Gboo Ɛfisɔsi Ko A 3:2 - Yataa 'a Dɔbɛnɛ Nama

² Mmɔ a ya wɛ, mbɛ wo‑a a a min fan, Yataa‑a n ma buɛ min dɔ wai chɛ mɔɛ a, a ko a. Wo wan ko a mu, a‑a koadia deman chɛ chɛ n na.

Gboo Ɛfisɔsi Ko A 3:2 Iomraidhean Croise

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 11:13

N mbe chɛ gbɛɛ fɔ tena wo wan ko a, wo wɛn ma Chu mɔ a. N mu ka buɛ min dɔ Chisɔsi 'a sɔ mɔɛ a, wo ko a, n bu ɔ diama mu tima ɔ tima ko a, n 'na wai chɛ koe a. N ni chɛ ma din ka wo tena. Ka wɛ n mbe koɔ gbɛ wo tena, wo wan mɔɛ chɛ nu, wo wɛn ma Chu mɔɛ n na. Tima min na wɛ n mbe Chisɔsi 'a sɔ dencha ɔ wo ko a, n bu ɔ diama mu, wai chɛ ɔ.

GBOO DOMI KO A 12:3

N‑na a ɔ sɔn fan, Yataa‑a min chɛ n ye, koe min na mu a chinchin‑da wan n ma. Chɛ an fɛ mu, n mbe chɛ fɔ tena wo gbɛɛ ye, mbɛ wo ma wo wandi a sɛ, a ni ben wo e buɛ min dɔ. Chɛɛ wo e min ma, wo tea yiinachii chɛ, a si wo wandi ma. A sin, wo yiinachii chɛ, Yataa‑a min chɛ wo ye, a mu min na, wo‑a wo kai fa a a.

GBOO SAA KƆYINDI KO A 4:1

Chɛ ko a, wo nn ya, mbɛ bɔi denɛ mu nn na, Chasi ko a. Nn‑na ko sɛsɛ ɔ sɔn fan, a si Yataa ma, mɔ dɔ gbɛɛ ma min dɔ sɔn. Nn sin fan yaen mu, a ɔ yian koe a mɔɛ n na.

Gboo Kadesia Ko A 1:13

Chɛɛ wo gbu, wo na‑a a a min fan, n ni Chu n 'na sawa n bia buɛ min dɔ gbau gbau, a si Yataa fai koe ma. N‑na ko yawaenɛ sa wan mɔɛ n ma, a yama boo a, chɔchi ɔ. N gbu toen ni, n ni an kasaa wan.

Gboo Ɛfisɔsi Ko A 1:10

Dɔbɛnɛ an nii nɛ, Yataa ɛ min na ban‑da, ni a tima che‑a. A sin, fen kɔ fen, banda bu ɔ, ni duu gboo ma, na koe mu kaina dɔndɔɛ, mbɛ Chasi ma‑a an kun ma.

Gboo Ɛfisɔsi Ko A 3:7

Sakana bai chɛ, an ko a mu, Yataa‑a n ma a 'a sɔ mɔɛ a. Chɛ bɔ‑a a 'a koadia demanɛ an dɔ, n‑na min ma sɔn, a 'a gbasaya ɔ.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 3:9

A sin, n ni a ma to, mbɛ mɔɛ n gbɛɛ ni koe ɔ gbɛ, a si koe chɛ ma, Yataa‑a min dɔ nun kɛn a‑a dunya a dan suun tima min na.

Gboo Ɛfisɔsi Ko A 4:21

Wo wandi gbu‑a a ɔ sɔn fan, mbɛ an‑na bai sa wan wo tena, a si a ma. A sin, an‑na wo kan fan, wo ma koe a mɔ dɔndɔɛ a, wo bɛ Chasi chɛ a. Tea chɛ sin, sakana chɛndɛ chɛ, ɛ min fɔ, a sien mu a wan Chisɔsi an ma.

Gboo Ɛfisɔsi Ko A 4:7

Chɛɛ mmɔ gbɛɛ, Chasi‑a koadia demanɛ chɛ wan mmɔ a, dɔndɔ dɔndɔɛ a, yɔ ɛ mɔɛ n kɔ buɛ min dɔ a faa ma a.

Gboo Kɔdɔsai Ko A 1:4

Koe min na mu, nn‑na a a min, wo kai faen mu buɛ min dɔ Chisɔsi Chasi a. A sin to, koadia min nyɔn sima ɛ wo faa ɔ, Yataa 'a mɔɛ gbɛɛ ko a.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

1 TIMOTI 1:11

Kan chɛ ɛ kamaya sakana bai chɛndɛ an dɔ, Yataa wandi, mmɔ ɛ min tando, a‑a min be n ma.

1 TIMOTI 1:4

An na si an ni sɛmbɛ tai a bɔɛ a, an mbe ta‑a suunɛ ma dan‑da ta‑a aan. Chɛ ɛ na dechee kɔɔsa an na, an mbe ee deman chɛ, Yataa 'a yiinachii mmɔ ko a, a ni ta ya ɔ ma. Danaya an mbe a ma Yataa 'a yiinachii mmɔ ko a, a ni ta ya ɔ ma.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

2 TIMOTI 1:11

Sakana bai chɛ ko a mu, a‑a n ya sɔ mɔɛ a, n ni kanɛ chɛ, mbɛ n‑na a ɔ yian mɔɛ n na.