɛ a.

KO Ɔ NUNDENƐ 5:2

Mbɛ n‑na maeka gbasaen ba yen, ɛ tisa chɛ‑a, a kuiɛ ma sɛenɛ a, a ɔ, “Gbasaya bɛnden mu nyɔn ma, yuu tɛ koe a gboo chɛ ma, a ni a a fuin?”

KO Ɔ NUNDENƐ 8:13

Mbɛ n‑na n ya a ta, n‑na kochɛ yen ben‑da banda a. Mbɛ a koɔ‑a gbankon, a ɔ, “Kasaa na‑a, kasaa na‑a, kasaa na‑a dunya ma mɔɛ n ko a. Kasaa chɛ ma ɛ chian‑da wan, buu tɔɛ chɛ nu, maeka sawa chɛ n boo a, an fɛenɛ ma.”