Gboo Ɛfisɔsi Ko A 5:3 - Yataa 'a Dɔbɛnɛ Nama

³ Chɛ an fɛ mu, wo ma dɛ waa ma basanɛ ɔ, ni wo ee wɛ fuu ɔ. A yɛ to, maumaya ko tɛ, chɛ ma, fenkoya wa kaka. Chɛ ma nyin Yataa 'a mɔɛ n ko a, miin mbe tenchen a ko a.

Gboo Ɛfisɔsi Ko A 5:3 Iomraidhean Croise

MATIU 15:19

A mu min na, ko yama gbɛɛ ɛ bɔ mɔ gbu yiima an dɔ. A ni ma mɔ fa koe an na, kanka chɛ ko mu, fania fɔ mu, ni tɔ ɔ tɛ yama chɛ. A yɛ to, a ni ma waa ma basan koe a mɔɛ a, wo ee fuu ɔ min na, ni ko tɛ koe wɛɛ.

DUKU 12:15

Mbɛ a‑a a fɔ an ye, a ɔ, “Wo wo kun ma fɛn, fen koya yama min kɔ min boo ɔ. Koe min na mu, mɔ gbu ni nyan boo ɔ boo, chɛ an mbe ee a ma i ni fɔɛ chɛndɛ ma sɔn.”

DUKU 16:14

Chu mɔɛ chɛ nu, miin ni Fayisii n na, an‑na Chisɔsi da a bai chɛ n na min kɛn, an‑na an pɔsɛ a di wan a ma, a mu min na, an kɔpɔ koen ni kaka.

CHISƆSI 'A SƆ MƆƐ NU 15:20

Chɛɛ mmɔ ɛ min ma, mmɔ gboo nyɛn an tena. Mmɔ ni a fɔ an ye, mbɛ an ma daun fɛnɛ daun, mɔɛ n‑na min bɔ yasi a, fen chɛ n tena, miin ma Yataa a. A yɛ to, an ma koe tɛ, an sin ma soe kan kɔ kan daun, min kanɛ a ma tɛ ni, an gbu ma wii daun.

CHISƆSI 'A SƆ MƆƐ NU 20:33

N nii ma to ni, mɔ ɔ mɔ ta boo fen kan kɔ kan na.

GBOO DOMI KO A 1:29

Ko yama nu, an fan faenɛ an faa an na gban. An toen mu an bɔ n boo fenɛ n fan na, an toen mu to fen fen ni ma an dɔndɔ gbe ta a, an ma to ni an nyɔn na, an sin mbe an nyɔn fa wan. A yɛ to, an mbe butuinɛ chɛ, an mbe an nyɔn bun, an mbe ta‑a yiinachii yama chɛ‑a an nyɔn na. A sin to, an mbe an nyɔn tɔɛ ɔ tɛ ka wan.

GBOO DOMI KO A 16:2

Wo wo boo si a kɔɔ chɛndɛ chɛ, yɔ Yataa 'a mɔɛ n mbe an nyɔn bia buɛ min dɔ. A sin, ni a toen mu basɔmaya kan kɔ kan na, wo a chɛ a a. Koe min na mu, a‑a ko chɛndɛ ma wan mɔ sɛsɛ a, a basan n bɛɛ a.

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO SAA KƆYINDI KO A 10:8

Mmɔ ma mmɔ boo chɛ waa ma basan yama ɔ, yɔ an dɔ n ni a ma buɛ min dɔ. An‑na a ma, an mɔ wu bi fea kun ma sawa an fa‑a tee dɔndɔɛ a.

GBOO SAA KƆYINDI KO A 5:1

A che‑a n ma, mbɛ mɔ dɔndɔ wo tɛ ɔ nɔ, Kɔyindi chɔchi ɔ, ɛ ko yama ma tena, an fea musu a. Mɔɛ miin ma Yataa sɔn, an mbe ee ko yama miin nyɔn sima n ma, wo bɔɛ chɛ ɛ an fan ma tena. An‑na a gbu fɔ n ye, mbɛ ɛ waa ma basan tena wan, a de tinanɛ a.

