FIDEMƆN 1:14 - Yataa 'a Dɔbɛnɛ Nama

¹⁴ Chɛɛ n ma to ni, n ni n deman koe din i ma. N mbe to‑a wan a a, i ni a chɛ i wandi faa ma a. Chɛ an fɛ mu, n mbe ee ko ɔ ko ma tena, ni i ma dɔn ni min ma.

FIDEMƆN 1:14 Iomraidhean Croise

GBOO SAA KƆYINDI KO A 9:17

N mbe ka wai min chɛ‑a, ni n fandi kun ma a ni, n ni pawa ɔ tisa‑a wan. Chɛɛ a ee ka wan. N mbe wai chɛ chɛ tena, koe min na mu, Yataa wandi an‑na n sɔ a chɛ koe a.

GBOO SAA KƆYINDI KO A 9:7

Soya mɔ kan kɔ kan mbe ee nɔ, min mbe a wandi pawa. Chin fen chin mɔ kan kɔ kan bɛɛ ee nɔ, min mbe a 'a chin fenɛ ya, chɛɛ dɔndɔ wɛɛ ee tu a da a. Ninchi kun ma fɛn mɔ nan fan mbe ee nɔ, min mbe a fɔ, mbɛ a 'a ninchi nɔnɔnɛ ee che a da ma.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

GBOO FEAN BƆƐ KƆYINDI KO A 8:12

Koe min na mu, ni wo ma bɛnden mu fen be koe a, Yataa‑a a ɔ sɔn fan, wo e che min be‑a. A sin, ni wo‑a a be, ɛ a ya wan. A ee a fɔ, ɛ boo fenɛ ya wan, min mbe ee mɔɛ boo ɔ.

GBOO FEAN BƆƐ KƆYINDI KO A 9:5

Chɛ an fɛ mu, n‑na n yii na chii, mbɛ a nyin fan, n ni mmɔ bɔɛ Chisian chɛ n disa, an ni na n ya ɔ wo tena. Mbɛ wo na‑a wo boo fenɛ miin be koe fɔ, wo sin‑na a sa tena ɔ bɛn, a be koe a, wo ni a be. An ni a sa tena ɔ bɛn, n ya ɔ. Chɛ sin mbe a ɔ yian‑da wan, mbɛ wo ta faa ɔ mu, wo‑a a be, chɛɛ mɔ an ma a din ni wo ma.

GBOO FEAN BƆƐ KƆYINDI KO A 9:7

Mɔ ɔ mɔ yiima, ɛ min fɔ a ye, a be koe a, a ni an be. A ma a gbɔɔ a be‑a, a sin ma din a ma a be koe a. Koe min na mu, Yataa toen mu mɔɛ a, min mbe ma fenɛ be‑a, a bu ɔ diama ɛ.