Gboo Ɛfisɔsi Ko A 2:8 - Yataa 'a Dɔbɛnɛ Nama

⁸ Koe min na mu, koadia demanɛ ɔ mu, wo‑a bauncha ma sɔn. A sin ma‑a koe min na mu, wo‑a wo kai fa wan Chasi a. Chɛ sin, wo wan ma a ma ni. Chɛɛ Yataa wandi, an‑na a ma wo ko a, gbama gbama a.

Gboo Ɛfisɔsi Ko A 2:8 Iomraidhean Croise

MATIU 16:17

Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.

MATIU 20:9

Mɔɛ miin danka‑a ka na‑a wai chɛ tena chɛ, a‑a an pawa tee dɔndɔ 'a pawa da faenɛ a gban.

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

DUKU 7:50

Chɛɛ Chisɔsi‑a a fɔ wan musu chɛ ye, a ɔ, “Ta i faa chimaenɛ a don, i 'a danaya‑a i baun.”

CHƆN 3:36

Mɔɛ min mbe a kai fa‑a Yataa 'a denɛ a, ɛ kuɔ fɔ fɔɛ ma sɔn‑da wan. Chɛɛ mɔɛ min mbe ee a kai fa‑a a 'a Denɛ a, a ee kuɔ fɔ fɔɛ ma sɔn‑da. Koe min na mu, Yataa faa tɛenɛ an mbe ma‑a a ma.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHƆN 6:35

Mbɛ Chisɔsi ɔ, “N fan mu daun fen chɛ a, kuɔ fɔ fɔɛ be koe a. Ni mɔ ɔ mɔ na‑a n tena, mbɛ a‑a a kai fa n na, kɔnkɔ ee a mɔɛ chɛ bia‑a to kuɔ fɔ, a sin, a kanɛ wɛɛ a ee gbaa‑a to.

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

CHƆN 6:44

Mɔ ɔ mɔ ee che na‑a n tena, mɔɔ ni Fa‑a a ma, a na‑a n tena. A sin, n mbe a ma‑a wan, a ni a kɔɔ sɔ saya ɔ tee dankama ma.

CHƆN 6:65

Mbɛ a yɛ‑a to, a ɔ, “Kun chɛ gbu ko a mu, n‑na a fɔ wo ye, n dɔ, mɔ ɔ mɔ ee che na‑a n tena, mɔɔ ni Fa Yataa‑a gbasaya be a ma, a mɔɛ chɛ ma koe a n fɛ denɛ a.”

CHISƆSI 'A SƆ MƆƐ NU 13:39

A sin, a wan ko a mu to, mɔ ɔ mɔ min mbe a kai fa‑a a a, Yataa ɛ a ya‑a wan mɔ tandenɛ a a tena. Ɛ a boo bɔ‑a wan an mɔɛ chɛ a ko yama gbɛɛ ɔ. Ko yama chɛ nu, an mɔɛ chɛ kun mbe ee che bɔ‑a miin dɔ, Mosisi 'a sawa kɔɔ.

CHISƆSI 'A SƆ MƆƐ NU 14:27

An sin, an che‑a kɛn Andiɔki duu ɔ, an‑na chɔchi mɔɛ chɛ n gbɛɛ a kan fan kaina dɔndɔ, mbɛ an si‑a ko ɔ ko ma, an‑na a ɔ yian, Yataa‑a miin chɛ an ye. A yɛ to, Yataa‑a chia sa buɛ min dɔ mɔɛ chɛ n ko a, miin ma Chu mɔ a, an kai fa koe a Chisɔsi a.

CHISƆSI 'A SƆ MƆƐ NU 15:11

Chɛɛ mmɔ danden fan mu a a, mbɛ mmɔ ɛ bauncha ma sɔn‑da wan, koadia demanɛ 'a gbasaya ɔ, Mansa Chisɔsi ɛ min chɛ, yɔ an bɛɛ an mbe a ma sɔn‑da buɛ min dɔ.”

CHISƆSI 'A SƆ MƆƐ NU 16:14

Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.

CHISƆSI 'A SƆ MƆƐ NU 16:31

Mbɛ Pɔɔ an fea Sidasi a, an dɔ te, “I kai fa Mansa Chisɔsi a, mbɛ i‑a bauncha ma sɔn, a basan i 'a chen 'na mɔɛ n gbɛɛ a.”

GBOO DOMI KO A 10:14

Chɛɛ mɔɛ n mbe ee kun, an ni a tɔɛ chee bauncha ko a, ni an ma an kai fa ni Chisɔsi a. Chɛɛ ni an ma Yataa 'a sakana bai chɛ a min ni, an mbe ee che an kai fa chɛ chɛ a. An sin mbe ee kun, an ni sakana bai chɛ a min, ni mɔ ɔ mɔ ma a fɔ ni an ye.

GBOO DOMI KO A 10:17

Chɛ ɛ a ɔ yian fan gbɛ, mbɛ mɔɛ n mbe sakana bai chɛndɛ min na min tena ka, an mbe a ma tena an mbe an kai fa tena Chisɔsi Chasi a. A sin to, mɔɛ n mbe sakana bai chɛndɛ chɛ a min tena wan, mɔɛ n mbe min fɔ tena an ye a si Chisɔsi ma.

