FIDEMƆN 1:6 - Yataa 'a Dɔbɛnɛ Nama

⁶ Kuiɛ dɔndɔya chɛ wo e min dɔ, wo bɛ chɛ n na, miin kai faen mu Yataa a, n mbe samunɛ chɛ tena a ni ta ya ɔ ma. Koe min na mu, Yataa‑a fen chɛndɛ min gbɛɛ be mmɔ ma Chasi ɔ, i‑a a ɔ sɔn fan.

FIDEMƆN 1:6 Iomraidhean Croise

MATIU 25:16

Mbɛ a ya kɔɔɛ a, sɛn dɔ kaminɛ, min na‑a kain gbɛnsɛn wu duu chɛ ma sɔn ka, a ta‑a. Mbɛ a bun‑da fee fenɛ san‑da, ɛ a ma tachɛ. A‑a chɛ ma kɛn, a kun‑da wan kain gbɛnsɛn wu duu dɔ mende ma.

MATIU 5:16

A sin, mbɛ i wan, i wɛn maen mu yɔ sanku manɛ, i bɔɛ mɔ gbu n ko a, a ma i 'a manɛ ni man i bɔɛ mɔ gbu n tɛ ɔ, min mbe a ma, an ni a ɔ yen, e wai chɛndɛ min chɛ tena. Chɛ an mbe a ma‑a, an ni tando be Fa Yataa ma, min mbe banda bu ɔ.”

GBOO SAA KƆYINDI KO A 14:25

An‑na koe miin ma nun dɔ, miin mbe sa ɔ an yii ma, an mbe bɔ‑a wan ya a ma. An sin, an mbe an kumbai gbangban‑da wan, mbɛ an‑na a fɔ, an dɔ, tea mu, an dɔ, Yataa ɛ wan nɔ an tɛ ɔ.

GBOO SAA KƆYINDI KO A 16:9

Tima an nɛ n ko a nɛ, Chisian wai kɔkoo tima min na. Wai n fan nɛ, miin nyin an chɛ koe a, n chɛɛ ma nyɔɛ n kɔkoo wɛɛ ka boo ɔ boo.

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

TAITƆSI 3:14

A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

CHIMISI 2:14

N suun ma nyɔɛ nu Chasi ɔ, ni mmɔ‑a a fɔ, mbɛ mmɔ kai faen mu Yataa a, a ni yen mmɔ tachɛ buɛ ma fɔɛ ɔ. Ni mmɔ ma chɛ ma ni, mbɛ mmɔ kai fa buɛ chɛ Yataa a, a ee mɔ ɔ mɔ baun.

CHIMISI 2:17

Wo‑a yen gbɛ, mbɛ mɔ kai fa koe Chisɔsi Chasi a, a dechee ma koe a. Kai fa min, mɔɛ n mbe ee a ɔ yen ko chɛndɛ ma ɔ, ko ma a a. An kai fa chɛ ma fen kɔ fen na, a faenɛ mu.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 3:1

A chia dɔndɔ gbe chɛ a, wo wɛɛ, wo wɛn mu kai sɔn musu n na, wo don wo chɛɛ n 'na gbasaya kɔɔ. Yataa da a bai chɛ, kɔkɔɛ an dɔ n mbe ban‑da wan an boo si koe a a kɔɔ. Ni chɛ ma‑a wɛɛ, wo e ma‑a ka Yataa fɔɛ min dɔ, ɛ an mun‑da wan Yataa tena, a ben wo da a bai ma.

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.

2 PITA 1:8

Ni sɔn chɛ n ma‑a wo ɔ chɛndɛ chɛ, a ɔ benden ba a, wo e mmɔ 'a mansa Chisɔsi Chasi sɔn‑da wan chɛndɛ chɛ. Chɛ sin mbe na‑a ma‑a ko chɛndɛ an na wo 'a fɔɛ ɔ.