FIDEMƆN 1:22 - Yataa 'a Dɔbɛnɛ Nama

²² Ko dɔndɔ to, n yia chenɛ ɔ bɛn. Koe min na mu, ɛ n 'na yiinachii ɔ, mbɛ wo 'a samunɛ a ɛ min‑da wan, n ni bɔ nɛ, n ni na wo tan.

FIDEMƆN 1:22 Iomraidhean Croise

CHISƆSI 'A SƆ MƆƐ NU 27:24

mbɛ a ɔ, ‘Pɔɔ, i ma chian. E sɔ‑a wan Domi kun ti wa chɛ chen kɔɔ. A sin yen ko, Yataa chinchin‑da i ma, a basan mɔɛ chɛ n gbɛɛ a, wo bɛ ɛ ka miin na dɛndɛ chɛ ɔ.’

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

GBOO DOMI KO A 15:24

Chɛ an fɛ mu, n toen mu n ni na gbɛ, n ni wo yen. N mbe ma‑a ta‑a Sipen chɛnyɛ ɔ, n mbe ben‑da wan wo tena chia a, n ni wo yen. Ni n‑na tima ɛnden ya wo tena, buɔdia ɔ, mbɛ wo basan‑da n ma ben koe a Sipen chɛnyɛ ɔ.

GBOO FEAN BƆƐ KƆYINDI KO A 1:11

Wo basan nn ma, samunɛ chɛ koe a nn ko a. Ni mɔ sɛsɛ n ma‑a samunɛ chɛ‑a nn ko a, Yataa ɛ an 'na samunɛ n na min‑da wan, mbɛ a‑a nn dua. Ni chɛ ma‑a, mɔ sɛsɛ n bɛɛ, an mbe Yataa wai bɔ‑a wan nn ko a.

Gboo Fiipai Ko A 1:19

Koe min na mu, wo e samunɛ min chɛ n ko a, ɛ a ma‑a wan, n kunɛ ni bɔ a ɔ. A sin to, Chisɔsi Chasi Nyina wɛɛ, ɛ deman chɛ chɛ‑a wan n na.

Gboo Fiipai Ko A 2:24

A sin, Mansa Chisɔsi‑a yiinatɛ be n ma, mbɛ a ɔ ee yansan tena to, mbɛ n fandi gbu na‑a wo tena.

GBOO IBU MƆƐ N KO A 13:19

A sin, n mbe wo ɔ tisa tena n faa gbɛɛ a, samunɛ chɛ koe a n ko a, Yataa ni a ma, n ni na to wo tena.

GBOO IBU MƆƐ N KO A 13:23

N toen mu wo ni a ɔ sɔn, mbɛ mmɔ suun ma nyɔɛ Chasi ɔ, Timoti, an‑na a boo ka, a bɔ pimbi chenɛ a. Ni a fua‑a na‑a, nn fea, nn mbe na‑a wan wo tena.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.

2 CHƆN 1:12

Ko sɛsɛ ɛ wan n yii ma, a fɔ koe a wo ye. Chɛɛ n mbe ee a finɛ puin tena a gbɛ ɔ. N mbe min ma tena, n yiima ɛ a fɔ tena wan n ye, n ni na wo kɔndɔn, mmɔ ni chia ɔ bɔ dɔndɔ chɛ. Chɛ an mbe a ma‑a, mmɔ gbɛɛ, mmɔ 'a buɔdia da ni fa gban.

3 CHƆN 1:14

N toen mu n ni na i tan sanche, mɔ ni chia ɔ bɔ dɔndɔ chɛ.