GBOO DOMI KO A 4:16

Chɛ an fɛ mu, Yataa 'a tooɔdia chɛ, a kuu si‑a danaya an ma, Ebeami na‑a min chɛ a a. Yataa 'a tooɔdia chɛ ma fen dɔ mende a, chɛɛ a mu wai nyima chɛ an na, a na‑a min chɛ Ebeami cheeya n na. Cheeya chɛ nu, an ma dechee chɛ n fan na, miin boo a sien mu Mosisi 'a sawa n kɔɔ. Chɛɛ an mu wan chɛ n bɛɛ a, miin danden mu Yataa a, yɔ Ebeami na‑a dan buɛ min dɔ a a. Koe min na mu, mmɔ gbɛɛ bemba n ta bemba mu Ebeami an na, danaya ko a Yataa a.

GBOO DOMI KO A 4:5

Chɛɛ mmɔ mɔɛ yen bɛ, a e na a chɛ chɛ wai n ya, mbɛ an fan mbe a ya mɔ tandenɛ a, a ni a kai fa Yataa a. Mbɛ Yataa ɛ a yii na chii wan, an mɔɛ chɛ‑a a kai fa min chɛ a a. Ni an mɔɛ na‑a ko yama ma boo ɔ boo, Yataa ɛ a fɔ wan, a ɔ, a ma ko yama ma ni. Yataa ɛ an mɔɛ chɛ ya ka wan mɔ tandenɛ a.

GBOO DOMI KO A 9:16

Chɛ an fɛ mu gbɛ, a gbɛɛ mu dechee Yataa 'a chinchimaya an na. Chɛɛ mmɔ 'a faagbaa ee Yataa 'a chinchincha be mmɔ ma, mmɔ chɛ koe wɛɛ ee a be mmɔ ma.

Gboo Kadesia Ko A 3:14

Chɛ ni a ma, Chisɔsi Chasi 'a gbasaya ɔ, Yataa 'a dua min mbe Ebeami ma, a ni ma mɔɛ chɛ n kun ma, miin ma Chu mɔ a. Chɛ an mbe a ma, mmɔ ni kun Yataa Nyina ma sɔn‑da, mmɔ too ɔ dia‑a min ma sɔn koe a, ni mmɔ‑a mmɔ kai fa Chisɔsi Chasi a.

Gboo Kadesia Ko A 3:22

Chɛɛ Yataa 'a gboo ɔ te, dunya gbɛɛ, ɛ ko yama 'a gbasaya an kɔɔ. Chɛ ko a, Yataa na‑a tooɔdia min chɛ, ɛ a be‑a chɛ n fan ma, miin mbe an kai fa‑a Chisɔsi Chasi a.

Gboo Ɛfisɔsi Ko A 1:19

N mbe samunɛ chɛ tena to, wo ni a ɔ sɔn, mmɔ wɛn kai faen mu Chisɔsi a, mbɛ Yataa 'a gbasaya mmɔ ɔ, a danka ee ɛnden bɛɛ a. An gbasaya wa dɔndɔ gbe chɛ,

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Fiipai Ko A 1:29

Koe min na mu, ɛ wan gbɛ Yataa boo ɔ wo ko a, mbɛ Chasi chɛ wakoe, wo kai fa koe ma dechee a a. Chɛɛ wo gbu, wo e tɔɔya ɔ bia‑a wan a ko a.

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

GBOO FEAN BƆƐ TƐSADONIKA KO A 1:9

Yataa ɛ a ma‑a wan, an ni tɔɔya ɔ yen, an ni kasaa kuɔ fɔ ko a. An tɛ duenɛ an mbe ma‑a mmɔ 'a mansa a, an mbe ee ma‑a a 'a manɛ kɔɔ.

GBOO IBU MƆƐ N KO A 6:4

Mɔɛ dɔ nu, an ni wan tima dɔndɔ a pimbi ɔ, mbɛ Yataa‑a manɛ be an ma. An na‑a tɔnɔnɛ ma sɔn fan Yataa a, a sin, Yataa Nyina ni wan an bɛɛ fɛ. Mbɛ Yataa 'a bai, ɛ na ko chɛndɛ miin bɛɛ a, an‑na an bɛɛ sima ma fɛn. Fɔɛ chɛ wɛɛ, min mbe ya ɔ ma, gbasaya min mbe a ɔ, an‑na a wɛɛ ma fɛn fan. Chɛɛ chɛ gbɛɛ ɔ, an ka‑a Chasi fɛ. A yɛ to, an mbe da mau koe n sɛ‑a Yataa 'a denɛ ma, fanka ɔ, an mbe a fa‑a to kɔn gbengbandenɛ ma. Chɛ an fɛ mu, chia ee che to sa‑a an ko a, gba fean bɔɛ ɔ, yɛ koe a to Yataa tena.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.