GBOO SAA KƆYINDI KO A 6:13

Wo dɔ n sin mbe a fɔ, wo ɔ, “Daun fenɛ ɛ bu an ko a,” wo ɔ, “bu wɛɛ ɛ daun fenɛ ko a.” A gbu sin mbe ka wan. Chɛɛ tee dɔndɔ a, Yataa ɛ a ma‑a wan, an fea gbɛɛ ee ma‑a to nɔ. Wo gboo ee nɔ, min mbe a ma, wo ni koe tɛ. Chɛɛ wo tachɛ koe mu Chisɔsi ko a, mbɛ wo gboo kɔ koe sin, a ma‑a Mansa Chisɔsi wɛɛ ma.

GBOO SAA KƆYINDI KO A 6:18

Wo wo boo bɔ waa ma basan ko yama kan kɔ kan dɔ. Koe min na mu, ko yama kan kɔ kan, mmɔ ɛ min ma, a ee mmɔ gboo tɔɔ. Chɛɛ mɔɛ min mbe koe tɛ, a‑a ko yama si a wandi gboo a.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

Gboo Ɛfisɔsi Ko A 5:12

A gbu sin ma mauen ba mu, mɔɛ ɛ ma bai sa‑a, a si an koe chɛ n ma, an mbe miin ma nun dɔ.

Gboo Ɛfisɔsi Ko A 5:5

Wo dan chɛ a, mbɛ mɔ ɔ mɔ, ko yama‑a min dɔ chɛ chɛ, a ee don‑da mansaya kɔɔ, Chasi ɛ min dɔ, an fea Yataa a. Wo ma ma mɔɛ n na, miin mbe waa ma basan, an ma dɛ ni fuu ɔ tima min na. Chɛ ma, wo ni ma mɔɛ n na, miin mbe maumaya koe tɛ, an sin fenkoyaen mu, an mbe an boo fenɛ n ya yɔ Yataa.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

Gboo Saa Tɛsadonika Ko A 4:3

Yataa toen mu wo ni ma tenchen a wan ko a, wo ni wo boo bɔ ko tɛ kan kɔ kan dɔ.

Gboo Saa Tɛsadonika Ko A 4:7

Yataa ma mmɔ chee ni a ta mɔɛ n na, ma koe a fɔɛ yama an dɔ. Chɛɛ ma koe a mu tenchen a ko a.

1 TIMOTI 2:10

Chɛɛ an ni an fandi a bonchen an chɛ chɛ wai chɛndɛ ɔ, min ma biaen mu Yataa sɔn mɔɛ ko a.

1 TIMOTI 3:3

A ee gbɛ wa min, faagbandia tɔ ma a a, chɛɛ a ni ma mɔɛ a min faa chimaen mu, a ee koɔ yan. A sin, kɔpɔɛ wako ee a faa ɔ kaka.

1 TIMOTI 6:10

A mu min na, kɔpɔɛ koe, ko yama sɛsɛ ɛ a kuu sɔ an ma. Kɔpɔ koe wa dɛgbɛ chɛ, an‑na a ma, mɔɛ dɔ n ka‑a danaya chia ma Chisɔsi a, a sin‑na an na dɛ faa yɔn koe n dɔ.

2 TIMOTI 3:2

Koe min na mu, mɔɛ n mbe to‑a an fandi an na dechee, a basan kɔpɔɛ a. An mbe ma‑a dɔdia tɔɛ n fan na, an dɔ pandaenɛ ɛ, an mbe ee baa be mɔ ɔ mɔ ma, an mbe ee an woo mɔɛ n da a kuiɛ ma, an ma wai nyima sɔn, Yataa sɔn bai nu.

TAITƆSI 1:11

An da a ni tɔn, koe min na mu, an mbe chenɛ n dɔ chɛ chɛ tena wan, an mbe an ka‑a tea chia ma, an 'na kan yama chɛ chɛ a. Chɛ gbɛɛ sin kaen mu mau bandaya kɔpɔ yan chɛ an ma.

