KO Ɔ NUNDENƐ 1:2 - Yataa 'a Dɔbɛnɛ Nama

² Chɔn chɛ koɔ‑a wan den, a si koe chɛ n gbɛɛ ma, maeka chɛ‑a miin yian a a, a si Yataa da a bai ma, a basan Chisɔsi Chasi 'a siiya a.

KO Ɔ NUNDENƐ 1:2 Iomraidhean Croise

CHƆN 1:32

Chɔn na‑a a ɔ yian ka wan, koe min na‑a ma. A ɔ, “N nii ma a sɔn, a sɔn buɛ a. Chɛɛ Yataa min‑na n sɔ, yii chɛ koe a mɔɛ n kunɛ ɔ, a na‑a a fɔ wan n ye, a ɔ, n mbe a Nyina yen‑da wan, a ni yii, a ka banda bu ɔ, mbɛ a bea‑a mɔɛ fɛ gban. A ɔ, an mɔɛ chɛ, an mbe a ma‑a, Yataa Nyina chɛ, ɛ ma‑a mɔɛ n fɛ.” Chɔn dɔ, “A sin,” a ɔ, “n‑na Yataa Nyina chɛ yen fan, a yii‑a fɛɛ yɔ bugbɔɛ, mbɛ a bea‑a mɔɛ fɛ.”

CHƆN 12:17

Tima min na Chisɔsi na‑a Dasayɔsi chee, mbɛ a bɔ‑a kamba chɛ ɔ, a kɔɔ sɔ‑a saya ɔ, mɔ fanka miin ni nɔ, an na‑a an koe chɛ ɔ yian fan, min na‑a ma ka.

CHƆN 19:35

N fɛn na‑a koe chɛ ɔ yen ma‑a, n fan mbe ka a ɔ yian‑da. N‑na min dɔ yian, tea mu a a, a sin, n‑na a ɔ sɔn fan, mbɛ n mbe tea an fɔ. Chɛ ɛ a ma wan, wo ni a a tun wo kai fa koe a Chisɔsi a.

CHƆN 21:24

N fan mu an fɛ den chɛ a, n fan‑na koe chɛ n gbɛɛ ɔ yen, mbɛ n‑na an nyɛn nɛ n 'na gboo chɛ ɔ. A sin, mmɔ‑a a ɔ sɔn fan, mbɛ n‑na miin gbɛɛ fɔ, mbɛ tea bai nu mu an na.

CHƆN 3:11

N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHISƆSI 'A SƆ MƆƐ NU 22:15

Koe min na mu, a toen mu i ni ma siiya a a ko a, mɔɛ gbɛɛ tena dunya ɔ, a si koe chɛ ma, i‑a min dɔ yen, a basan chɛ a, i‑a min na min.

CHISƆSI 'A SƆ MƆƐ NU 26:16

Chɛɛ i kɔɔ sɔ, i ni sɔ. Koe min na mu, n‑na n fandi yian i a, n boo sɔ koe mu i ma, wai chɛ koe a n ye. I ni siiya bɔ mɔɛ tɔɛ n tena, a si koe chɛ n ma, i‑a miin dɔ yen bi, a yɛ to, n mbe a ma‑a, e min dɔ yen‑da ya ɔ ma.

CHISƆSI 'A SƆ MƆƐ NU 4:20

Koe min na mu, nn mbe ee che nn da a tɔn‑da koe n ma, nn fandi‑a koe miin dɔ yen, a yɛ to, nn too‑a miin na min.”

GBOO SAA KƆYINDI KO A 1:6

Chɛ‑a a ɔ yian fan ka, mbɛ nn‑na bai min fɔ wo ye, a si Chisɔsi Chasi ma, mbɛ wo boo a sien mu a kɔɔ chɛndɛ chɛ.

GBOO SAA KƆYINDI KO A 2:1

N suun ma nyɔɛ nu Chasi ɔ, n na‑a na wan wo tena. Chɛɛ n nii ma na ni daɔdia an na, Yataa na‑a koe min nun tee, a ɔ yian koe a wo a. N sin nii ma a ya ni, mbɛ n yiima tɛen ni.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.

1 CHƆN 4:14

A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.

3 CHƆN 1:12

Demetiɔsi tana, mɔ ɔ mɔ ɛ a bai tena wan. A sin tea gbu sin ko a, nn bɛɛ, nn mbe wan a bai tena. I sin‑na a ɔ sɔn fan, mbɛ ni nn na‑a chɛ ma, tea ɛ wan a ɔ.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:19

E koe miin dɔ yen tena sanche, an nyɛn, a basan chɛ n bɛɛ a, miin mbe na tena ma‑a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 12:17

Chɛ‑a a ma wan, fɔɛ fen ma chianden chɛ faa gbandia‑a kaka, musu chɛ boo ɔ. Mbɛ a‑a a kun sɔ gbɛ musu chɛ cheeya n na, a‑a chɛɛ bun an ma. Cheeya chɛ nu, an mu mɔɛ chɛ n fan na, miin mbe Yataa da a kuiɛ ma, an sin, an kai faen fan mu tea chɛ a, min ka‑a Chisɔsi tena.

KO Ɔ NUNDENƐ 20:4

Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.

KO Ɔ NUNDENƐ 22:21

Mansa Chisɔsi 'a dua ni ma Yataa 'a mɔɛ n gbɛɛ ma. A ni ma ka.

KO Ɔ NUNDENƐ 6:9

Sa tɔngbɔɛ chɛ‑a yuu duun bɔɛ tɛ kɛn, mbɛ gbengbe kɔɔ, fen kunyɛ a diama ɛ minda min ma, n‑na fuɛ n yen. An na‑a chɛ n fan fa tee, sɔ koe a den an 'na danaya ɔ Yataa a, a basan Yataa 'a bai sa koe a.