KO Ɔ NUNDENƐ 1:11 - Yataa 'a Dɔbɛnɛ Nama

¹¹ Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:11 Iomraidhean Croise

CHISƆSI 'A SƆ MƆƐ NU 16:14

Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.

CHISƆSI 'A SƆ MƆƐ NU 18:24

A tima chɛ a, Chu mɔ dɔndɔ, min tɔ ni Apɔdɔsi, min suun‑da Adɛsandia duu ɔ, a na‑a wan Ɛfisɔsi duu ɔ. A ni kosan kaka bai sa a, a sin to, a‑a Yataa 'a gboo ɔ gbɛ wan chɛndɛ chɛ.

CHISƆSI 'A SƆ MƆƐ NU 20:17

Pɔɔ to‑a Midetɔsi wan, mbɛ a‑a sakana a ta Ɛfisɔsi chɔchi gbakoo n tena, an na koe a, a tan‑da.

GBOO SAA KƆYINDI KO A 15:32

N‑na butuinɛ chɛ wan, Ɛfisɔsi duu ɔ, nn fea nyima soe a. N nii ma chɛ ma ni dechee, mɔgbuya ɔ koe an ko a. Chɛɛ tɔnɔnɛ kan kɔ kan mbe ee bɔ‑a chɛ ɔ, ni faa mɔɛ ee a kɔɔ sɔ, a ka saya ɔ. Mbɛ ɛ ma‑a wan dechee, yɔ an mbe a fɔ buɛ min dɔ, an dɔ, “Mmɔ ni daunɛ chɛ, mbɛ mmɔ‑a mmɔ min,” an dɔ, “koe min na mu, saya ɛ na tena wan sinan bɛɛ.”

GBOO SAA KƆYINDI KO A 16:8

N mbe to‑a nɛ wan Ɛfisɔsi, aan tima min na, Pɛndekɔsi tee chɛ ni che.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

Gboo Kɔdɔsai Ko A 2:1

N toen mu wo ni a ɔ sɔn, mbɛ n mbe mɔnɛ ɔ bia tena wan pien wo ko a. N‑na a chɛ wan mɔɛ chɛ n bɛɛ ko a, miin mbe Daɔdisia duu ɔ, ni mɔɛ tɔɛ chɛ n gbɛɛ ko a, nn ma nyɔn yen nin bɛ, nn bɛ miin na.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.

KO Ɔ NUNDENƐ 1:17

N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 1:19

E koe miin dɔ yen tena sanche, an nyɛn, a basan chɛ n bɛɛ a, miin mbe na tena ma‑a.

KO Ɔ NUNDENƐ 1:2

Chɔn chɛ koɔ‑a wan den, a si koe chɛ n gbɛɛ ma, maeka chɛ‑a miin yian a a, a si Yataa da a bai ma, a basan Chisɔsi Chasi 'a siiya a.

KO Ɔ NUNDENƐ 1:20

Ka wɛ n mbe a ɔ yian i a, tɔmbuaka wɔnfea chɛ nu n boo nyima a, an sɔen mu fenɛ miin ko a. Mbɛ n‑na a ɔ yian to i a, dambo si fen wɔnfea chɛ nu, an bɛɛ sɔen mu fenɛ miin ko a. Tɔmbuaka wɔnfea chɛ n mu maeka wɔnfea an fan na, chɔchi wɔnfea an ko a. Dambo si fen wɔnfea chɛ n sin, an mu chɔchi wɔnfea an fan na.”

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.

KO Ɔ NUNDENƐ 10:4

Banda chɛ sɛmbɛ‑a kɛn koɔ koe a, a‑a min gbɛɛ fɔ, n toen ni n ni a nyɛn. Chɛɛ n‑na kuiɛ a min fan, a ka banda bu ɔ, a ɔ, “Koe chɛ n sa i yii ma. I ma an nyɛn gboo ma.”

