KO Ɔ NUNDENƐ 1:1 - Yataa 'a Dɔbɛnɛ Nama

¹ Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 1:1 Iomraidhean Croise

CHƆN 12:49

N mbe ee koɔ n fandi 'a gbasaya an kɔɔ. Chɛɛ Fa min‑na n sɔ, ɛ min fɔ n ye a fɔ koe a, n mbe an fɔ.

CHƆN 15:15

N mbe ee wo ya to n 'na bɔi den na, koe min na mu, bɔi den ma a kan mɔ yiima sɔn. N mbe min ma tena, n mbe wo ya tena gbɛ n bɔɛ n fan na. Koe min na mu, ko ɔ ko, Fa‑a min fɔ n ye, n‑na a gbɛɛ ɔ yian wo a.

CHƆN 17:8

I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHƆN 8:26

Bai kɔkoo n yii ma, a si wo ma, a kɔkoo kaa a tɛ koe a wo wakoe ma. Chɛɛ an sin gbu, n fan yiima ko ma an na. Min‑na n sɔ, a wan yii ma koe nu mu, a sin mbe tea an fɔ. Chɛ an‑na a fɔ, ɛ min fɔ n ye dechee, n mbe an na ben mɔ ɔ mɔ tena dunya chɛ ɔ.”

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

Gboo Kadesia Ko A 1:12

Koe min na mu, mɔ gbu an ma a be ni n ma, mɔ ɔ mɔ wɛɛ ma n kan ni a ma. Chɛɛ koe ɔ nunden chɛ, Chisɔsi Chasi wandi gbu, an‑na a ɔ yian n na.

Gboo Ɛfisɔsi Ko A 3:3

N‑na a sima ɔ yian fan wo a gboo ɔ, a si koe chɛ ma, min dɔ nunden ni, Yataa‑a a ɔ yian buɛ min dɔ n na.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

KO Ɔ NUNDENƐ 1:19

E koe miin dɔ yen tena sanche, an nyɛn, a basan chɛ n bɛɛ a, miin mbe na tena ma‑a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 17:1

Mbɛ maeka wɔnfea chɛ n dɔndɔ, miin‑na pani chɛ n dɔ wuyan ka, a na‑a n tena, a ɔ, “Na wɛ, n ni a ɔ yian i a, duu dia wa chɛ, Yataa ɛ kaa a tɛ‑a buɛ min dɔ a wakoe ma.” A ɔ, “Duu dia chɛ mu duu wa chɛ an na, min sɔen mu ka yii sɛsɛ n kaa a.”

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 19:9

Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”

KO Ɔ NUNDENƐ 21:2

Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.

KO Ɔ NUNDENƐ 21:9

Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”

KO Ɔ NUNDENƐ 22:6

Mbɛ maeka chɛ‑a a fɔ n ye, a ɔ, “Bai chɛ n mu tea bai n fan na, a nyin mɔ ɔ mɔ ni dan miin na. Yataa Mansa an mbe a Nyina be a 'a gbonka chɛ mɔɛ n ma, min mbe a ma, an mbe a 'a sakana bai sa. A sin‑na a 'a maeka a na, a ni a ɔ yian mɔɛ n gbɛɛ a, miin mbe a ko a, koe miin mbe na tena ma‑a sanche.”

KO Ɔ NUNDENƐ 22:8

N fan, Chɔn, n fan‑na koe chɛ n na min, mbɛ n‑na an dɔ yen to. N sin na‑a an na min kɛn maeka chɛ a, mbɛ n‑na an dɔ yen, mbɛ n‑na chɛ ma. N‑na n kumbai gbangban fan a chen kɔɔ, n ni a fai, a wɛn‑na fen chɛ n yian n na.

KO Ɔ NUNDENƐ 22:9

Chɛɛ a ɔ te to n ma, “I ma chɛ ma. N bɛɛ, Yataa 'a yɔnɛ mu n na. N mbe ka wan dechee yɔ i wan, wo bɛ i suun ma nyɔnɛ n na, Yataa 'a gbonka chɛ mɔɛ nu, a basan mɔɛ chɛ n gbɛɛ a, miin too ma sɔen mu gboo chɛ ɔ bai n ma. Chɛ an fɛ mu, Yataa an fai.”

KO Ɔ NUNDENƐ 4:1

Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”

KO Ɔ NUNDENƐ 5:7

Mbɛ sa tɔngbɔɛ chɛ ta‑a gboo chɛ bia, a boo nyima chɛ a, a wɛn ni ka si ɔ mansa sea chɛ a.