KO Ɔ NUNDENƐ 1:4 - Yataa 'a Dɔbɛnɛ Nama

⁴ N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 1:4 Iomraidhean Croise

CHƆN 1:1

Dunya e na to a kuu sɔ‑a, an mbe mɔɛ min chee, an dɔ, Bai, a ni wan gbɛ nɔ. An fea ni Yataa a, a wɛɛ ni Yataa an na.

CHISƆSI 'A SƆ MƆƐ NU 19:10

Chɛ a tun‑da wan a ma san fea ko a, min‑na a ma, mɔɛ miin gbɛɛ ni Esia chɛnyɛ chɛ ɔ, an‑na sakana bai a min fan, a si Mansa Chisɔsi ma. Chu mɔɛ n‑na a a min fan, an bɛ mɔɛ chɛ n na, miin nii ma Chu mɔ a.

CHISƆSI 'A SƆ MƆƐ NU 2:9

Mmɔ ka‑a chɛnyɛ sɛsɛ n fan dɔ. Dɔ n ka‑a Patia, dɔ nu Media, dɔ n sin Ɛdan. Dɔ n ka‑a to Mɛsɔpotemia, dɔ nu Chudia, mbɛ dɔ n ka‑a Kapadosia. Dɔ n bɛɛ ka‑a Pɔndɔsi, an fea Esia a.

GBOO DOMI KO A 1:7

Chɛ an fɛ mu, n mbe gboo chɛ nyɛn tena wo tena, wo gbɛɛ Domi duu ɔ. Wo ko a di Yataa ye, a sin‑na wo ya ma koe a a 'a mɔɛ n na. Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO SAA KƆYINDI KO A 1:3

Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO FEAN BƆƐ KƆYINDI KO A 1:2

Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO IBU MƆƐ N KO A 13:8

Chisɔsi Chasi ma mun ni a kɔma a, a ee mun bi tee chɛ kɔ, a sin mbe ee mun‑da kuɔ fɔ ko a.

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:17

N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 1:20

Ka wɛ n mbe a ɔ yian i a, tɔmbuaka wɔnfea chɛ nu n boo nyima a, an sɔen mu fenɛ miin ko a. Mbɛ n‑na a ɔ yian to i a, dambo si fen wɔnfea chɛ nu, an bɛɛ sɔen mu fenɛ miin ko a. Tɔmbuaka wɔnfea chɛ n mu maeka wɔnfea an fan na, chɔchi wɔnfea an ko a. Dambo si fen wɔnfea chɛ n sin, an mu chɔchi wɔnfea an fan na.”

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 16:5

Mbɛ maeka chɛ, min ni yii gbɛɛ kun ma, n‑na a kuiɛ a min, ɛ koɔ‑a Yataa tena, a ɔ, “Tea ko a, i kan nyɔ ee. I ni wan nɔ suun, e tun nɔ sanche wɛɛ.” A ɔ, “E ka kaa min na tɛ‑a dunya chɛ ma, tea ɛ wan i boo ɔ.”

KO Ɔ NUNDENƐ 2:12

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Pakamɔn duu ɔ. A ɔ, “N fan, mɔɛ chɛ, n fɛn 'na chɛɛ chɛ mɛ da ɛ a bu ɔ, ɛ a kɔɛ, a a saenɛ ɛ chɛndɛ chɛ,” a ɔ, “n 'na sakana an nɛ.”

KO Ɔ NUNDENƐ 2:18

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Tiyatiya duu ɔ. A ɔ, “N fan, mɔɛ chɛ, n fɛn mu Yataa 'a denɛ a,” a ɔ, “n fɛn ya ɛ yɔ sanku manɛ, n chenɛ ɛ man‑da taun, yɔ kundu min bɔ‑a faa ta ɔ,” a ɔ, “n 'na sakana an nɛ.”

KO Ɔ NUNDENƐ 2:8

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Simina duu ɔ. A ɔ, “N fan, mɔɛ chɛ, n fɛn mbe a ma fen fen mbe a kuu sɔ,” a ɔ, “n fɛn mbe a ma to fen fen mbe danka, n fan mɔɛ chɛ, n fɛn fa‑a, mbɛ n yɛ‑a to fɔɛ ɔ.”

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”

KO Ɔ NUNDENƐ 22:8

N fan, Chɔn, n fan‑na koe chɛ n na min, mbɛ n‑na an dɔ yen to. N sin na‑a an na min kɛn maeka chɛ a, mbɛ n‑na an dɔ yen, mbɛ n‑na chɛ ma. N‑na n kumbai gbangban fan a chen kɔɔ, n ni a fai, a wɛn‑na fen chɛ n yian n na.

KO Ɔ NUNDENƐ 3:1

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”

KO Ɔ NUNDENƐ 4:5

Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.

KO Ɔ NUNDENƐ 8:2

Mbɛ n‑na maeka wɔnfea n yen, miin mbe ma Yataa baima, wai chɛ koe a. An‑na buu wɔnfea an be wan an ma.