Gboo Ɛfisɔsi Ko A 4:2 - Yataa 'a Dɔbɛnɛ Nama

² Tima ɔ tima ko a, wo ni wo wandi ma yii, wo faa ma gbandia, wo sin ni wo faa bia. Wo wo faa bia wo nyɔn na. Wo e kun‑da wan koadia yian‑da.

Gboo Ɛfisɔsi Ko A 4:2 Iomraidhean Croise

MATIU 11:29

Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan.

MAKI 9:19

Mbɛ Chisɔsi ɔ, “A sin, wo e ka buɛ min dɔ, wo ee dan ko a. A ɔ yansan gbɛ mmɔ bɛ ɛ mmɔ nyɔn fɛ, fen mu wo ee dan n na? N ma a ɔ sɔn n mbe fen ma to wo ko a. Na i 'a denɛ a.”

CHISƆSI 'A SƆ MƆƐ NU 20:19

Chu mɔɛ n‑na kun puinɛ chɛ wan, a yama boo a, a si n ma. Chɛɛ n‑na n fandi ma yii wan, n‑na wai chɛ wan Mansa Chisɔsi ko a, di ni wɛɛ n ya a, n faa wɛɛ yɔndenɛ ɛ, a si ko ma gbaaen chɛ n ma, Chu mɔɛ n‑na min sa n ma.

GBOO DOMI KO A 15:1

Mmɔ gbɛɛ, mmɔ wɛn 'na danaya Yataa a, a ɔ gbɛ gbechen, mmɔ faa ma gbaa dechee mmɔ wandi an deman koe a. Chɛɛ mmɔ mɔɛ chɛ n deman, miin 'na Chisian danaya ɔ ma gbɛ.

GBOO SAA KƆYINDI KO A 13:7

Koadia ɔ, mɔ sɔɛ ee bɔ, i bɔɛ ko a. A sin, danaya, yiinatɛ, ni faabia, mɔ gboo ɔ ee fa an na.

Gboo Kadesia Ko A 6:2

Wo wo boo si wo nyɔn na ya kɔɔ tawa kɔɔ, min mbe a ma, wo ni Chasi 'a sawa bia a chia ma.

Gboo Ɛfisɔsi Ko A 1:4

A e na to dunya gbu a dan‑da wɛɛ, a na‑a ban fan gbɛ a boo sɔ‑a mmɔ ma, mmɔ ma koe a a ta mɔɛ n na, mmɔ wɛn mu mɔ dɔndɔɛ a Chisɔsi Chasi a. A na‑a chɛ ma, min mbe a ma, mmɔ ni ma a ko a tenchen, mɔɛ nu, mabɔ kan kɔ kan mbe ee miin ma. Koadia ɔ,

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.