FIDEMƆN 1:7 - Yataa 'a Dɔbɛnɛ Nama

⁷ I 'a suun ma nyɔncha koadia, a mu buɔdia a n tena, a‑a n faa chima wan. Koe min na mu, n suun ma nyɔɛ Chasi ɔ, i‑a buɔdia be wan Yataa 'a mɔɛ n gbɛɛ ma.

FIDEMƆN 1:7 Iomraidhean Croise

GBOO SAA KƆYINDI KO A 16:18

Chɛ‑a a ma wan, n faa chima‑a, yɔ wo ta wɛɛ ɛ ma buɛ min dɔ. A nyin wo ni baa be mɔ bonda chɛ n ma chɛndɛ chɛ.

GBOO FEAN BƆƐ KƆYINDI KO A 7:13

Chɛ an fɛ mu, wo‑a nn faa ma nande. A sin, a ka nn ta ma, Taitɔsi wɛɛ‑a a ma wan, nn bu ɔ dia‑a kaka, a si a ta buɔdia ma, wo tɛ ɔ. Koe min na mu, a‑a a ɔ yian fan nn na, wo gbɛɛ‑a a deman buɛ min dɔ, a bu ɔ ni dia.

GBOO FEAN BƆƐ KƆYINDI KO A 7:4

N yii faen mu wo ma kaka. N mbe yonka min tɛ wo ma, a da a koo. Ko gbɛama chɛ n gbɛɛ ɔ, nn mbe miin dɔ bia tena, buɔdia koo n dɔ, a gbu danka ee.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

Gboo Saa Tɛsadonika Ko A 2:19

Ko dɔ gbɛɛ kan kɔ kan mbe ee to nɔ, min mbe yiinatɛ be nn ma, a ni nn bu ɔ dia, a ben wo ma. Wo wan, nn mbe wo wɛn ya a tɔnɔnɛ a, mbɛ nn‑na nn kunɛ kɔɔ sɔ den, mmɔ 'a mansa Chisɔsi chen kɔɔ, a na tima ma.

Gboo Saa Tɛsadonika Ko A 3:9

Nn mbe tando be tena gba Yataa ma, wo ko a. Koe min na mu, nn 'na buɔdia koo, a chen kɔɔ, wo ko a.

2 TIMOTI 1:16

Mansa Chisɔsi ni chinchin Wɔnesifɔyɔsi 'a chenɛ ma, koe min na mu, a ni buɔdia be wan n ma tima sɛsɛ ko a. A ma mau ni n ma, n 'na pimbi chen na sa ko a.

FIDEMƆN 1:20

I dimu, suunɛ, koe chɛ chɛ n ye, Mansa Chisɔsi ko a, buɔdia be n ma Chasi ɔ.

2 CHƆN 1:4

A ma‑a wan n ma buɔdia chenama wa a, a ɔ sɔn koe a, mbɛ i 'a denɛ dɔ nu, an mbe wan tea chia ma, yɔ Fa Yataa‑a a fɔ buɛ min dɔ mmɔ ye.