FIDEMƆN 1:17 - Yataa 'a Dɔbɛnɛ Nama

¹⁷ Chɛ an fɛ mu, ni i‑a n ya wan i bɔ wai chɛ mɔɛ a, i boo a si Wɔnesimɔsi kɔɔ, yɔ n fan Pɔɔ an nɛ.

FIDEMƆN 1:17 Iomraidhean Croise

MATIU 10:40

Chisɔsi‑a a fɔ gbɛ an ye, a ɔ, “Ni mɔ ɔ mɔ‑a a boo si wo kɔɔ, a ma a si ni wo dechee an kɔɔ, chɛɛ a‑a a si ka n fan kɔɔ. A sin to, mɔɛ min mbe a boo si‑a n kɔɔ, a ma a si ni ka n dechee an kɔɔ, chɛɛ a‑a a si ka Yataa an kɔɔ, min‑na n sɔ.

MATIU 18:5

A sin, ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ.”

MATIU 25:40

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.

CHISƆSI 'A SƆ MƆƐ NU 16:15

Chɛ gbakɔ, Pɔɔ‑a yii chɛ wan a kunɛ ɔ, Yataa chia a, a basan a 'a chen 'na mɔɛ n na. Mbɛ Didia‑a a fɔ nn ye, a ɔ, “Ni wo‑a a fɔ, mbɛ n‑na n kai fa Mansa Chisɔsi a tea tea gbu a, mbɛ wo na, wo ni ma n 'na chenɛ a.” A sin‑na nn ma nande wan kaka, min‑na a ma, nn ta‑a a waa a.

GBOO FEAN BƆƐ KƆYINDI KO A 8:23

Taitɔsi nan tana, nn bɔɛ mu a a, nn fea, nn mbe wai chɛ tena min na, basan koe a wo ma. Mmɔ suun ma nyɔɛ tɔɛ chɛ n tana sin Chasi ɔ, chɔchi n 'na sɔ mɔɛ mu an na. An sin mbe na basɔmaya an na Chisɔsi Chasi tena.

Gboo Ɛfisɔsi Ko A 3:6

Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

1 TIMOTI 6:2

Yɔn fa nu miin kai faen mu Chisɔsi a, an 'na yɔnɛ n ma tɛ an dɔ, kun dɔ an‑na a yen, mbɛ an gbɛɛ an mbe chia dɔndɔɛ an na. Chɛɛ an yɔn chɛ n ni wai chɛ an ko a an sɔɛ gbɛɛ a, a mu min na, an 'na tɔnɔnɛ ɛ ta tena an kai fa tena dɔndɔ gbe wan. N toen mu i ni koe chɛ n kan, i ni an ma din.

FIDEMƆN 1:10

Chɛ an fɛ mu, n mbe disa chɛ tena Wɔnesimɔsi an ko a. N 'na denɛ mu gbɛ a a Chasi ɔ. Koe min na mu, a‑a a kai fa Chasi a, n boo kɔɔ nɛ pimbi chenɛ a.

FIDEMƆN 1:12

N mbe a ma tena wɛɛ gbɛ, a ni yɛ i tena, chɛɛ a 'a koadia koa‑a n faa ma kaka.

FIDEMƆN 1:18

Ni a na‑a ko ɔ ko kan kɔ kan yɔn fan i ma, ni i 'a kuiɛ kan kɔ kan mbe a ma, n mbe a be‑a wan.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.