Gboo Ɛfisɔsi Ko A 4:4 - Yataa 'a Dɔbɛnɛ Nama

⁴ Mmɔ gbɛɛ, mmɔ dɔndɔɛ mu mmɔ a, yɔ Chasi gboo ɛ buɛ min dɔ. Koe min na mu, Yataa Nyina, min mbe mmɔ fɛ, ɛ dɔndɔ gbe. Ɛ ka wan dechee, yɔ yiinatɛ chɛ wɛɛ, Yataa‑a mmɔ chee min ko a, a sin mbe mmɔ ɔ.

Gboo Ɛfisɔsi Ko A 4:4 Iomraidhean Croise

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

CHISƆSI 'A SƆ MƆƐ NU 15:11

Chɛɛ mmɔ danden fan mu a a, mbɛ mmɔ ɛ bauncha ma sɔn‑da wan, koadia demanɛ 'a gbasaya ɔ, Mansa Chisɔsi ɛ min chɛ, yɔ an bɛɛ an mbe a ma sɔn‑da buɛ min dɔ.”

GBOO DOMI KO A 11:29

Koe min na mu, ni Yataa ban‑da a boo sɔ‑a mɔɛ miin ma, a ban‑da a sɔ‑a an ma. Ni a‑a mɔɛ miin dua, a ban‑da an dua‑a. A ee a da a kuiɛ yɔn.

GBOO SAA KƆYINDI KO A 10:17

Mmɔ da a koo, chɛɛ mɔ dɔndɔ gbe mu mmɔ a, a mu min na, mmɔ ɛ biidi gbugbu dɔndɔ gbe an daun.

GBOO SAA KƆYINDI KO A 12:20

Tea gbu mu min na, mɔ gbu sɔna n kɔkoo wan, chɛɛ a gbɛɛ mu mɔ gboo dɔndɔɛ a.

GBOO FEAN BƆƐ KƆYINDI KO A 11:4

Koe min na mu, wo e wo boo a si wan mɔɛ kɔɔ, buɔdia ɔ, min mbe na wo tena, ɛ bai ɔ yian, a si Chisɔsi dɔ mende ma. Chisɔsi chɛ ma, nn‑na sakana bai chɛndɛ ɔ yian, a si min ma. Mbɛ wo‑a wo boo si nyina dɔ mende kɔɔ, min ma Yataa Nyina a. Wo‑a wo boo si to sakana bai dɔ mende kɔɔ, min kaen mu chɛ ma, wo na‑a wo boo si tee min kɔɔ. Wo‑a wo wandi be a ma, ko ɔ wuu ma a.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 2:16

A sin, a 'a saya kɔn gbengbanden chɛ ma, ɛ na‑a wan mmɔ chɛ‑a mmɔ nyɔn dɔ, mmɔ bɛ Yataa a, mmɔ ni ma kuiɛ dɔndɔya ɔ. Chɛ an mbe a ma‑a, kodomaya chɛ ni ban.

Gboo Ɛfisɔsi Ko A 2:18

Chasi an‑na a ma, Chu mɔɛ nu, ni miin ma Chu mɔ a, mmɔ bɛ, mmɔ ɛ si mmɔ Fa Yataa chen kɔɔ. Mmɔ‑a chia chɛ ma sɔn Yataa Nyina 'a gbasaya an dɔ.

Gboo Ɛfisɔsi Ko A 2:22

Wo wandi gbu wɛɛ, mɔ dɔndɔɛ mu wo a, wo bɛ Chasi a. Chɛ ko a, ɛ wo a tun tena wan, wo bɛ Yataa 'a mɔɛ tɔɛ n na, wo ni ma yɔ a 'a chenɛ, ɛ ma kaina min a Nyina 'a gbasaya ɔ.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 5:30

Koe min na mu, mmɔ maen fan mu yɔ a sɔna nu, a gboo chɛ ko a.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Kɔdɔsai Ko A 3:15

Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

1 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N 'na denɛ mu gbɛ i a, i 'a danaya ko a Yataa a. Mɔ yii na tɛen mu Chisɔsi Chasi an ma. A sin, a 'a sɔ mɔɛ mu n na, mɔ baun mɔɛ Yataa 'a gbasaya ɔ, an fea a wan Chisɔsi Chasi a. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

TAITƆSI 3:7

Yataa‑a chɛ ma, min mbe a ma, a ni mmɔ sɔ chia ma kuɔ fɔ fɔɛ ma sɔn koe a. Koe min na mu, a 'a koadia demanɛ ɔ, a‑a mmɔ ya mmɔ tandenɛ n na a tena.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.