KO Ɔ NUNDENƐ 1:5 - Yataa 'a Dɔbɛnɛ Nama

⁵ A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 1:5 Iomraidhean Croise

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 13:34

A sin sanche, n yen ko sawa nama be‑a wo ma, n ma min be nin bɛ a kɔma a, mbɛ wo ni to wo nyɔn na. N to‑a buɛ min dɔ wo a, wo wɛɛ, wo to wo nyɔn na ka.

CHƆN 15:9

N toen fan mu wo a, yɔ Fa wɛɛ toen mu buɛ min dɔ n na. Wo ma wo kan kɔ sɔ n 'na koadia a.

CHƆN 18:37

Chɛ‑a a ma wan, Kɔfana Padeti ɔ, “E ka a fɔ an na gbɛ n ye, mbɛ mansa mu i a?” Mbɛ Chisɔsi ɔ, “I wan‑na a fɔ, i ɔ, mansa mu n na. N na‑a dunya chɛ ɔ, mbɛ n suun‑da mɔgbuya ɔ. Chɛ ma‑a, ko dɔndɔ gbe chɛ an ko a, tea ɔ yian koe a mɔɛ n na. A sin, mɔ ɔ mɔ min toen mu an tea chɛ a, ɛ a too ma sɔ wan n da a kuiɛ ma.”

CHƆN 3:11

N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 26:23

mbɛ mmɔ kun ka mansa ɛ mɔnɛ ɔ bia wan. A yɛ to, a wan mbe ma‑a mɔɛ saa saa a, min mbe a kɔɔ sɔ‑a, a ka saya ɔ. A sin, a wan mbe manɛ yian‑da Chu mɔɛ n na, an bɛ chɛ n na, miin ma Chu mɔ a.”

GBOO DOMI KO A 3:25

Yataa na‑a an be fa koe a mmɔ 'a ko yama n ko a. A 'a saya chɛ ni a ma, mɔ gbu ni kunka ma sɔn ko yama ɔ. A wii min sin bɔn‑da ka mɔ gbu gbɛɛ ko a, mɔɛ miin mbe an kai fa‑a a a, Yataa ɛ a boo bɔ‑a wan an 'na ko yama n dɔ. Yataa‑a chɛ ma, a ni a ɔ yian, mbɛ a wan mbe mɔ gbu ya mɔ tandenɛ a. A kɔma a, Yataa na‑a a faa bia wan, mbɛ a‑a a ya ka mɔɛ n 'na ko yama n na.

GBOO DOMI KO A 8:37

Chɛɛ koe chɛ n gbɛɛ ni mmɔ tan bɛɛ, a wɛn toen mu mmɔ a, an mbe mmɔ kunɛ bɔ‑a an dɔ fion.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Ɛfisɔsi Ko A 2:4

Chɛɛ chinchimaya koo, Yataa boo ɔ. An fɛ mu, mmɔ faen chɛ ni wɛɛ, mmɔ 'a ko yama n boo ɔ, a‑a fɔɛ nama be wan mmɔ ma, mmɔ bɛ Chasi a. A toen mu buɛ min dɔ mmɔ a, a koo. Chɛ an fɛ mu, a 'a koadia demanɛ dechee, an‑na mmɔ baun.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

Gboo Kɔdɔsai Ko A 1:18

Chisɔsi Chasi an mu chɔchi kun ti a. Chɔchi mu a gboo an na. A wan mbe fɔɛ be a 'a mɔɛ n ma. Koe min na mu, Yataa‑a a pɛn kɔɔ sɔ, a ka saya ɔ, min mbe a ma, a ni ma gbasaya tɔɛ a fen kɔ fen kun ma.

1 TIMOTI 6:13

Yataa ɛ mmɔ yen tena wan, min‑na fɔɛ be fen fen ma, Chisɔsi Chasi wɛɛ ɛ mmɔ yen‑da, min ma a nun ni Kɔfana Pɔnchɔsi Padeti ma, danaya min nyɔn sima ɛ a ɔ. N toen mu i ni

1 TIMOTI 6:15

An na chɛ, a tima ɛ Yataa an boo ɔ, tando ɛ min ma, mansa n kun ma mansa dɔndɔ gbe, mansa wa mansa n gbɛɛ ko a.

GBOO IBU MƆƐ N KO A 10:29

Ni tea mu chɛ a, fen koe ɛ na‑a ma‑a gbɛ mɔɛ chɛ a, min mbe ee a gbɔsɔ‑a Yataa 'a denɛ ko a? Yataa 'a dɔbɛn nama chɛ, Chisɔsi wii min bɔn‑da mmɔ 'a ko yama n ko a, mɔɛ min mbe ee a ya‑a fen kɔ fen na. Fen mbe ma‑a an mɔɛ chɛ a? Yataa Nyina, min mbe koadia demanɛ chɛ, mɔɛ min mbe a main. Fen mbe ma‑a an mɔɛ a? Wo wo yii na chii wɛ, ko yawaen chɛ a, Yataa ɛ min si‑a an mɔɛ chɛ a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

1 PITA 1:19

Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

1 CHƆN 4:10

An ma a fɔ ni, mbɛ mmɔ wan to‑a Yataa a, chɛɛ a wan to‑a dechee mmɔ a. Chɛ‑a a ma wan, a wan Yataa, a‑a a 'a den chɛ a na, a ni ma yasi a mmɔ 'a ko yama n ko a. Koadia chɛ mu chɛ an na.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 11:3

A ɔ, “N mbe n 'na siiya fea n na na‑a wan, miin mbe n 'na sakana bai chɛndɛ ɔ yian‑da.” A ɔ, “An ma bɛndenɛ ɛ ma‑a wan yɔ sanka‑a mɔɛ miin tan an 'na chenɛ a.” A ɔ, “A sin, an mbe n 'na sakana bai ɔ yian‑da wan, an kau bi naanin kun ma fea (42) chɛ n dɔ.”

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.

KO Ɔ NUNDENƐ 19:16

Doma kai chɛ min ni a ma, a woo kun ma, tɔɛ an nyɛnden ni a ma, min ni Mansa Wa 'a Mansa a.

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.