KO Ɔ NUNDENƐ 14:13

Mbɛ n‑na mɔɛ kuiɛ a min to, a ka banda bu ɔ, a ɔ, “Bai chɛ nyɛn bɛ. I ɔ, a ka sanche ma, mɔɛ miin mbe an kai fa‑a Mansa Chisɔsi a, aan an ni fa, an duaen mu.” Mbɛ Yataa Nyina ɔ, “Tea ko a, an duaen mu. An mbe ee yakɔɔtawa kan kɔ kan dɔ yen‑da to, koe min na mu, an chɛ chɛ wai an mbe an ma konan‑da Yataa tena.”

KO Ɔ NUNDENƐ 19:9

Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”

KO Ɔ NUNDENƐ 2:1

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Ɛfisɔsi duu ɔ. A ɔ, “N fan, mɔɛ chɛ, tɔmbuaka wɔnfea chɛ n mbe min boo a,” a ɔ, “n fan, mɔɛ chɛ, min mbe tachɛ chɛ sanu dambo si fen wɔnfea chɛ n tɛ ɔ,” a ɔ, “n 'na sakana an nɛ.”

KO Ɔ NUNDENƐ 2:12

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Pakamɔn duu ɔ. A ɔ, “N fan, mɔɛ chɛ, n fɛn 'na chɛɛ chɛ mɛ da ɛ a bu ɔ, ɛ a kɔɛ, a a saenɛ ɛ chɛndɛ chɛ,” a ɔ, “n 'na sakana an nɛ.”

KO Ɔ NUNDENƐ 2:18

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Tiyatiya duu ɔ. A ɔ, “N fan, mɔɛ chɛ, n fɛn mu Yataa 'a denɛ a,” a ɔ, “n fɛn ya ɛ yɔ sanku manɛ, n chenɛ ɛ man‑da taun, yɔ kundu min bɔ‑a faa ta ɔ,” a ɔ, “n 'na sakana an nɛ.”

KO Ɔ NUNDENƐ 2:24

A ɔ, “Musu chɛ 'a kan chɛ, an mbe min chee, an dɔ, tea ɔ nunden ba a si Sitana ma, kan yama mu. Chɛɛ wo tana, wo wɛn to‑a ka nɔ chɔchi ɔ, Tiyatiya duu chɛ ɔ, wo wɛn ma bea ni a 'a kan chɛ fɛ, bai ɛ wan n da a wo ko a. N mbe a fɔ tena wo ye, mbɛ n mbe ee suun fankama dɔ gbɛɛ si tena wo kun ma.

KO Ɔ NUNDENƐ 2:8

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Simina duu ɔ. A ɔ, “N fan, mɔɛ chɛ, n fɛn mbe a ma fen fen mbe a kuu sɔ,” a ɔ, “n fɛn mbe a ma to fen fen mbe danka, n fan mɔɛ chɛ, n fɛn fa‑a, mbɛ n yɛ‑a to fɔɛ ɔ.”

KO Ɔ NUNDENƐ 21:5

Yataa wɛn sin ni si ɔ a 'a mansa sea a, a ɔ, “A yen ko, n‑na fen fen ma a nama a gbɛ.” Mbɛ a ɔ te to n bɛɛ ma, a ɔ, “Chɛ nyɛn bɛ, koe min na mu, bai chɛ n mu tea bai n fan na, a nyin mɔ ɔ mɔ ni dan miin na.”

KO Ɔ NUNDENƐ 22:10

Mbɛ a ɔ te to n ma, “Yataa 'a sakana bai chɛ nu gboo chɛ ɔ, i ma an dɔ nun mɔɛ n ma. Koe min na mu, tima ɔ wua‑a gbɛ, an koe chɛ n bɔ koe a a a.

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”

KO Ɔ NUNDENƐ 3:1

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”

KO Ɔ NUNDENƐ 3:4

Chɛɛ chɛ gbɛɛ ɔ, wo dɔ n mbe wan nɔ Sadisi duu chɛ ɔ, wo wɛn tachɛ buɛ nyin Yataa tena. Wo mɔɛ chɛ nu, mmɔ bɛ, mmɔ ɛ doma gbɛ don‑da wan, mmɔ ni tachɛ chɛ. Chɛ ɛ ma‑a wan, koe min na mu, chɛ bɛnden fan mu an ma.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”