Gboo Ɛfisɔsi Ko A 2:4 - Yataa 'a Dɔbɛnɛ Nama

^4-5 Chɛɛ chinchimaya koo, Yataa boo ɔ. An fɛ mu, mmɔ faen chɛ ni wɛɛ, mmɔ 'a ko yama n boo ɔ, a‑a fɔɛ nama be wan mmɔ ma, mmɔ bɛ Chasi a. A toen mu buɛ min dɔ mmɔ a, a koo. Chɛ an fɛ mu, a 'a koadia demanɛ dechee, an‑na mmɔ baun.

Gboo Ɛfisɔsi Ko A 2:4 Iomraidhean Croise

DUKU 1:78

Chinchincha Yataa mu mmɔ 'a Yataa a. Ɛ mɔɛ a na‑a wan mmɔ baun koe a, yɔ ɛ tee kaienɛ a na buɛ min dɔ, manɛ be koe a mmɔ ma.

GBOO DOMI KO A 10:12

Mɔ ɔ mɔ ɛ wan chɛ ɔ. Koe min na mu, tɛ bɔ ee Chu mɔɛ n ma, an bɛ mɔɛ n na miin nii ma Chu mɔɛ n na. Mansa Yataa dɔndɔ gbe an mbe mɔɛ gbɛɛ ko a, a sin‑na mɔ ɔ mɔ dua wan chɛndɛ chɛ, mɔɛ min mbe a tɔɛ chee demanɛ ko a.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO DOMI KO A 5:8

Chɛɛ Yataa‑a a ɔ yian fan mmɔ a, mbɛ a toen mu mmɔ a kaka. Koe min na mu, mmɔ to‑a mmɔ 'a ko yama n fan dɔ, mbɛ Chasi fa‑a mmɔ ko a.

GBOO DOMI KO A 9:23

Mbɛ a sin to, a toen ni a ni a ɔ yian, mbɛ a 'a basɔmaya danka ee. Yataa na‑a mɔɛ miin ya a 'a chinchimaya sɔn koe a, a na‑a a yian fan an na.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

1 TIMOTI 1:14

Mmɔ 'a mansa 'a bauncha koadia yii‑a n kun na. Chɛ‑a danaya chɛ wan n dɔ Chisɔsi Chasi ko a, a basan koadia a. Chɛ an mbe ma mmɔ a, ni mmɔ ma‑a mɔ dɔndɔɛ a, mmɔ bɛ Chisɔsi Chasi a.

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.