FIDEMƆN 1:20 - Yataa 'a Dɔbɛnɛ Nama

²⁰ I dimu, suunɛ, koe chɛ chɛ n ye, Mansa Chisɔsi ko a, buɔdia be n ma Chasi ɔ.

FIDEMƆN 1:20 Iomraidhean Croise

GBOO SAA KƆYINDI KO A 16:18

Chɛ‑a a ma wan, n faa chima‑a, yɔ wo ta wɛɛ ɛ ma buɛ min dɔ. A nyin wo ni baa be mɔ bonda chɛ n ma chɛndɛ chɛ.

GBOO FEAN BƆƐ KƆYINDI KO A 2:2

Koe min na mu, ni n‑na wo faa yɔn, mɔ dɔ gbɛɛ ee ma‑a to nɔ n bu ɔ dia koe a. Chɛ ee ma‑a, fɔ wo wan dechee, n‑na wo wɛn faa yɔn, wo wan mbe n bu ɔ dia.

GBOO FEAN BƆƐ KƆYINDI KO A 7:13

Chɛ an fɛ mu, wo‑a nn faa ma nande. A sin, a ka nn ta ma, Taitɔsi wɛɛ‑a a ma wan, nn bu ɔ dia‑a kaka, a si a ta buɔdia ma, wo tɛ ɔ. Koe min na mu, a‑a a ɔ yian fan nn na, wo gbɛɛ‑a a deman buɛ min dɔ, a bu ɔ ni dia.

Gboo Fiipai Ko A 1:8

Koe min na mu, n toen mu wo a, yɔ Chisɔsi Chasi 'a koadia ɛ buɛ min dɔ. Yataa wandi an mu n 'na siiya a, ni tea ma chɛ a.

Gboo Fiipai Ko A 4:1

Chɛ an fɛ mu, n suun ma nyɔɛ nu Chasi ɔ, n toen mu wo a, wo sin yen sɔɛ ɛ n na. N bu ɔ di wo ko a, a yɛ to, wo wan mu tɔnɔnɛ a, n 'na wai ko a. N dia nyɔɛ nu, wo bɛ Mansa Chisɔsi a, wo ma‑a ka buɛ min dɔ mɔ dɔndɔɛ a, wo ma yɛ to kuu kɔ chɛ ɔ.

FIDEMƆN 1:12

N mbe a ma tena wɛɛ gbɛ, a ni yɛ i tena, chɛɛ a 'a koadia koa‑a n faa ma kaka.

FIDEMƆN 1:7

I 'a suun ma nyɔncha koadia, a mu buɔdia a n tena, a‑a n faa chima wan. Koe min na mu, n suun ma nyɔɛ Chasi ɔ, i‑a buɔdia be wan Yataa 'a mɔɛ n gbɛɛ ma.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

1 CHƆN 3:17

Mɔ ɔ mɔ min boo cheen mu deman chɛ koe a, a ni a suun ma nyɔɛ deman, min ya kɔɔ tawaen mu. Chɛɛ ni a‑a a faa a kɔɔ a suun ma nyɔɛ chɛ ma, a ee che a fɔ‑a, mbɛ a toen fan mu Yataa a a faa ɔ.

3 CHƆN 1:4

Koe min na mu, buɔdia dɔ gbɛɛ ee to nɔ n ko a, min benden mu chɛ ma, ni n‑na a a min, mbɛ n 'na denɛ n mbe tachɛ tena wan Yataa 'a chia ma teaya ɔ.