FIDEMƆN 1:9 - Yataa 'a Dɔbɛnɛ Nama

⁹ Chɛɛ i 'a koadia n faa ɔ, a‑a a ma, n mbe i disa tena wan gbɛ. N fan Pɔɔ, n mbe chɛ ma tena wan, chenan kai mu wɛɛ n na, a sin, n mbe to sa ɔ pimbi chenɛ a Chisɔsi Chasi ko a.

FIDEMƆN 1:9 Iomraidhean Croise

GBOO DOMI KO A 12:1

N bɔ Chisianɛ nu, Yataa 'a chinchincha koo mmɔ tena. Chɛ an fɛ mu, n mbe wo disa tena, min mbe a ma, wo ni wo wandi be a 'a wai ko a. Wo ni ma tenchen an ko a. Wo wo fɔɛ gbɛɛ be a ma, wo ni ma yasi a a ko a, min mbe na faachima a a tena. Chia chɛndɛ gbu sin mu chɛ an na, Yataa fai koe a.

GBOO FEAN BƆƐ KƆYINDI KO A 5:20

Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 6:20

Koe min na mu, bai chɛ an ko a mu ka, n mbe sa ɔ pimbi chenɛ a. Wo samunɛ chɛ n ko a, min mbe a ma, n ni koɔ mɔɛ gbɛɛ tena, faagbɛa ɔ, yɔ a nyin n ni koɔ buɛ min dɔ.

1 TIMOTI 1:12

N mbe Chisɔsi Chasi wai bɔ tena, mmɔ 'a mansa. An‑na a yii na chii n na, mbɛ n danayaen fan mu wai chɛ koe a a ko a. A‑a gbasaya wɛɛ be n ma a chɛ koe a.

TAITƆSI 2:2

A fɔ mɔ kaima ma taenɛ n ye, an ma gbɛ wa min, an ni ma basɔmaya tɔɛ n na, yiimatɛ tɔɛ nu, danaya ɛ miin dɔ Chisɔsi ko a chɛndɛ chɛ, a basan koadia a, ni faabia.

GBOO IBU MƆƐ N KO A 13:19

A sin, n mbe wo ɔ tisa tena n faa gbɛɛ a, samunɛ chɛ koe a n ko a, Yataa ni a ma, n ni na to wo tena.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.