TAITƆSI 1:7

Chɔchi ya ɔ sɔɛ sin, min mbe Yataa 'a wai kun ma, mabɔ ee ma a ma, dɔpanda tɔ ma a a, a faa ma gbandi, a sin mbe ee gbɛ wa min. Kɔpɔɛ wakoe ee koa a faa ɔ, a sin mbe ee ma gbun na bea mɔ a.

TAITƆSI 2:3

A fɔ musu ma taenɛ n bɛɛ ye, an ni baa be Yataa ma an sɔnɛ n dɔ. An ma ma yɔnɛ a gbɛ ko a, an ma tɔ ɔ tɛ yama chɛ. An mbe kanɛ min chɛ, a ni ma kan chɛndɛ a.

GBOO IBU MƆƐ N KO A 12:16

Mɔ ɔ mɔ ma ko tɛ ma a ma gbɔsɔɛ a, wo tɛ ɔ. Mɔ ɔ mɔ ma ma wo tɛ ɔ, Yataa wakoe ee min faa ɔ, yɔ Isɔ. Den saa ni a a, chɛɛ a tana, daun fen dɔndɔ gbe ko a, a‑a an tea ma tachɛ wan.

1 PITA 5:2

Wo ni mɔɛ chɛ n kun ma fɛn chɔchi ɔ chɛndɛ chɛ, Yataa‑a miin be wo ma. Wo an kun ma fɛn wo faa gbɛɛ a, yɔ Yataa toen mu a buɛ min dɔ. Wo ma an kun ma fɛn faa ɔ nɔɛ a. Wo ma a chɛ pawa dechee an ko a. Chɛɛ wo‑a a chɛ, a chɛ koe a dia ko a.

2 PITA 2:10

A gbu sin mbe ma‑a ka wan an na, miin boo chɛenɛ ɛ ko tɛ ɔ, an sin gbɔsɔ ma, mbɛ Yataa 'a gbasaya ɛ wan nɔ. Fania kan chɛ mɔɛ chɛ nu, chianɛ ee ka miin ya a, an toen mu koe min na, an mbe an ma. An mbe ee basɔmaya be an ma, gbasaya ɛ miin boo ɔ banda bu ɔ. Chɛɛ an mbe an main fan.

2 PITA 2:14

An mbe ee musu ma fɛn gbama a, ni an ma an yii na chii ni ta koe ma a sofa a. An faa ee chima ko yama ma koe a. An mbe a ma wan mɔɛ chɛ n ni chɛɛ gbai a, mɔɛ miin yiima ɔ dɔɔ. An‑na an fandi kan fan to koe a fen kɔ fen na, an sin mbe ma‑a danka tɔɛ n fan na.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

KO Ɔ NUNDENƐ 2:14

Chɛɛ n bu ɔ ma di koe dɔ n na, a si wo ma. Mɔɛ dɔ nu wo tɛ ɔ, an mbe bea tena kan chɛ an fɛ, Badaan ɛ min chɛ tena, Badaan min‑na Badaki kan, Isɔɛɛ mɔɛ n na dɛ koe a ko yama ɔ. A‑a a ma wan, an‑na daun fenɛ n daun, miin ni bɔ yasi a fania yataa n tena. Mbɛ a yɛ‑a to, a‑a a ma, an‑na koe tɛ.

KO Ɔ NUNDENƐ 2:21

N‑na tima be a ma, a kan kɔ sɔ koe a, a 'a ko yama n na, chɛɛ a ma to ni a ni a boo bɔ ko tɛ chɛ ɔ.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.

KO Ɔ NUNDENƐ 9:21

Mɔɛ fa koe wɛɛ, an ni miin ma, an ma an kan kɔ sɔ ni a a. An ma an kan kɔ sɔ ni an 'na suaya wa a, a basan an 'na ko tɛ a, ni an 'na kanka chɛ. An ma an kan kɔ sɔ ni chɛ dɔndɔ wɛɛ a.